磁力共振造影
磁力共振造影（英文：magnetic resonance imaging, MRI），又叫做核磁共振造影（英文：nuclear magnetic resonance imaging, NMRI），自旋造影（spin imaging），係利用核磁共振（英文：nuclear magnetic resonance, NMR）原理繪製物體內部嘅結構圖像。核磁共振會依據喺物質內部結構環境嘅唔同而釋放嘅能量有唔同嘅衰減，係噉透過外加梯度磁場檢測個發射出嚟嘅電磁波，就得到構成個物體啲原子核嘅位置同種類。呢種技術攞嚟幫人體內部結構造影，就係一種革命性嘅醫學診斷工具。另外應用到快速變化嘅梯度磁場之後，核磁共振造影嘅速度就加快唨好多，令項技術實際上應用得喺臨床診斷同埋科學研究上，推動到醫學、神經生理學同認知神經科學嘅發展好大。從核磁共振現象發現到 MRI 技術成熟嘅呢幾十年期間，有關核磁共振嘅研究領域曾經獲得咗 6 次諾貝爾獎喺三個領域（物理、化學、生理學或醫學）入便，足以講明個領域同埋佢啲衍生技術嘅重要性。
 |