泮溪酒家
提示：呢篇文講嘅唔係畔溪酒家。
泮溪酒家（泮讀畔，廣州地名嘅特殊讀法，粵拼：bun6 kai1 zau2 gaa1）係中國廣東省廣州市嘅一間好出名嘅老字號酒樓，喺荔灣區龍津西路嘅荔灣湖公園東門同荔枝灣涌之間嘅位嗰度。呢間酒樓喺1947年開始創辦。
名
[編輯]呢間酒樓係因為喺荔灣嘅泮塘地區，而且隔籬有五條溪，而呢五條溪入面有條嗌「泮溪」先至改咗噉嘅名。
史
[編輯]其實呢間酒樓喺1947年由粵人李文倫同埋李聲鏗呢兩位嚟搞嘅一間酒樓。嗰時嘅泮溪都係用竹木松皮嚟搭喺荷塘上面嘅大棚，而職員方面，凈係得四十位到，而座位就有差唔多200個。雖然話嗰時間酒樓好簡陋吓，但佢幾有鄉下特色同田園嘅嘢，搞到啲人既逍遙又浪漫，加上李氏兩爸孫喺度關注緊呢間酒樓嘅經營情況，由於佢出嗰啲嘢嘅特色好靚，加上鬼咁多人嚟讚，所以搞到好多食客成日嚟呢度幫襯嘅。結果呢間酒樓慢慢噉俾好多知識界同文化界啲人成日嚟呢度傾偈同食過返尋味。呢間嘢咪睇佢細啊，其實生意方面都幾犀利吓，甚至重有埋響噹噹嘅聲譽返嚟，一直到1950年代初，呢間酒樓已經都好出名下。
間酒樓喺1956年變成公私合營企業之後，甚至喺1958年轉成國營企業。嗰時由於要接待鬼佬嘅關係，廣州市同荔灣區嘅政府決定咗用天時、 地利、人和嚟接已經出咗名嘅泮溪酒家之後，甚至重將佢整成間大型嘅園林酒家。喺1959年10月1號嘅中華人民共和國成立十周年嗰日，西區人民政府就成立咗改建泮溪酒家領導小組嚟搞大規模嘅改建工程。後嚟組建人員唔停噉喺度努力，最後深入咗好多間深宅大院而搞掂咗一系列同清朝時期有關嘅嘢。而呢個裝修工程喺1960年7月1號先至搞掂。
喺文化大革命嗰陣，由於受到嗰時破四舊嘅風氣影響，泮溪啲人就將啲文物用夾板封存嗮，甚至重油埋紅油，寫埋標語同革命口號而搞到紅衛兵先至冇喺度搞搞震。
喺文革之後，呢間酒樓喺度唔停噉發展，一直發展到而家有成差唔多兩千個餐位，六百幾員工，日日搞三茶市、兩飯市嘅一間高、中、低檔一齊搞埋嘅大型食府。甚至喺1996年——1998年期間，攞埋中華老字號嘅同時，甚至連中國國家級嘅特級酒家，廣州市著名商標都攞埋。雖然話喺1990年代尾之後嘅生意就越嚟越差，但係佢喺2005年6月俾人公佈咗係廣州市登記保護文物單位，甚至喺嗰年8月俾荔灣區政府睺實咗，不過始終喺嗰年11月24號發咗招商都冇人應。不過喺2006年8月份，由於香港嘅四洲集團用咗3800萬蚊嚟攞咗泮溪酒家嘅99％產權，結果喺嗰年12月停咗業嚟搞重新裝修，一直到2008年2月3號先至重新開業。
2016年4月25號，間酒樓變成大陸電影《極限挑戰》嘅拍攝現場[1]。同年5月2～4號，有街坊發現酒樓正門上邊嘅牌匾變成「慧鳴酒樓」，搞到好多街坊以為酒樓執咗或改名[2]。其實係虛驚一場，實際佢「改名」嘅事同拍《風中有朵雨做的雲》嘅電影有關[3]。
附近嘅交通
[編輯]- 巴士：
- 泮塘站、泮塘總站
攷
[編輯]- ↑ 《极限挑战》广州录制 新华网 （2016-04-29）
- ↑ 泮溪酒家改名慧鸣酒楼? 真相：更换牌匾拍电影! 互聯網檔案館嘅歸檔，歸檔日期2016年5月6號，. 大洋网 （2016-05-04）
- ↑ 2016年5月3號《今日报道》节目[失咗效嘅鏈] 广州电视台
連出去
[編輯]- 全国最大的园林式酒家：泮溪酒家 凯风网
- 全国著名的园林酒家——泮溪酒家 广州市泮溪酒家有限公司
- 荔湾区泮溪酒家 立订网
- 广州文化信息网
- 广东省食品药品信息网
- 中国广州网
- 食在广州第一网
- 广州市城市规划局
- 中国通用旅游