林大輝

林大輝
出生日	1959年11月22號（65歲）
出生地	香港
國籍	中華人民共和國
母校	香港理工大學
職業	慈善團體
	[改維基數據]
	睇; 傾; 改;

林大輝，SBS，BBS，JP（Lam Tai Fai，1959年 11月22號—），花名「大輝哥」，係香港生意人，祖籍廣東汕頭。現任香港體育學院主席同香港理工大學校董會主席、香港電台顧問委員會主席。做過第四屆同第五屆香港立法會議員（工業界第二）、第十一、十二同十三屆全國政協委員、第十一同十二屆河南省政協常委。

簡歷

早年

林大輝喺新界元朗屏山村長大，畢業於上水鳳溪第一中學，1981年完成香港理工學院紡織工藝學，就投身紡織及製衣行業，由基層做起，十年之間升做集團董事總經理。2007年全職投身政界，同一年獲委任沙田區議會議員；2008年競逐第4屆香港立法會工業界（第二）功能界別選舉並當選；2012年再自動當選連任。

佢做過好多重要嘅政府公職，包括製衣業訓練局主席、監警會副主席等，協助特區政府制定政策同推行措施。佢亦擔任好多個本地商會同埋社團嘅首長級要職，包括香港中華廠商聯合會副會長、香港紡織業聯會副會長、香港紡織商會常務副會長、香港羊毛化纖針織業廠商會會長、香港紡織及服裝學會會長、香港青年工業家協會副會長、香港潮屬社團總會副主席、新界潮人總會副主席、香港童軍總會副會長等等，積極推動工商業同社會事務。

公職

林大輝出任過唔少紡織業同時裝業公職，有時裝業發展統籌委員會督導委員、工業貿易署紡織業諮詢委員、職業訓練局轄下紡織及製衣業訓練委員會副主席、香港知專設計學院顧問委員會委員等。另曾任創新科技署創新及科技基金評審委員會委員。

亦有做唔少政府公職，好似製衣業訓練局主席、獨立監察警方處理投訴委員會副主席等等，幫政府手制定政策同推行措施。

本地商會同社團職務亦有，有香港中華廠商聯合會副會長、香港紡織業聯會副會長、香港紡織商會常務副會長、香港羊毛化纖針織業廠商會會長、香港紡織及服裝學會會長、香港青年工業家協會副會長、新界潮人總會副主席、「香港潮屬社團總會副主席、香港童軍總會副會長等等。

佢亦係香港再出發大聯盟發起人之一^[1]^[2]

教育

2004年，林大輝以林大輝慈善基金，喺沙田創辦一間直資英文中學林大輝中學^[3]，出任校監兼校董會主席。林大輝中學校訓「多元啟智　堅毅樂群」，以學生嘅全人健康發展為重點，並提倡創新嘅辦學理念，同埋注重學生嘅多元化同多智能發展，將藝術、體育同學術科目合一，希望可以為社會培育唔同嘅人才。喺課程方面，校方除咗開辦一般嘅學科之外，仲設有特色科目：「時裝設計」、「運動發展」、「創新科技」、「中華文化」等，致力培育一批具有優秀學術成績嘅學生之外，亦對體育、時裝設計或創意科技具有濃厚興趣、或有突出表現嘅學生，提供一個發揮所長嘅空間，等佢哋能按自己嘅興趣，發展個人嘅才華同潛能。

佢亦時時幫助中國教育，資助過中國大專學院嘅時裝設計系嘅先生來港深造。2002年，幫鄭州中原工學院創辦亞太國際學院，培養時裝設計人才，以達致世界水平。2006年喺捐建飛揚小學教育工程，現時喺河南、青海、雲南、湖北等地方興建咗近三十間小學。

大學同專上教育方面，有同香港各院校聯繫，尤其係母校香港理工大學。2000年，為香港理工大學創辦第一個「時裝及紡織品設計」全日制碩士課程，資助內地高校時裝設計系嘅老師嚟香港深造。之後佢出任香港理工大學校董會，由成員、副主席做到主席。又係顧問委員會成員同理大校友會聯會副主席等。2015年，香港理工大學以校內地方，命名林大輝廣場。

而佢亦係香港浸會大學諮議會榮譽成員同埋香港教育大學校長諮詢小組成員。2016年，幫手香港教育學院改名為香港教育大學。2016年，恒生管理學院（即家下香港恒生大學）將個鐘樓命名為林大輝鐘樓。

2019年1月，擔任理工大學校董會主席，任期三年。^[4]

2022年1月，冧莊續任理工大學校董會主席，任期三年。^[5]

運動

足球方面，林大輝喺1990年代做過香港甲組足球聯賽球隊流浪同埋愉園嘅班主，攞過好多冠軍。2007年8月至到2011年，又做過沙田足球隊班主，帶球隊由丙組一直升上去甲組，參加2009/10年度香港甲組足球聯賽。

佢係香港手球總會會長同董事會主席，係2008年夏季奧林匹克運動會香港120名火炬手之一，亦係2009年東亞運動會嘅大力支持者之一。另外，佢喺2009年至2015年出任香港體育學院董事，2017年4月1號開始出任香港體育學院主席，主力香港精英體育培訓。家下係香港特別行政區體育委員會成員、體育委員會委員、大型體育活動事務委員會委員。

個人榮譽

香港青年工業家獎（中文：香港青年工業家獎）（2000年）^[6]
香港理工大學大學院士（2000年）^[7]^[8]
傑出理大校友（2001年）^[9]^[10]^[11]
香港理工大學榮譽工商管理博士（2004年）^[8]
太平紳士（2005年）^[12]
銅紫荊星章（2006年）^[13]
銀紫荊星章（2012年）^[14]
香港教育大學榮譽院士（2017年）^[15]^[16]^[17]

部分公職

第十四屆全國政協香港委員(其他界別香港人士)^[18]

政治立場

佢係香港親中派一員。

選舉及提名經歷

喺2016年，佢成為香港特别行政區選舉委員會政協委員。之後，佢有份提名林鄭月娥參與2017年香港行政長官選舉^[19]。

2022年，佢喺李家超無提政綱嘅情況下，有份提名李家超參與2022年香港行政長官選舉^[20]。

參與賽馬運動

林大輝同林蘇麗貞兩公婆喺1990年代中期加入香港賽馬會馬主行列，名下馬匹都係用「繼續」、「奇妙」嚟命名，包括繼續加速、繼續勝利、極奇妙、確奇妙、好奇妙、更奇妙、真奇妙、太奇妙、超奇妙、小奇妙、奇妙之春、奇妙飛揚。

2010年，極奇妙贏咗香港賽馬史上第一場由華人練馬師訓練、華人騎師策騎、華人馬主所勝出嘅海外一級賽^[21]。

攷

↑ 〈組織架構 - 香港再出發大聯盟 - 官方網站〉。www.hkcoalition.com。喺2023-11-09搵到。
↑ 〈香港再出發大聯盟團結各界〉。www.takungpao.com.hk。喺2023-11-09搵到。
↑ 〈林大輝與財爺廿年賓主〉。《太陽報 (香港)》。2003-11-28。
↑ 〈浸大理大校董會主席任命公布〉。香港政府新聞網。2018-12-14。喺2022-06-26搵到。
↑ 〈林大輝續任理大校董會主席三年〉。新浪網。2021-11-26。喺2022-06-26搵到。
↑ 〈香港青年工業家獎 | 歷屆得獎者 | Federation of Hong Kong Industries〉 (繁體中文)。香港工業總會。
↑ "University Fellowships" (繁體中文). 香港理工大學.
↑ ^8.0 ^8.1 〈榮譽學位及大學院士名錄 - 香港理工大學〉 (繁體中文)。香港理工大學。
↑ 〈OPAA - 會員名錄 - 林大輝博士〉 (繁體中文)。傑出理大校友協會。
↑ 〈獲獎者名單〉 (繁體中文)。香港理工大學。
↑ 〈歷屆傑出理大校友名單〉 (繁體中文)。香港理工大學。 {{cite web}}: Cite has empty unknown parameter: |2= (help)
↑ 〈2005年第58號號外公告　太平紳士條例 (第510章)〉 (PDF) (新聞稿) (繁體中文)。香港政府憲報。2005年7月1號。
↑ 〈二〇〇六年授勳名單〉 (新聞稿) (繁體中文)。香港政府新聞公報。2006年7月1號。
↑ 〈二〇一二年授勳名單〉 (新聞稿) (繁體中文)。香港政府新聞公報。2012年6月30號。
↑ 〈教大頒發榮譽院士銜予四位傑出人士〉 (PDF) (新聞稿) (繁體中文)。香港教育大學。2017年3月31號。原著 (PDF)喺2020年9月20號歸檔。喺2020年2月5號搵到。
↑ 〈四位榮譽院士簡介〉 (PDF) (繁體中文)。香港教育大學。2017年。頁 1。原著 (PDF)喺2020年9月20號歸檔。喺2020年2月5號搵到。
↑ 〈榮譽院士林大輝博士讚辭〉 (PDF) (繁體中文)。香港教育大學。2017年。頁 5–6。原著 (PDF)喺2020年9月20號歸檔。喺2020年2月5號搵到。
↑ 〈兩會｜這些港區全國人大代表和政協委員赴京參會（附名單）〉。《大公文匯網》 (中文)。喺2024-03-18搵到。
↑ 〈林鄭提名名單 - 香港文匯報〉。paper.wenweipo.com。喺2024-03-30搵到。
↑ 〈一文看清李家超786張提名〉。《信報網站 hkej.com》。喺2022-09-02搵到。
↑ 〈【欷歔騎師】曾揚威日本風光過！黎海榮仍保持一項香港紀錄〉。《蘋果日報 (香港)》。2019-07-25。原著喺2021-05-14歸檔。喺2020-08-14搵到。

出面網頁

〈香港特別行政區立法會 - 議員資料庫〉 (繁體中文)。香港特別行政區立法會。
〈名譽會長〉 (繁體中文)。香港中華廠商聯合會。
〈董事局成員 - 董事局及委員會 - 關於我們 - 香港體育學院〉 (繁體中文)。香港體育學院。
"COUNCIL MEMBERSHIP" (英文). 香港理工大學.
"School Supervisors' Profile" (英文). 林大輝中學.

[HKCoalition_Official-1] 〈組織架構 - 香港再出發大聯盟 - 官方網站〉。www.hkcoalition.com。喺2023-11-09搵到。

[2] 〈香港再出發大聯盟團結各界〉。www.takungpao.com.hk。喺2023-11-09搵到。

[3] 〈林大輝與財爺廿年賓主〉。《太陽報 (香港)》。2003-11-28。

[4] 〈浸大理大校董會主席任命公布〉。香港政府新聞網。2018-12-14。喺2022-06-26搵到。

[5] 〈林大輝續任理大校董會主席三年〉。新浪網。2021-11-26。喺2022-06-26搵到。

[6] 〈香港青年工業家獎 | 歷屆得獎者 | Federation of Hong Kong Industries〉 (繁體中文)。香港工業總會。

[7] "University Fellowships" (繁體中文). 香港理工大學.

[polyu-8] 8.0 ^8.1 〈榮譽學位及大學院士名錄 - 香港理工大學〉 (繁體中文)。香港理工大學。

[9] 〈OPAA - 會員名錄 - 林大輝博士〉 (繁體中文)。傑出理大校友協會。

[10] 〈獲獎者名單〉 (繁體中文)。香港理工大學。

[11] 〈歷屆傑出理大校友名單〉 (繁體中文)。香港理工大學。 {{cite web}}: Cite has empty unknown parameter: |2= (help)

[12] 〈2005年第58號號外公告　太平紳士條例 (第510章)〉 (PDF) (新聞稿) (繁體中文)。香港政府憲報。2005年7月1號。

[13] 〈二〇〇六年授勳名單〉 (新聞稿) (繁體中文)。香港政府新聞公報。2006年7月1號。

[14] 〈二〇一二年授勳名單〉 (新聞稿) (繁體中文)。香港政府新聞公報。2012年6月30號。

[15] 〈教大頒發榮譽院士銜予四位傑出人士〉 (PDF) (新聞稿) (繁體中文)。香港教育大學。2017年3月31號。原著 (PDF)喺2020年9月20號歸檔。喺2020年2月5號搵到。

[16] 〈四位榮譽院士簡介〉 (PDF) (繁體中文)。香港教育大學。2017年。頁 1。原著 (PDF)喺2020年9月20號歸檔。喺2020年2月5號搵到。

[17] 〈榮譽院士林大輝博士讚辭〉 (PDF) (繁體中文)。香港教育大學。2017年。頁 5–6。原著 (PDF)喺2020年9月20號歸檔。喺2020年2月5號搵到。

[18] 〈兩會｜這些港區全國人大代表和政協委員赴京參會（附名單）〉。《大公文匯網》 (中文)。喺2024-03-18搵到。

[19] 〈林鄭提名名單 - 香港文匯報〉。paper.wenweipo.com。喺2024-03-30搵到。

[20] 〈一文看清李家超786張提名〉。《信報網站 hkej.com》。喺2022-09-02搵到。

[21] 〈【欷歔騎師】曾揚威日本風光過！黎海榮仍保持一項香港紀錄〉。《蘋果日報 (香港)》。2019-07-25。原著喺2021-05-14歸檔。喺2020-08-14搵到。

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]