職業訓練局

職業訓練局（英文：Vocational Training Council，縮寫：VTC）係香港最具規模嘅職業專才教育機構，喺1982年成立，每年為大概25萬名學生提供全面嘅職前同在職訓練，頒發國際認可嘅學歷資格。

簡介

職業訓練局為離校生同在職人士提供具職業技能相關嘅進修選擇，等啲學員可以掌握知識技能、有終身學習嘅機會、同埋提升就業競爭力，幫助行業人力發展。

職訓局屬下機構成員有好多間，開辦唔同種類嘅課程，頒授各類認可資歷，為唔同年齡同程度嘅學員提供一切難得嘅「良機」。教學手法著重傳授實際技能，強調實踐經驗同成效，重點唔單止係傳授知識同技能，同樣重要嘅係「實幹」。

「思考與實踐」並重嘅教學方針，幫學生掌握專業技術知識之餘，亦培養出對學習嘅熱忱，引領佢哋踏上「成功」之路。

理事會：

職業訓練局下面14個機構成員為唔同背景同程度嘅學生提供多元化課程，同時為各行各業培育人才。

香港高等教育科技學院開辦以專業為本嘅學士學位課程。課程理論同實用兼備，注重通識同專業教育，同埋會為學生提供個案研習同業界實習機會，藉此培育具國際視野嘅幹練專才。

高峰進修學院同海外大學同香港機構合作，提供多種專業進修同碩士課程，學院亦為香港同海外企業提供顧問同企業培訓服務。

才晉高等教育學院同多間著名海外同香港嘅大學合作，為VTC高級文憑畢業生提供學士學位銜接課程。

香港專業教育學院提供全日同兼讀制多元學科課程，涵蓋高級文憑至證書課程，一直為業界提供具價值嘅人才，係香港卓越嘅專業教育機構。

香港知專設計學院作為香港卓越嘅設計院校，致力提供優質設計課程，為創意工業培育專才。

國際廚藝學院為年輕人同打緊工嘅人士提供唔同程度嘅專業廚藝培訓課程。學院提供多國菜系廚藝培訓，包括歐洲、地中海、南美洲、中東同亞洲等。

卓越培訓發展中心提供全面實務培訓同專業發展服務，切合業界同學生嘅需要。中心提供多元化服務，涵蓋唔同行業嘅培訓發展課程、培訓計劃、技能測驗，企業培訓課程以及顧問服務等。

酒店及旅遊學院為中學畢業生提供專業酒店款接課程予中學畢業生。訓練酒店「The T Hotel」畀學員喺實際工作環境中接受專業培訓。

中華廚藝學院為有志投身飲食業人士同在職廚師提供中廚同餐飲管理訓練，令到學員得到或提升認可資歷。

海事訓練學院為中學畢業生、香港同外國海員，以及海事同岸上機構僱員提供一系列海事訓練課程。學院亦因應航海業嘅香港標準同國際要求，提供認可必修訓練課程。

青年學院為中三以上程度青少年提供全日制課程，畀學生根據自己嘅興趣選擇專業科目，為將來升學或就業作好準備。

匯縱專業發展中心致力為社會唔同教育程度同背景人士提供多元化培訓課程，協助學員提升就業競爭力。

展亮技能發展中心致力為十五歲或以上有特殊教育需要嘅人士，提供技能訓練同支援服務，幫助學生發展潛能，提升就業能力。

香港資訊科技學院致力為中學離校生、在職人士、行業從業員等提供資訊科技（IT）及相關科技課程，內容涵蓋行業所需的技能及新興科技，例如人工智能、網絡安全、區塊鏈、數據科學、第三代互聯網（Web3.0）、物聯網、機械人應用、自動化智能科技等，全方位培育IT專才，首屆學生將於2024/25學年入學。