托勒密
克勞狄烏斯·托勒密（希臘文：Κλαύδιος Πτολεμαῖος,，90年—168年），係古羅馬希臘裔學者，喺埃及出世，細細個就去咗當時希臘文明嘅中心－亞歷山大城－度學習。佢對科學好有研究，尤其係天文學，整理出托勒密星座。
托勒密最著名嘅貢獻係佢十三卷嘅天文學著作《天文學大成》（Almagest）。呢本書係一個綜合性嘅天文學著作，包含咗對當時天體運動嘅觀察同理論解釋。佢根據「地心說」提出咗一個以地球為中心嘅宇宙模型。呢個模型喺西方天文學界影響深遠，持續咗好多世紀，直至千幾年後先至被推翻。佢又編咗個星曆表，提出日食同月食嘅計算方法。
除咗天文學，托勒密亦對地理學有重要貢獻。佢根據亞歷山大圖書館館長艾拉托斯發明嘅經緯線概念，畫咗張有八千幾個地方經緯度嘅地圖，被稱為「托勒密地圖」，連同佢收集嘅當時地理知識同資訊，包括地球嘅大小同形狀、地理座標系統噉，收錄喺佢嗰八卷《地理學指南》（Geographia）。呢本書對後世地理學嘅發展有很大影響，佢嘅座標系統亦係後來經緯度座標系統嘅基礎。
唔上咁，托勒密重係一個光學家，喺佢本《光論》（Optics）入面，佢畫咗光線嘅折線角、整理出一個折射表、提出咗光線嘅基本原理。
雖然托勒密好多學說同研究都被推翻，托勒密地圖又被後來嘅航海家話唔準，但係冇古人就冇來者，佢始終係科學史上一個偉人。
參考
[編輯]- 《影響人類文明發展的100位科學家》 作者：羅堇文
 |