სანაკი

ნოღა სანაკი სენაკი სანაკიშ სახენწჷფო დრამატული თეატრი სანაკიშ სახენწჷფო დრამატული თეატრი შილა გერბი ქიანა  საქორთუოსაქორთუო რეგიონი სამარგალო-ჟიმოლენი შონეშ აკანისამარგალო-ჟიმოლენი შონეშ აკანი მუნიციპალიტეტი სანაკიშ მუნიციპალიტეტი კოორდ. 42.268889,42.06777842°16′08″ ოორ. გ. 42°04′04″ ელ. გ. დირსხუ 1871 ორდოიანი ჯოხოეფი ახალსანაკი, მიხა ცხაკაია, ცხაკაია ცენტრიშ სიმაღალა 28 მ მახორობა 21 596 კოჩი (2014) ერუანული აკოდგინალუა ქორთუეფი 99,4 % რუსეფი 0,19 % სომეხეფი 0,18 % ასურალეფი 0,11 % ორწუმობური აკოდგინალუა ქირსიანეფი ბორჯიშ ორტყაფუ UTC+4 ტელ. კოდი +995 413 ოფოსტე ინდექსი 4100 ოფიციალური ვებ-ხასჷლა www.senaki.gov.ge სანაკი სანაკი

სანაკი — ნოღა ბჟადალ საქორთუოს, სანაკიშ მუნიციპალიტეტიშ ადმინისტრაციული ცენტრი. 1933 წანაშე 1976 წანაშა თე ნოღას ჯოხოდჷ მიხა ცხაკაია დო 1976-1989 წანეფს - ცხაკაია. სანაკი იდვალუაფუ კოლხეთიშ რზენს, წყარმალუ ტეხირიშ პიჯის, ზუღაშ დონეშე 28 მეტრაშ სიმაღალას. სანაკის ნოღაშ სტატუსი მეჩეს 1966 წანას. 2014 წანაშ მუნაჩემეფით სანაკიშ მახორობა 21 596 კოჩი რე. სანაკის რე ნოხეფიშ დო ჩაიშ ფაბრიკეფი, დიარაფაშ რეწუაშ საწარმოეფი, შხვადოშხვა პროფილიშ სკოლეფი, ბიბლიოთეკეფი, კულტურაშ ჸუდე, თეატრი, მ. ცხაკაიაშ ჸუდე-მუზეუმი. სანაკიშ ხოლოს იდვალუაფუ ბალნეოლოგიური კურორტი მენჯი. სანაკი რე სანაკიშ დო ჩხოროწყუშ ეპარქიაშ რეზიდენცია.

სანაკიშ რელიეფი

სანაკიშ ტერიტორია რელიეფიშ მუშებურობაშ მეჯინელო ირთუ ოორუე დო ოჩხანეშ ნორთეფო. ბიჟღეთი ნორთი უკებუ ლაკადეფს დო გვალეფს. სანაკიშ ოჩხანეშ ნორთი რე კოლხეთიშ რზენიშ უშანულამაში აბანი, ნამუთ დოცხვაბულერი რე წყარმალუ ცჷიშ დო ტეხირიშ ნადუ ღალეფით. რზენიშ მაქსიმალურუ სიმაღალა 30 მეტრას მითმიონჭირინდუანს. თინა ოორუეშ ჸურე იმაღალებუ დო მეთმეჭყორდუ ეკის, შხეფიშ დო ნოქალაქუშ გალეფიშ ოჩხანეშ ჸურენ კონჩხის. რელიეფიშ ანდობურობა დო ჰაერიშ სილამე ხეს უნწყჷნს წყარმალუეფიშ რშვილიშ გფშხირაფას. წყარმალუ ცჷი იჭყაფუ ეკიშ გვალაშ ბიჟღეთ ნორთიშე. დაჭყაფუს წყარმალუშ კალაპოტი ონჭირე რე დო ღარკულერი წყარი ექი-აქ გვალაშე გიშულას მინჩა წყარგელაფუს ქიმინჷნს.

წყარმალუ ტეხირი ეგრისიშ ქჷნდჷრიშე იდვანს დაჭყაფუს. წყარალაშ გალე, ეს წყარმოლაფა ხოლო ახასიათენს. ცჷის დო ტეხურას რდჷნა ჭიჭე წყარმალეფი დო ღალეფი: ფიცუ, ნახური, ჩხარი, ფაქვა, მეჯი, უჩარელუ, ეკუსკირი.

სანაკიშ გეოგრაფიული კოორდინატეფი

400 011. სანაკის უღჷ წაგირძარებული ფორმა. ოჩხანეშ ბჟადალუშე ბიჟღეთიშ ბჟადალუშა. სანაკიშ უძგოპაშ ბჟაეიოლი ნორთი ომძღჷ აბაშაშ მუნიციპალიტეტიშ ოფუტე წყემს, ბჟადალ ნორთი – ხობიშ მუნიციპალიტეტიშ წყარმალუ ხობწყარს, უძგოპაშ ოორუეშ ნორთი ჩხოროწყუშ მუნიციპალიტეტიშ ოფუტე ახუთიწკჷმა, ობჟათეშ ნორთი – ლანჩხუთიშ დო ხობიშ მუნიციპალიტეტეფიშ ხურგის.

სანაკიშ ორთაშობური რესურსეფი

სანაკი ორთაშობური რესურსეფიშ სიდიდარათ დო მოხუჯური გეოგრაფიული აბანდვალათ გიშეგორუ. გჷშაკერძაფილი ინტერესის იჭანუანს კასტრული ფოთქვა-დარბაზით უნაგირაშ გვალაშ თუდო, წურწუფამ წყარიშ რესურსი ნოქალაქუშ თემს, დო თაშ ხოლო ბალნეოლოგიური კურორტი. სანაკიშ მუნიციპალიტეტი დიდარი რე დიხაშ თუდონი წყარეფით, ნამუშეთ გიშართალი რე მინერალური დო კასტრული წყურგილეფით. თერმულ მინერალურ წყურგილეს აკმოფხვადუთ სახარბედიოს, ლეძაძამეს, ზანას, ნოქალაქუს დო შხვადო.

სანაკიშ კულტურული მონძალაშ ობიექტეფი

სანაკი გოჭყაფუშე კულტურაშ გიშართილი ცენტრი რდჷ. ახალ სანაკის გოჭყაფაშე დიჭყჷ თეატრალურ რინაქ.

ჯიხაქვინჯი

1884 წანას ჯვეშ სანაკის გინწყჷ პატჷნ-ჟინოსქუალეფიშ ოგურაფალ აბანქ. თაქ გურაფულენდეს: სიმონ ჯანაშია, არნოლდ ჩიქობავა, პეტრე ქავთარაძე, ვარლამ თოფურია, კონსტანტინე გამსახურდია. სანაკის ირდეს თიშნერ გიშაგორილ კათაქ, მუნერეფით რდეს: აკაკი ხორავა, შალვა დადიანი, ვალერიან გუნია, თეოფანე დავითაია, ჟიული შარტავა დო შხვეფი. 1959 წანაშე ნოღას ასქვამენს აკაკი ხორავაშ ჯოხოშ დრამატული თეატრიშ ნოდგჷმი, ნამუთ კულტურული მონძალაშ ძეგლო იკოროცხუ.

სანაკიწკჷმა ხოლოს რე ჯვეში ეგრისიშ ნანანოღა, ნამუსჷთ მარგალურო ჯიხაქვინჯი ჯოხო, ქორთულო უძახჷნა ნოქალაქევს დო ბერძენულო ხოლო არქეოპოლისის (ქოძ. სურათი ხასჷლას)

რესურსეფი ინტერნეტის

• სანაკიშ მუნიციპალიტეტი Archived 2013-06-14 ვებ-ხასჷლას Wayback Machine.