ორგანიზმი

ორგანიზმეფი

ორგანიზმი — თელი სქილედი, ე.ი. რსხული, ნამუსჷთ უღჷ არძა ჯინჯიერი დარინალი მუშება. ორგანიზმის ახასიათენს ნიბთიერებეფიშ თირუა, ჰომეოსტაზი, განჯარება დო ერზამა, აყარებაში სპეციფიკური ფორმეფი, გაბრელება, გავითარება, რდუალა, მონძალა, თირუა, დარინალი პიჯალეფიშ ადაპტაციაშ უნარი. ორგანიზმეფიშ ნორთის უჯრედულ ორგანიზაციაშა ვემუნჭაფუ (თ.გ. მონერეფი: ვირუსეფი დო ფაგეფი); უჯრედული ორგანიზაციამი ორგანიზმეფშე მინს ნანდული გვირზილი დო ქრომოსომული აპარატო დორსხილი გეჸვენჯური ნიბთიერება ვა უღუ (პროკარიოტეფი), მინს ქო — უღჷ (ევკარიოტეფი); კანკალე ევკარიოტი ართი უჯრედამი რე, კანკალე ბრელუჯრედამი. მინი ორგანიზმი აკორცხილი რე კოლონიათ, ნამუში მაკათურეფი ართიან ურთიართობას რენა ოარსებე გალემოწკჷმა. თი თირუეფიშ ართიანობას, ნამუსჷთ ორგანიზმი გინიკათუანს ინოსახუაშე ღურაშან, ონტოგენეზი ჯოხო.

ფილოსოფური გაგებათ, ორგანიზმი რე თელი სქილედი, ნამუთ იკათუანს დუდიშული მატერიალური თელარაშ ფირჩა სფეროს, ნამუთ მუში სტრუქტურას ოინალჷ ირფელიშ ოწოხოლე ქიმიურ-ფიზიკურ კანონეფს. თეში მეტი, ორგანიზმი მუჭოთ ორგანიზმეფიშ მიარერიცხუანი ორგანოეფიშ თელობა წჷმარინუანსი გოხურგილი ორინუე ფორმას. ორგანიზმი მერცხუაფილი რე ორგანულ ოქიანუწკჷმა, ნამუთი მუშჸურე, თელი სქილედეფიშ - ორგანიზმეფიშ ართიანობა რე.

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ორგანიზმი“ ვიკიოწკარუეს.
• ორგანიზმი – ბიოლოგიური ენციკლოპედიური ლექსიკონი (რუს.)

ლიტერატურა

• ნათაძე ლ., ქორთული სხუნუეფიშ ენციკლოპედია, ტ. 7, ხს. 562, ქართი, 1984 წანა.