اداکارہ اروشی روٹیلا کی وجہ سے کس سیاستدان کی طلاق ہو سکتی ہی بڑا انکشاف

ممبئی (اُردو پوائنٹ اخبارتازہ ترین - این این آئی۔ 08 جنوری2025ء)اروشی روٹیلا نے 2013 میں فلم سنگھ صاحب دی گریٹ سے اپنے کیریئر کا آغاز کیا اور پھر بہت جلد اپنی خوبصورتی اور اداکاری کی بدولت فلم بینوں کی توجہ اپنی جانب مبذول کروائی اور آج ان کا شمار بالی ووڈ کی نامور اداکاراں میں ہونے لگا ہے۔اب اروشی روٹیلا کی فلم ڈاکو مہاراج کی ریلیز کے حوالے سے سوشل میڈیا پر بحث جاری ہے۔

اس فلم کے حوالے سے سب سے زیادہ بات کی جا رہی ہے اور مداحوں میں اس کی ریلیز کا بے صبری سے انتظار کیا جا رہا ہے۔ایک حالیہ انٹرویو میں، ڈاکو مہاراج کے پروڈیوسر ناگا وامسی نے اداکار و سیاستدان ننداموری بالاکرشنا سے اداکارہ اروشی روٹیلا کے کام کے بارے میں سوال کیا تو ننداموری بالاکرشنا نے اپنے منفرد انداز میں جواب دیا۔

(جاری ہے)

انہوں نے ہنستے ہوئے کہا، اگر میں نے اروشی روٹیلا کی تعریف میں کچھ کہا، تو میری بیوی مجھے طلاق دے دے گی۔

یہ جواب نہ صرف ننداموری بالاکرشنا کی مزاحیہ طبیعت کو ظاہر کرتا ہے بلکہ فلم کے حوالے سے ان کی ہنسی مذاق میں بھرپور شرکت بھی دکھاتا ہے۔ڈاکو مہاراج ایک بھاری بجٹ کی فلم ہے جس کا مداحوں میں کافی جوش و خروش ہے اور اس کی ریلیز 12 جنوری 2025 کو سینما گھروں میں متوقع ہے۔ اس فلم کے بارے میں بڑھتی ہوئی دلچسپی اور اس کے کرداروں کی پرفارمنس کے حوالے سے باتیں ابھی سے شروع ہو چکی ہیں، جس سے اس کی ریلیز کا انتظار مزید دلچسپ ہو گیا ہے۔