马耳他

	Repubblika ta' Malta; 马耳他共和国
国旗	国徽
	自然地理; （实际管辖区）
首都	瓦莱塔
	面积国土面积：316平方公里; 水域率：0.001%%;
	人民生活
官方语言	马耳他语
	人口总人口：410,290（2010年中估计数）; 人口密度：1282/km2;
	政治文化
政治体制	共和制
	国家领导人：国家元首（总统）：玛丽·路易斯·科勒略·普雷卡; 政府首脑（总理）：劳伦斯·贡齐;
主要节日	圣诞节
	经济实力
货币单位	欧元
GDP	75.74億美元
人均GDP	19302美元
中央银行	马耳他中央银行
	国家资料
	編輯

马耳他，英文名Malta，南欧国家之一。

马耳他共和国，是一个来勒地中海南面个岛国，现在是欧盟搭联合国个成员国。

历史

马耳他来勒中世纪个辰光先后被阿拉伯人搭诺曼人占据，来勒15世纪，迭个地方开始成为从近东罗德岛迁徙来个医院骑士团个总部。来勒迭个辰光开始，奥斯曼帝国就一直对马耳他构成威胁。来勒1522年，爆发邪气巨大个战争，历史高头叫做马耳他之围，奥斯曼有好多万军队，几乎要攻破此地，弗过西班牙帝国个援军及时赶到，拿回教军队灭脱，迭个事体也成为西欧抵抗回教个一个辉煌胜利。

来勒拿破仑战争之后，马耳他被英国人占领，成为英国个辖地。英国人推广伊拉个文化，对马耳他有邪气大个影响。

第二次世界大战辰光，马耳他时英国来勒地中海高头个堡垒，发生交关事体。著名小说马耳他之鹰里向侪有描写。到二战结束，英国人走脱，马耳他独立哉。

独立后个马耳他，快速融入欧洲社会，成为欧盟个成员国。

地理

马耳他来勒地中海个中央，面积弗是老大，只有三百多平方公里。属于典型个地中海气候，国土范围内资源弗多，适合种植橄榄，放牧。马耳他周边个鱼类资源邪气丰富，捕鱼也是马耳他人个重要职业。

宗教

马耳他来勒相当长个辰光里向是医院骑士团个总部，宗教高头深受天主教个影响。到现在，马耳他还有九成以上个居民是天主教徒。迭个比例来勒欧洲算是顶高个。

人口

马耳他个主体民族是马耳他人，是印欧民族搭闪米特人格混血，现在马耳他共和国有四十几万马耳他人，还有交关马耳他人移民到美国搭澳大利亚去哉。

外交

马耳他来勒历史高头是欧洲个一部分，搭欧盟内部国家个关系是伊拉外交个重点。马耳他传统个友好邻国是西班牙搭意大利，此外，搭英国也有特殊个关系。

来勒世界高头，马耳他一直奉行和平、公正个外交策略，弗参与地区纷争，提倡谈判解决问题。弗过近腔阿拉伯之春让交关北非回教难民流窜到马耳他，马耳他也有些吃弗消，来勒迭个问题高头搭突尼斯一直有摩擦。

马耳他来勒江南个形象

江南人晓得马耳他，是通过17世纪初利玛窦个世界地图搭传教士对欧洲国家个介绍。弗过因为马耳他是个小岛，对伊拉个印象弗是老深。