摩尼教

摩尼教僧侶在辦公桌上寫作。手稿來自高昌遺址。

摩尼教，立在中国传统歷史当中也好叫做明教，是古世晏末阶段出现个一种宗教。具体是公元3世纪当中阶段，波斯人摩尼（ܡܐܢܝ）创造个一种思维搭组织。迭个宗教是一个混合体，拿波斯老早个拜火教搭个辰光新兴个基督教，东面传过来个佛教混合勒一道，形成新个哲學架构，是雅利安系统下波斯宗教诺斯替二元论个一种表现。魔尼教立在中古辰光立在欧洲畀基督教挤出，立在中东畀伊斯兰教挤出，唯有立在内亚通过对游牧民个皈依得到过官方宗教个地位。立在东亚，摩尼教通过海上丝绸之路传播到东亚大陆沿海地区，形成所谓个明教。福建乃朝还有世界浪唯一现存个明教庙宇。

民间化

摩尼教立在东亚大陆民间形成新个宗教来源，宋末到元朝个明教，搭明清辰光个白莲教，侪出自摩尼教个系统，有辰光也搭佛教个弥勒佛崇拜结合起来，一道搞，强调救世主个来临。

勒拉吳越

北宋个河北、四川、福建、江浙一代摩尼教全蛮行个，政和四年（1112年）温州就有四十来隻摩尼教斋堂。宣和两年（1120年）方腊起义，响应渠个好几支老百姓全是摩尼教徒为首个。方腊起义后首，朝廷进一步禁“喫菜事魔”，“喫菜事魔”弗單指摩尼教，但是禁令勒拉方臘起義後首頒佈，也弗好講搭摩尼教弗搭界。到仔南宋，弗單鄉下頭行摩尼教，連秀才咾吏人咾軍兵咾也傳習哉。紹興十一年（1141年）南宋官府詔禁明教，傳習个人要受絞刑，從犯發配千里以外，女人家進教个千里編管，刑罰重來死。

寧波慈谿市觀海衛原來淹浦中學个地方，本來是宋朝初年造个崇壽宮，是一隻摩尼教寺觀。伊搭本來有一塊宋碑《崇壽宮記》，是南宋黃震寫个，中華人民共和國手裏畀人敲脫填河埠哉，好得文獻裏向還收拉許，是研究摩尼教个重要資料。

溫州難朝還有摩尼教齋堂選眞寺（蒼南括山下）、潛光院（蒼南炎亭村）咾啥个摩尼教遺蹟。