数学
来世界上多数个场化，从蛮早个辰光开始就有得交关人晓得基础个数学，而且会得用哉。来老早个埃及、两河流域搭仔印度，第眼文明里向个文本，就曾显示出来基本概念个进步。后歇来么，数学过歇就会得有一个小突破，直到16世纪附近个文艺复兴以后，科学里向有交关发现，促使大家对数学个理解有本质性提高。
数学个言话
[编辑]我里现在用个数学记号么，直到16世纪，再基本浪有一个雏形。老早个辰光，数学侪是用说话写出来个。第个过程相当吃力，所以么箇歇数学个发展就比较慢。而对于刚刚接触数学个人来讲，现在个记号颠倒是比较吃力，虽然居种记号专业个人看着蛮适意。
对于刚刚学个人，学数学个言话还是一桩牢吃力个事体。比如讲，平日讲个“或者”啊，“仅”啊，勒数学里向个意思就要精确一眼。而“开”啊，“连续”啊，会得有相当专业个意思。而且数学个术语里向，还有得啥“同构”啊，“可积”啊第种词。