南極圈

南極圈是地球浪南緯66°34′個一隻假想圈，是南寒帶搭南溫帶個分界线，俚精確個緯度數值搭黄赤交角互餘，俚裏向大部分是南極洲。南極圈附近嘸沒山擋牢，盛行西風受弗著障礙，溫帶氣旋一經出現，還有海冰漂浮，是交關凶險個海域。西方航海界有“咆哮个40°S、狂暴个50°S、尖叫尖叫个60°S”個講法。

地球繞牢太陽公轉個辰光有章动現象，地球個黃赤交角一直勒慢慢較改變。所以緯度數值搭黃赤交角互餘個南極圈也相應會變脫。到2000年為止，俚勒垃南緯66°33′39（或66.56083°）浪。南極圈南面個區域也叫南極地區，俚個北面是南溫帶。南極圈搭北半球個北極圈是對稱個。

勒南極圈以南個場化，一年裏向會有太陽廿四個鐘頭弗落山搭仔廿四個鐘頭儕是夜裏向個辰光，該兩種現象叫極晝搭極夜。南極圈是南半球個極晝搭極夜開始出現個界線，就像北半球個北極圈箇浪。