Sirkulo ti Antartiko
Ti Sirkulo ti Antartiko ket maysa kadagiti lima a nangruna a sirkulo (wenno dagiti paralelo) ti latitud a mangmarka kadagiti mapa iti Daga. Para iti 2012, daytoy ti paralelo ti latitud a mapan iti 66°33′50.2″ (wenno 66.56395°) [1] iti abagatan ti Ekuador.
Deskripsion
[urnosen | urnosen ti taudan]Ti lugar iti abagatan ti Sirkulo ti Antartiko ket ammo a kas ti Antartiko, ken ti sona a dagus iti amianan ket tinawtawagan iti Akin-abagatan a temperado a sona. Ti kapada a linia ti latitud idiay akin-amianan a hemisperio ket ti Sirkulo ti Artiko.
Ti Sirkulo ti Antartiko ket ti akin-amianan unay a latitud iti Akin-abagatan a Hemisperio nga ti init ket agtultuloy nga adda iti ngato wenno baba ti horisonte para kadagiti 24 nga oras. Ti tunggal maysa a lugar iti abagatan ti Sirkulo ti Antartiko ket makasanay ti saan a basbassit ngem maysa nga aldaw iti tunggal maysa a tawen a ti init ket saan a lumnek, ken saan a basbassit ngem maysa nga aldaw iti tunggal maysa a tawen a ti init ket saan a lumngak. Mapasamak ti paset ti panawen ti agtultuloy a lawag ti aldaw ti dua pulo ket uppat nga or-oras iti saan a basbassit a tinawen ken ti pay paset ti panawen ti agtultuloy a a panawen ti rabii ti dua pulo ket uppat nga or-oras. Mapasamak dagitoy idiay Sirkulo ti Artiko, iti pamunganayan, eksakto a maminsan iti tunggal maysa a tawen, kadagiti solstisio ti Disiembre ken Hunio. Daytoy ket mapasamak gapu ta ti pagtayyekan ti Daga ket napakbo, babaen dagiti agarup a grado ti 23.5, a mainaig iti ekliptiko (ti plano ti pnaglikmut ti Daga iti likmut ti init). Iti akin-abagatan a solstisio ti panaglalam-ek, ti akin-abagatan a hemisperio ket umadayo a naipakbo manipud iti Init iti kaaduan a gay-atna, ken ti rehion ti permanente a sipnget ket abutenna ti akin-amianan a patingga; iti akin-abagatan a solstisio ti kalgaw, ti akin-abagatan a hemisperio ket umasideg a maipakbo iti Init iti kaaduan a gay-atna, ken ti rehion ti permanente a lawag ti init ket abutenna ti akin-amianan a patingga.
Ti Sirkulo ti Antartiko ket markaanna ti akin-amianan a patingga ti akin-abagatan a hemisperio a nalawagan ti init nga aldaw iti 24 nga oras, ken ti 24 nga oras a rabii nga awan init iti pantar ti baybay.
Gapu kadagiti agin-inut a panagbalbaliw iti pakbo ti pagtayyekan ti Daga, ti Sirkulo ti Antartiko ket agin-inut nga umal-alis. Kitaen dagiti sirkulo ti latitud.
Ti lugar nga abagatan ti Sirkulo ti Antartiko ket agarup a 20,000,000 km2 (7,700,000 sq mi) ken sakupenna ti 4% iti Daga.[2]
Heograpia ken demograpia
[urnosen | urnosen ti taudan]Ti kontinente ti Antartika ket mangporma ti masa ti daga a mangsakop ti kaaduan ti lugar iti kaunegan ti Sirkulo ti Antartiko. Awan ti permanente a populasion ti tattao iti abagatan ti Sirkulo ti Antartiko. Nupay kasta adda met dagiti nadumaduma a sentro a pagsukisokan iti Antartiko manipud kadagiti adu a pagilian a tinagtagitao babaen dagiti timpuyogan dagiti sientista nga agsisinnukat kadagiti nadmaduma a tiempo.
Mangrugi iti Kangrunaan a Meridiano ken agpadaya, ti Sirkulo ti Antartiko ket lumabas babaen ti:
Kitaen pay
[urnosen | urnosen ti taudan]Dagiti nagibasaran
[urnosen | urnosen ti taudan]- ^ "Obliquity of the Ecliptic and Nutation". neoprogrammics.com (iti Ingles).
- ^ Marsh, William M.; Kaufman, Martin M. (2013). Physical Geography: Great Systems and Global Environments (iti Ingles). Cambridge: Cambridge University Press. ISBN 978-0-521-76428-5.
Dagiti silpo ti ruar
[urnosen | urnosen ti taudan]
|