Wespî

Les wespîs ou: les djolis hapeus d' wesses, c' est des beas grands moxhons å ploumaedje carimadjoylé, k' apicèt des wesses tot volant.

Sincieus no d' l' indje : Merops spp

Discrijhaedje

Leus penas sont foirt pondants, a môde di triyingue.

Leu cawe est mo longue.

Les måyes ont a pô près l' minmme ploumaedje ki les frumeles.

Li betch est longou, ene miete cron sol dibout.

Vicaedje

Les wespîs s' adjocnut voltîs al copete des bouxhons et so les fis d' telefone.

I volnut come les orondes, balter sacwants côps, pu planer. I polnut voler bråmint pus radmint po-z apicî ene proye: des wesses, des moxhes, u des ôtes insekes. Adonpwis, i rvegnnut so leu djoke, et disçôpecer leu proye divant del magnî.

I vicnut dins les campagnes avou des bouxhons plik plok, et pus voltî åd dilong des aiwes.

I fwaiynut leus nis tote ene volêye al minme plaece: i cåvelnut on trô, roye-di-cirmint, dins on hourlea, on falijhea di fråle tere et ponre tot å coron.

Sacwants wespîs

• Wespî d' Urope (Merops apiaster)
• Wespî d' Pierse (Merops superciliosus)
• Wespî do Levant (Merops orientalis)