Biyocarburant

Adjinçnaedje d' ene pitite oujhene po fé di l' ôle di golzå al cinse, rivindowe come agrocarburant

On biyocarburant u agrocarburants, c' est ene sustance ki vént d' ene plante u d' èn ôte sacwè naturele ki n' si spoujhe nén, et ki sieve dins on maxhaedje po fé tourner des moteurs.

Metans : l' ôle di golzå, l' alcol di grin u di betråle å souke.

Les biyocarburants sont des todi-poujhåvès enerdjeyes.

Bilan ecolodjike do produjhaedje des biyocarburants

Po çki compete li produjhaedje di CO2, les agrocarburants ni rcratchèt nén dpus di gaz carbonike k' end ont magnî.

Li biyoetanol prodût avou, cwand i va broûler dins les moteurs, va anichter l' air. Al fén des féns, li CO2 rsaetchî et l' CO2 rmetou, c' est Piron parey.

Li produjhaedje d' agrocarburants eyet li rmontaedje des grins e 2007

Des grandès stindêyes di teres ont stî eployeyes po produre do biyo-alcol a pårti do mayisse. Ezès Stats Unis, ça a stî li tîce des eblavaedjes di mayisse e 2007. Parey e Braezi. On vout ki ça åye stî ene des cåzes do rmontaedje des grins e 2007.

Alére

• L. Mahin, "Di l’ essince å mayisse ; do mazoute å golzå", divins "Li Rantoele" l° 40, ivier 2006-2007.
• E. Benoit, "Les béns et les mås des agrocarburants", divins "Li Rantoele" l° 46, esté 2008.

Hårdêye difoûtrinne

• Lwè so l' uzaedje di l' ôle come biyocarburant el Walonreye (e francès)