Ragdoll
  | |
| Nomenclatura | |
|---|---|
| Epònemo | rag doll (en)  |
I ragdoll i ze na rasa de gato a peło łongo che ga vudo orìzene inte i ani sesanta inte i Stati Unìi.[1][2][3][4]
Orìzene del nòme
[canbia | canbia el còdaxe]El nome ragdoll el ze formà dai termini en léngua ingleze rag e doll e el vołe dire "bànboła de pèsa", un nome che fa riferimento sia al peło che al caràtere dòsiłe de sta rasa cuà.[1]
Istòrego
[canbia | canbia el còdaxe]La rasa la ze nata inte'l 1963 so inisiativa de Ann Baker, na dona de Riverside, en Całifornia, che la alevava na cuarantina-sincuantina de gati: la Baker la ga fato acopiare na gata persiana de cołor nèro co un gato birman.[1][2][3][4]
Oto ani dopo, la Baker la ga fondà la International Ragdoll Cat Association.[4]
La rasa ze rivà en seguito a l'inisio dei ani otanta anca inte'l Regno Unìo, cuando che la ze stà conprà da na còpia de Norwich.[2]
Inte i ani novanta jera rezistà ufisialmente 393 ezenplari de sta rasa, che la ze cuadruplicà inte 'l 2003. [4]
Caraterìsteghe
[canbia | canbia el còdaxe]El peło dei ragdoll el połe èsere bicołore, colourpoint o mitted co varie conbinasion de cołori.[3] El pezo dei ragdoll el varia dai 3,5-7 kg par łe fémene ai 5,5-9 kg par i maschi.[1]
Tra łe prinsipałi patołozie che aflize sta rasa cuà, ghe ze el mal de core.[1]
Note
[canbia | canbia el còdaxe]- ↑ 1,0 1,1 1,2 1,3 1,4 Ragdoll so Purina.co.nz
- ↑ 2,0 2,1 2,2 Ragdoll Breed History so Rasgtstic-Cattery
- ↑ 3,0 3,1 3,2 Storia so Ragdoll Italia
- ↑ 4,0 4,1 4,2 4,3 History so Ragdoll Love
Altri projeti
[canbia | canbia el còdaxe]
Wikimedia Commons el detien imàjini o altri file so Ragdoll
el detien schemi gràfeghi so
| Controło de autorità | LCCN (EN) sh98006900 · BNF (FR) cb15057754f (data) |
|---|