Grùmoło

Grùmoło

Pozision
45°31′N 11°40′E45°31′N, 11°40′E (Grùmoło)
Stato	Itàłia
Rejon	Vèneto
Provinsa	Vicensa
Capitałe	Grumolo delle Abbadesse (it)
Popołasion
Totałe	3 830 (2023)
Densità	255,16 hab./km²
Zènaro	1 857 (%48,5)   (%49,9) 1 911
Demònemo	Grumolezi ,
Zeografia
Àrea	15,01 km²
Altitùdene	30 m
Rente a	Gazo   Camizan Vizentin Grizignan de Soco Tore de Cuartezoło Longare   Montegalda
Dati istòreghi
Dì festivo	Festa patronałe(15 de agosto)
Patrono	Asunsion de Maria
Còdazi de identifegasion
Còdaze postałe	36040
Còdaze de matricołasion	VI
Fuzo oràrio	UTC+1 UTC+2
Prefiso tełefònego	0444
ID ISTAT	024047
Còdaze catastałe de Itàlia	E226
Sito web	comune.grumolodelleabbadesse.vi.it

Grùmolo, (nome ufisałe in itałian: Grumolo delle Abbadesse) xe on comun de 3 311 abitanti de ła provincia de Vicensa.

Storia

Toponimi

El nome del Comun el vien dal łatin grumŭlus, diminutivo de 'grumus "mucio de tera" ("mucchio di terra" in itałian), "colle".

Evo de Mexo

No xe restà nisun documento che el dixe che a Grùmoło ghe sie stà on casteło, che parò ghe jera de seguro, parché el resulta anoverà tra chei vescoviłi che el diploma inperiał de Oton III del ano 1000 l'esentava da ła tasa del fodro.

Secondo ła tradision riferia dal Maccà, l'antigo casteło se catea inte el sito de ła cèxa parociał de ancò.

Inte el 1004 el vescovo Liudigerio el da a ła abasia de łe monache benedetine de San Piero de Vicènsa. L'abasia ga bonificà dei tereni e prosiugà łe pałudi e ga costruìo dei canałi.

L'antica pieve de Santa Maria ła cipea rento łe capełe, deventà po cèxe parociai, dei Santi Gervasio e Protasio de łe Tori, de San Martin de Lerin, de Santa Maria de Maroła, de San Michele de Sarmego, de San Piero Intrigogna, de San Michele de Grantortin, de Santa Maria de Casałe de Settecà e chea de San Zenon de Rasega. Ła cèxa ła gera cołegià e ła giurisdision de łe monache benedetine ła xe 'ndà vanti fin el 1797, co ła cadua de ła Republica Vèneta e l'arivo de łe trupe napołeoniche.

Verso ła metà del Trexento, durante ła sioria scałixera, el teritorio de Grumolo el xe stà sotoposto, soto l'aspeto aministrativo, al Vicariato siviłe de Camisan e tałe el rimase, anca inte el età de ła Republica Vèneta, sin a ła fin del XVIII secoło.

Monumenti e loghi de interese

Architeture religioxe

• Cèxa parrocchiale de Santa Maria Assunta, a Grùmoło

Inte el corso dei secoli la cèxa la xe stà ricostruia na prima volta inte i ani 1220-1250, restaurà inte el 1551, allungà e innalzà inte el 1836, restaurà assieme al campaniłe tra el 2007 e el 2011.

• Cèxa parrocchiale de San Michele Arcanxelo, a Sarmego

Restaurà e amplià inte el 1856, la conserva na "Madona col Banbin in trono e i do San Joani", opera firmà da Bartolomeo Montagna e la "Pietà", un grupo de sette grandi figure de teracota dipinta risalente ai secoli XV-XVI

• Cèxa de San Silvestro (XVIII secolo), a Vancimujo
• Cèxeta de San Zeno (sec. VIII-XII-XVII), in località Rasega

Architeture civiłi

A Grùmoło:

• Vila Canal, 45.511274°N 11.657815°E

Dimora seicentesca de ispirasion paładiana, costruia come residensa estiva dea la fameja patrisia venesiana Badoer - Canal, nea campagna visentina tra le risaie e le roge de risorgiva

Intel la frasion Vancimujo se trovan:

• Vila Chiericati, de Andrea Palladio (1550)
• Vila Da Porto Rigo, del XVI secolo e de forme paładiane.
• Vila Lioy, acanto a la precedente. Costruia ne l'Ottocento in forme neoclasiche

Fra Vancimujo e Sarmego ghe xe altre vile:

• Vila Godi Piovene, 45.498724°N 11.664939°E

Edificà inte el 1597, su disegno de l'architeto Vincenzo Scamozzi, co annessa capeła gentilisia del XVIII secolo, attribuia ad Antonio Pizzocaro o a Carlo Borella, detta “la Favałina”, dal nome del fossà chel se trova de fronte a essa

• Vila Fracasso Lampertico, de fin Setecento

Società

Evołusion demografega

Abitanti censìi

Cultura

Istrusion

A Grùmoło ghe xe do scołe de l'infansia (de cui una privà), na scoła primaria e una scoła secondaria inferior.

Intel capologo ghe xe anca la Biblioteca civica, che la fa parte de la rete de biblioteche visentine.

Avegnimenti

Al terzo fin de la setimana de setenbre de ogni anno a Grùmoło el se tien la tradisional e ormai rinomà sagra paesana "Festa del riso", giunta a la 30ª edision inte el 2016 (del novo arco de la sagra)

Persone łegà a Grumoło

• Paolo Lioy (Vicensa, 1834 – Vancimujo de Grùmoło, 27 gennaio 1911), naturalista, patriota e połitico itałian.
• Giuseppe Ausilio Bertoli (Grùmoło, 1945), scritore.

Zeografia antropica

Le frasion del comune de Grùmoło le xe Sarmego e Vancimujo.

Altre locałità o contrade le xe: Al Passo, Baruchelle, Bottegon, Ca' Longa, Case sparse, Giardini, Grezzi, Leopardi, Monteverdi, Nicolin, Ponte del Becco, Ponte Settimo, Rasega, Scuole, Serenissima, Storte.

Economia

L'economia de Grùmoło, da secołi centro agricolo, el se basa su la produsion de cereałi e foragi co numerosi ałłevamenti bovini e suini. Tipica del logo la xe la produsion del riso, introdoto da łe monache benedettine fin dal Sinquecento. La varietà de Grùmoło - el viałone nano - el gà chicchi minuscołi ma la qualità, grasie a ła carateristiche del teren e de łe acque, la xe eccełente. 'Sto riso l'è diventà Presidio Slow Food e prodoto De.Co., sostenuo da ła Rejon Veneto.

Le atività industriali, oltre a serte inportanti aziende operanti inte ła produsion de atresature agricołe, łe xe łimitatà a picołe aziende ałimentari, ediłi e dee confesiòni

Altri projeti

Altri progetti

• Wikimedia Commons

• Wikimedia Commons el detien imàjini o altri file so Grumoło de łe Badese
• el detien schemi gràfeghi so

Linganbi foresti

• Sito ufisałecomune.grumolodelleabbadesse.vi.it.