Lache-Schbaijadoaf

Wappe	Daitschlandkard
	5110123
Basisdate
Bunnesland:	Rhailand-Palz
Regierungsbezirk:	Palz
Landkrääs:	NW
Heche:	123 m ü. NHN
Fleche:	24,3 km²
Aiwohner:	5470.
Bevelkerungsdicht:	225 Eiwohner je km²
Boschtläätzahl:	67435
Voawahl:	06327
Kfz-Kennzääche:	NW
Websait:	www.lachen-speyerdorf.de
Birchamääscht:	Claus Schick (SPD)

Lache-Schbaijadoaf is e Winzerdorf un is om 7. Juni 1969 in Naischdadt oigemänded worre, was e paar Kilomeder im Nordweschde lischt.

Geographie

Laach

Der Ortsdääl Lache-Schbaijadoaf lichd uuuugfäähr 5 Kilomeder Südösdlich vun de Schdadd. Wonn mä alles zamme nämmt is des gonze so 24 km² groß. Nadierlich hot die Gemää ach noch Pälzerwald debei, sogar bei Lambrechd. Ipdestal ghärt ah dezu und die Ruin vun de Burch Spangeberch.

Klima

Die Laach in de Vodderpalz am weschdlische Rand vun de Roiewene sorscht fer ä mildes Klima. De Gebirschszuuch vun de Haardt im Weschde sorscht dodefor, daßes ned viel reschnt un daß im Summer schää warm is. Monche mähnen jo e wär die Sahara vun Daitschlond.

Bolidig

De Ortsvorschteer is seid 2009 de Claus Schick vun de SPD. Dodevor wars fä fünf Johr de Jürgen Brunner (Brunni vun de CDU) und dodevor ewiche Zeite de Balles (Günther Freytag, SPD). Grundsätzlich kommer saache das der Ort schun irgendwie e bissl Rot is.

Werdschaft unn Infraschtrukdur

Werdschaft

In Lache und ach in Schbaijadoaf werd schun immer Woi gemacht. Des geile klima hänn schun vor iwwer 2000 Johr die Römer gepeilt un sinn direkt emol geil druff worre om Lerchebeehl, Paffegrund und am Trabbeberch Woi ohzubaue.

Sogar de Strom wärd selwer gemacht. Uff 70.000 Quadrahtmeder is äns vunn de greeschde Solarschdromkraftwerge in gonz Daitschlond. Des Ding hääßt donn "Solarpark Fluchblatz Liliedaal".

De Fluchblatz

Schun 1912 is de Fluchblatz quasi online gonge, dort is donn 1930 es legendäre Luftschiff Graf Zeppelin LZ 127 geldonded. Do waren mehr wie 100.000 leid zum gugge do. Späder donn im Johr 1985 is noch de Präsident (Presi) vun de Amis, de Ronald Reagan mo gelond. Heit is der Fluchblatz hauptsächlich Schaublatz vum Fluchsportväroi.

Kuldur

Was zum gugge

• 
  De Wasserturm und die kadolisch Kääsch
• 
  Die Käärchdurmuhr vum Gernot Rumpf in Lache
• 
  e Strooß in Schbaijadoaf
• 
  Burch Spangenberg
• 
  De große Kreisel
• 
  De Haiwache am Kreisel
• 
  Fluchblatz
• 
  die ehemalisch Kasern am Fluchplatz

Reschlmäßische Veronschtaltunge

• Spaijerdoafer Frosch-Kerwe
• Lachemä Baure un Winzerkärwe
• Kulinarischi Woibrob
• Verleihung vum Hasefroschorde
• 3 Prunksitzunge vum KC
• Seniorenochmiddache
• Madinsumzuch mit Feier vun de Feierwehr
• Neijohrsempfong

Väroine

Do is emol en Auszuuch

• Tus Lache-Schbaijadoaf
• TC Blau-Weiss
• Fluchspordveroi Lache-Schbaijadoaf
• Ongelveroi Lache-Schbaijadoaf
• Baure- und Winzerschaft
• Freiwillichi Feierwehr
• Landfraue Veroi
• Landjuchnd Lache-Schbaijadoaf
• Karneval-Glubb Rot-Weiss Lache-Schbaijadoaf (KC)
• Musiggväroi Lache-Schbaijadoaf
• Pälzer Waldväroi Lache-Schbaijadoaf
• Schitze-Glubb Lache-Schbaijadoaf
• GsongVäroi 1857 (Achzeesiwwenefuffzich) Lache
• Glädierzuchtväroi

Websaide

• Websaid vun Lache-Schbaijadoaf
• Websaid vum Karneval-Glubb
• Websaid vun de TuS
• Websaid vum Fluchspordveroi
• Websaid vum Ongelveroi
• Websaid vum Musiggväroi
• Websaid vum TC Blau-Weiss
• Websaid vum Pälzer Waldväroi
• Websaid vum Schitze-Glubb