Sant Andrieu daus Enfanjats

Vilatge d'Occitània

Sant Andrieu de Vivarés
Saint-André-en-Vivarais

Vista generala de Sant Andrieu de Vivarés.

Geografia fisica

Coordenadas

45° 07′ 19″ N, 4° 24′ 43″ E

Superfícia

20,48 km²

Altituds
· Maximala
· Mejana
· Minimala

1 205 m
1 100 m
687 m

Geografia politica

Lengadòc

França

Tornon

Charles Fouvet
(2014-2020)

Geografia umana

Populacion
Populacion totala
(2019)

210 ab.

Evolucion de la populacion

213 ab.

Autras informacions

Còde postal

07690

Còde INSEE

07212

Sant Andrieu de Vivarés ò mielhs Sant Andrieu daus Enfanjats^[1] segon un site sense valor (Saint-André-en-Vivarais en francés) es una comuna occitana de Vivarés situada dins lo departament d'Ardecha e la region d'Auvèrnhe-Ròse-Aups, ancianament de Ròse-Aups.

Geografia

Sant Andrieu de Vivarés se tròba en lo nòrd del departament d'Ardecha, entre la val del Ròse e lo Massís Septentrional e al limit nòrd del causse de Vivarés e Linhon. La municipalitat es situada a 1 070 m d'altitud, sus la linha de partison de las aigas Atlantic-Mediterranèa, en dominant las nautors del Velai. Lo vilatge se situa a qualques quilomètres del lac de Devesset (48 ectaras), principala basa nautica de la region, amb lo Lac de La Valeta.

A costat del vilatge de Sant Andrieu;, la municipalitat possedís una enclava situada entre las municipalitats de Sant Bonet lo Freid, Sant Pèire de Dotz e Rochapaula. Qualques ostals de la Chapela de Rochapaula e de las Chalaias apertenon a la comuna.

Comunas vesinas

Sant Andrieu de Vivarés

Sant Bonet lo Freid
(3,1 km)

Sant Pèire
(4,1 km)

lo Mas de Tença
(4,2 km)

Ròchapaura
(5,9 km)

Devesset
(6,1 km)

Montregard
(6,7 km)

Sent Julian Molhasabata
(7,4 km)

Istòria

Antanh La municipalitat se sonava Sant Andrieu de Bèudinet (Saint-André-de-Beaudinet) puèi Sant Andrieu daus Enfanjats (Saint-André-des-Effangeas o Saint-André-les-Efangeâts), a aquerit lo sieu nom actual l'an 1926. Pendent lo periòde revolucionari, se nomenava Montverd (Montvert). Al cors de l'an 1636, Saint Jean-François Régis venguèt Sant Andrieu de Vivarés per predicar un dimenge. Lo sieu taüc es al vilatge de La Lobesc.

Dempuèi la normalizacion de l'estat civil, i foguèt constatat que pendent matunes ans, la municipalitat non aviaá pas emplit las siás obligacions d'enregistrament de las naissenças, matrimònis e defalhiments. Las causas son pas estadas establidas mas l'abséncia de consignas, de registres preestampats, la confusion dels papièrs amb aqueles pel cap-luòc son de motius possibles.

Una comission d'enquesta nomenada per deliberacion de l'Administracion municipala del costat de Sant Agrèva en data del 23 fructidor de l'an sièis (9 de setembre 1798) foguèt encargada de reconstituir los eveniments a comptar del 20 de setembre de 1792, data de la mesa en foncionament de l'estat civil.

Los repòrts d'aquela comission son incluses dins los registres preses per la comuna e l'archiu departementals. Foguèron establits en nivòse an uèch (en genièr de 1800) e fan estat de 81 naissenças e 29 matrimònis reconstituits.