Tydal kommune

Tydal kommune
kommune
Kommunevåpen
Land	Noreg
Fylke	Trøndelag
Adm.senter	Ås
Areal	1 329 km²
•  land	1 221 km²
•  vatn	108 km²
Folketal	773  (1. januar 2024)
Målform	bokmål
Ordførar	Jens Arne Kvello (Sp)
Kommunenr.	5033
Tydal 63.018333333333°N 11.815°E / 63.018333333333; 11.815
Kart som viser Tydal kommune. Kart som viser Tydal kommune.
Wikimedia Commons: Tydal
Nettstad: www.tydal.kommune.no

Tydal kyrkje, opphavleg ei Y-kyrkje

Ramsjøhytta

Tydal (sørsamisk: Tydaelie) er ein fjellkommune i Trøndelag fylke. Høgste toppen i Tydal er Storsylen på 1762 moh. Kjente tydalingar er kombinertløparen Ola Morten Græsli, spelemannen Ole Bjarne Østby (trekkspel) og Niklas Dyrhaug (langrenn).

Næringsliv

Tydal er ein stor vasskraftkommune, noko som blir spegla av i dei stiliserte høgspentmastene i kommunevåpenet. Andre viktige næringsvegar er jordbruk, turisme, reindrift og offentleg forvaltning. I tillegg blir det produsert trapper på Tydal trappefabrikk (tilknytt Trapperingen) og det blir levert teknologiløysingar frå Aurotech.

Historie

Tydal vart eigen kommune i 1901. Pilegrimsleia Romboleia gjekk frå Sverige via Tydal til Trondheim. Den var kjent som Via montanarum eller fjellvegen. Leia er godt merkt og halden ved like. 3000 svenske soldatar (karolinarar) døydde i Tydalsfjella vinteren 1718/1719 under Armfeldts felttog, ein av dei største krigstragediane i Norden. Tydal Skytterlag er det eldste laget som er aktivt i dag; stifta i 1906.

Kultur

Tusenårsstad

Kommunens tusenårsstad er Brekka bygdetun. Bygdetunet ligg i kulturområdet Brekka Kistafoss og er eit eldre gardsanlegg. Det har ein sentral plass i kulturlivet i bygda og blir ofte bruka til kulturelle arrangement. Eit historisk friluftsteater om karolinaranes felttog i Tydal blir oppført kvart andre år i permanente kulissar her. Otto Homlung dramatiserer og regisserer karolinarspelet. Musikken er skrive av Henning Sommerro.

Geografi

Sylan ligg i naturskjønne omgivnadar og er eit fint mål for dagsturar eller lengre turar. Høgaste topp er Storsylen på 1762 moh. Kjølifjellet (1288 moh.) er grensefjell mellom Tydal og Holtålen kommune. Via merka turløype til Ramsjøhytta kan ein koma seg inn i Skarvan og Roltdalen nasjonalpark.

Sjå au

• Henfallet
• Stugudal
• Tydal museum
• Myntfunnet i Græsli
• Hilmohaugen
• Storaunstuggu
• Tydal kyrkje
• Kistafoss kraftstasjon
• Tydalsdrakta
• Brekka bygdetun
• Tydalsdialekt

Bakgrunnsstoff

• Tydal kommune sine heimesider
• Armfeldts vei over Trøndelagens fjell

Denne geografiartikkelen er ei spire. Du kan hjelpe Nynorsk Wikipedia gjennom å utvide han.