Porvenir i Chile

Porvenir
Byen i oktober 2006. Byen i oktober 2006.
Byvåpenet til Porvenir i Chile
Styresmakter
Land Region Provins Øy	Chile Región de Magallanes y de Antártica Chilena Tierra del Fuego Storøya
Grunnlagt	1883
Alcalde	Fernando Callahan Giddings
Geografi
Flatevidd	6 982,6 km²
Flatevidd  - By	6982,6 km²
Innbyggjarar  - By (2002)    - folketettleik	5465   0,78/km²
Koordinatar	53°17′S 70°22′W
Høgd over havet	5 m
Tidssone	-4 (UTC-4)
Diverse anna
Telefon-retningsnummer	+56
Heimeside: http://www.muniporvenir.cl/
Plassering
Porvenir kommune i raudt innanfor regionen. Porvenir kommune i raudt innanfor regionen.

Porvenir (spansk for «Framtid») er ein chilensk by på Storøya i Eldlandet. Porvenir er ein bykommune og provinshovudstad i den chilenske provinsen Eldlandet i Región de Magallanes y de Antártica Chilena. I 2002 registrerte ein 5465 innbyggjarar, noko som gjer Porvenir til den største chilenske byen på øygruppa.

Historie

Byen vart grunnlagt i 1883 under gullrushet på Eldlandet. Mange gullgravarar kom då sørover frå Fastlands-Chile, og europearar på jakt etter lukka kom med skip over Atlanteren til «den nye verda». Dei fyrste busetjarane i Porvenir var kroatiske innvandrarar og folk frå Los Lagos-regionen, lenger nord i Chile. Enno finst det noko gull her som blir utvunne av bergverksselskap.

Næringsliv

Kyrkja etter San Francisco de Sales

I dag lever innbyggjarane mest av saueavl og fiske frå småbåtar. Større skip og trålarar kjem ikkje inn på hamna av di det ligg så mange skipsvrak i leia. Elles finst her eit moderne fengsel, og eit regiment av den chilenske hæren er stasjonert her. Porvenir har også eit slaktarhus som er aktivt i korte periodar kvart år. Porvenir er ingen stor turistby enno, men inneheld fleire hotell og restaurantar.

Kjelder

• Denne artikkelen byggjer på «Porvenir, Chile» frå Wikipedia på engelsk, den 13. juni 2012.