Jurassic Coast
50°42′20″N 2°59′23.6″W / 50.70556°N 2.989889°W
Jurassic Coast (Jurakysten) er ein verdsarvstad på kysten av Den engelske kanalen sør i England. Han strekkjer seg frå Orcombe Point nær Exmouth i Aust-Devon til Old Harry Rocks nær Swanage i Aust-Dorset, eit strekke på 153 km.[1] Kysten vart innskriven i 2001 og var den andre naturlege verdsarvstaden i Storbritannia. Ein kan gå langs heile kysten på South West Coast Path.[2]
Geologi
[endre | endre wikiteksten]
.jpg)
Jurassic Coast består av klipper frå trias, juratida og krittida, frå mesozoikum, ein periode på om lag 180 millionar år.
Staden har mange flotte landformer, som den naturlege steinbogen Durdle Door, vika Lulworth Cove og ei øy, Isle of Portland. Chesil Beach er eit fint døme på ein tombolo og ei stormstrand. Kysten har både konkordante og diskonkordante kystlinjer. På grunn av den varierte geologien, har det vorte utført mange internasjonale feltstudiar her. Det var her Mary Anning, ein paleontolog som studerte fossil, oppdaga det første komplette fiskeøgle-fossilet.
Det høgaste punktet på Jurassic Coast og langs heile sørkysten av Storbritannia, er Golden Cap på 191 meter over havet.
Historie
[endre | endre wikiteksten]Under den andre verdskrigen vart fleire område langs Jurassic Coast nytta av det britiske forsvaret. Ein av dei største basane til Royal Navy låg ved Portland Harbour, men har sidan vorte lagt ned. Ein stor base for den britiske hæren ved Bovington er framleis i drift.
Delar av kysten, særleg rundt Portland, kan vere farleg og det ligg mange skipsvrak langs kysten.
Bakgrunnsstoff
[endre | endre wikiteksten]- Jurassic Coast - offisiell nettstad
- The South West Coast Path National Trail
- Jurassic Coast, UNESCO
- UNEP si side om Jurassic Coast Arkivert 2007-12-23 ved Wayback Machine.
- National Geographic om Jurassic Coast
- BBC om Jurassic Coast
Kjelder
[endre | endre wikiteksten]- Denne artikkelen bygger på «Jurassic Coast» frå Wikipedia på engelsk, den 26. desember 2009.
- Wikipedia på engelsk oppgav desse kjeldene:
- ↑ «Dorset and East Devon Coast». UNESCO World Heritage Centre. 2001. Henta 26. desember 2009.
- ↑ «The Official Guide to the SWCP». SWCP Team. 2004. Henta 26. desember 2009.