Erzurum

Erzurum
by
Erzurum
Land	Tyrkia
Region	Aust-Anatolia
Provins	Erzurum
Høgd	1 900 moh.
Koordinatar	39.9°N 41.27°E / 39.9; 41.27
Folketal	367 250
Borgarmeister	Ahmet Küçükler
Tidssone	EET (UTC+2)
- Sommartid	EEST (UTC+3)
Erzurum 39.909722222222°N 41.275555555556°E / 39.909722222222; 41.275555555556
Kart som viser Erzurum. Kart som viser Erzurum.
Wikimedia Commons: Erzurum
Nettstad: www.erzurum-bld.gov.tr

Erzurum (vert òg kalla Erzerum, Arzrum; Arzen i antikken; Karin (Կարին) eller Garin på armensk; Theodosiupolis eller Theodosiopolis i Bysants) er ein by aust i Tyrkia. Han er den største byen og det administrative senteret i provinsen Erzurum. Byen ligg 1757 meter over havet og har kring 370 000 innbyggjarar. Namnet kjem frå persisk Arz-e Rum, «Romas grense». Byen har vore eit handelssenter i hundreår og var ein av stasjonene langs Silkevegen. Byen si historie går tilbake til heilt frå 4000 fvt.

Under den kalde krigen låg den søraustlege flybasen til NATO i Erzurum, som hadde kallenamnet «The Rock».

Byen hadde ein stor armensk folkesetnad fram til folkemordet på armenarane under første verdskrigen.

Erzurum arrangerte vinter-Universiaden i 2011. I samband med dette vart den første store hoppbakken i Tyrkia bygd.

Klima

Erzurum har eit fuktig kontinentalklima (Köppen si klimaklassifisering Dfb). Sommaren er kort, med særs varme dagar og kjølige netter. Maksimumstemperaturen i august er kring 28 ºC. Varmerekorden er 36,5 °C (97.7°F), den 31. juli 2000. Vintrane er særs kalde med ein normal minimumstemperatur i januar kring -16 °C. Temperaturen når som regel under -30 °C kvart år. Kulderekorden for byen er -37,2 °C, den 28. desember 2002.

Vêrdata for Erzurum
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Høgast målte °C	7,7	9,6	21,4	26,5	27,2	31	35,6	36,5	33,3	27	17,8	14	36,5
Gjennomsnittleg maks °C	−4,4	−2,5	3	11,5	16,9	22	26,9	27,6	23,1	15,4	6,5	−1,3	12,1
Gjennomsnittleg min °C	−15,5	−14,1	−7,6	−0,3	3,5	6,5	10,4	10,2	5,1	0,7	−5,1	−11,5	−1,5
Lågast målte °C	−36	−37	−33,2	−22,4	−7,1	−5,6	−1,8	−1,1	−6,8	−14,1	−34,3	−37,2	−37,2
Gjennomsnittleg nedbør mm	19,4	22,9	31,8	53,9	67,2	43,2	26,3	15,5	21,1	47,1	32,6	21,6	402,6
Gns. luftfukt (%)	79	78	76	67	62	58	52	48	49	64	74	80	66
Gns. solskinstimar i månaden	93	109,2	151,9	180	241,8	303	344,1	331,7	267	204,6	132	86,8	2 445,1
Kjelde: Devlet Meteoroloji İşleri Genel Müdürlüğü [1]Weather2 [2]

Kjelder

• Denne artikkelen bygger på «Erzurum» frå Wikipedia på bokmål, den 22. august 2012.
  • Wikipedia på bokmål oppgav desse kjeldene: