Hau (Foder)
Hau heet dat Gras, wenn’t afmeiht un dorna dröögt is. In fröhere Tiet wöör dat Gras mit de Sessel afmeiht, vundaag geiht dat mit de Meihmoschin. Dröögt wöör dat Gras eenfach op de Wischen, dorto wöör dat denn eenige Mal ümwennt un denn weert sowiet. Wenn’t Weder nich so goot weer, keem dat Hau an Oort und Steeg up Reuters, dat sün so Dröögstellaasch. Dat drögte Hau weer loos op’n Wogen loodt un keem as Vehfoder för de Wintertiet op’n Hauböön. Wenn’t Hau nich richtig dröög op’n Hauböön keem, weer de Gefohr bannig groot, dat dat Hau sülfstännig Füer fangen dä.
Hüttaudags ward dat Hau op’n Greunland to grote Ballen presst un op’n Hoff ünnern Schuer lagert.
Je na de Gegend ward dat Gras mehrmals in Johr meiht. Fröher weer dat in Noorddüütschland twee mol, de eerst Schnitt heet Haumahd un den tweiten Schnitt heit’n Namahd.
