Curitiba
Curitiba is een stad in 't zuudoosten van Brazilië. 't Is de op 934 meter eugte elegen eufdstad van de staot Paraná en ef ongeveer 1,9 miljoen inwoners (2016), waormee 't de grootste stad van 't zuden is.
Curitiba is esticht in 1654 en kreeg op 29 meert 1693 de titel 'dörpsgemiente'. In die tied was Curitiba nog bekend onder de naam "Nossa Senhora da Luz dos Pinhais". In 1721 werd de naam veraanderd naor Curitiba daankzi'j de duzenden pienbomen die in 't gebied staot. In 1853 werd de staot São Paulo op-edield in twie stukken. Curitiba, dat in 1842 stadsrechten ekregen ad, werd de eufdstad van 't ni'j evormde Paraná. Veural in de leste twie eeuwen werd Curitiba overspoeld mit Europese immigranten van veural Duutse, Poolse, Italiaanse en Oekraïense oorsprong.