Bezemheed

De bezemheed (Calluna vulgaris) kump in heel Europa veur, mar veural in Midden- en Noord-Europa. Naor 't osen toe kump 't heestertjen tot an West-Siberië veur. In de 19e eeuw is de bezemheed deur Schotse immigranten mee-eneumen naor Kanneda en hef zich vandaor uut over heel Noord-Amerika verspreid. 't Is de enigste soorte in 't geslach Calluna.

De bezemheed tweeslachtige bloemen dee alle kaanten uutwiezen. De kelke en de bloemkrone hemmen dezelfde kleur. An 't einde van de takjes zitten paorse bloempjes, disse bloemen zörgen veur de mooie paorse heedvelden. Veural in natte jaoren is de bleui uutbundig. De bloemkrone blif nog lange vastezitten oek as de plaante uut-ebleuid is. An de takjes zitten kleine blaodjes waor gien steeltjes an zitten.

Ekelogie

Bezemheed kump veur op arme zaandgronden en in kalkarme dunen. De heed kan allinnig in stand ehuilen wonnen deur regelmaotig plaggen, waodeur de grond schrao blif. Bie een wat riekere grond treejt vergrezing op. Oek is verbrummeling een prebleem.

De nectar is deur insekken makkelijk te bereiken. Naos hoenigbiejen en hommels koemen oek graafbiejen mit een korte tong, wespen en vliegen op de nectar of. Veur de gewone heedspanner is bezemheed oek een waordplaante.

Gebruuk

De takken wönnen vrogger veul gebruuk veur 't maken van een bezem, hier kump oek de naam van 't plaantjen vandaon. Disse bezems wonnen noen nog de heeltied emaak.