Урал-батыр

Урал-батыр
Происходит из	Башкирт
Язык произведения или названия	Башкирэнь кель
Персонажи	Урал-батыр
Урал-батыр

«Ура́л-баты́р» (баш. Урал батыр) — башкирэнь эпос (кубаир).

«Урал-батыр» кирди эйсэнзэ кезэрень мифология.

Кой-мезе «Урал-Батыр» эпоссто вастневи лия эпостнэсэяк «Заятуляк ды Хыухылу», «Кунгыр-буга», «Алпамыша», «Кузыйкурпяс ды Маянхылу».

«Акбузат» ды «Бабсак ды Кусэк» эпостнэ поладыть "Урал-Батырэнь" ёвтнеманзо ды теить цела вейсэндявкс.

Эпосось ашти 4 576 поэтикань строчкасто. Композициясь явови колмов.

Кода тонавтнесть эпоссо.

Эпоссонть ёвтнесть башкирень ёвтницят - сэсэн месть. 1910 иестэ Мухаметша Абдрахманович Бурангулов сёрмадызе эпосонть конёв лангс. Ёвтницятне ульнесть сэсэнт: Габита Аргынбаева (≈1850—1921) ды Хамита Альмухаметова (1861—1923). Сынь ульнесть Оренбург ёндо. Кортамонь коряс, Бурангулов эпосонть ёвтнемань кисэ казсь ёвтницянтень алаша ды велявтсь кудов ялга.

Истя жо улить лият эпосонь версият, конатне ульнесть сёрмадозь конёв лангс седе позда.

1968 иестэ «Урал-батыр» ульнесь печатазь нурькалгавтозь башкирэнь кельсэ «Агидель» журналсо. 1972 иестэ васенцеде печатызь целанек башкирэнь кельсэ.

1977 иестэ ульнесь печатазь академической текстэсь рузонь ды башкирэнь кельсэ.

А. А. Петросян ваннызе эрьва ёндо сёрмадовксонть ды васенцекс ёвтызе мелензэ: те эпосось пек моли шумерэнь ды аккадонь Гильгамеш эпосонть ёнов. Секе шкане сон нейсь те эпоссонть лия концепция. "Урал-батырсэ" ломань - сехте виев. Вавилононь эпосось корты седе, што весе тееви пазонь олясо.

Улить эпосонть зярыя ютавтовкст рузонь кельс. Ютавтыцятне А. Г. Хусаинов, Г. Г. Шафиков.

2003 иестэ «Урал-Батыр» ютавтозель англань кельс (ютавтыцясь С. Г. Шафиков). 2006 иестэ ютавтозель немецень кельс. «Урал-Батыр» эпосось истяжо ютавтозель абхазонь кельс, ивритс, туркань, чувашонь кельс ды лияс.

2007 иестэ ульнесь печатазь истя, кода васня сёрмадозель конёв лангс. Весе икельце печатазетне витнезельть. Тень теизь секс, што Мухаметша Бурангулов ульнесь кавксть репрессировазь. Башкириянь ЦК а мерель ёвтнемадо-печатамодо ламо башкирэнь фольклоронь морот. Ансяк сень лангс апак вано, се, мезе сёрмадсь Бурангулов, кода-бути ванстовсь.

Ванстовсь машинкасо печатазь оригиналось латинэнь шрифтсэ. Сон неень шкане ванстови Научной архивсэ Уфань научной центрасэ РАН. Кедсэ сёрмадовксэсь эзь ванстово.

Неень шкане сёрмадозь пек ламо эпосонь толковамот археологиянь, этнографиянь ды лингвофольклористикань ёндо.

Неень шкане улить кинот, спектаклят эпосонь коряс. Теезь туристэнь якамо "Башкортостанонь сырнень суркс: Урал-батырэнь киява". Эрьва ие тейнить пелькстамо сехте вадря эпосонь ловныцятнень ютксо.

Эпосось ашти учомасо ЮНЕСКОнь совавтомас кода "Аволь материальной шедевра"

Мезде ёвтни эпосось

Сюжетось пек тапазь. Урал-батыр тури ломантнень уцяскань кисэ дива ды гуй марто. Эпоссо моли кортамось батыр ланга, эрьва кодамо эрицятнень ды вере пазнэнь ланга. Васенце пелькссэ Янбирде атясь ёвтни цёранстэнь Улем (Кулома) ланга. Те Улемесь чави-машты эрьва мезе мастор лангсо. Омбоце пелькссэ батыр месть туить Яншишмань (эрямонь лисьмапрянь) вешнеме. Колмоце пелькссэ ёвтневи, кода чавозь батыртнэнь рунгосто лисить Уралонь пандт.

Эпоссонть пек ламо тешкст: сыця шкань неиця драконт, Урал - пазонь эйкакш, Акбузат - космоссто сазь алашась - батырэнь ялгась, сисем драконть менельсэ, дракон покш панжома марто, эрий ведь - кулозь ведь, гуй - конась вейке шкане вадря эли берянь, сон велявтови ломанекс.

Лисьмапрят

‎