Ётамс сёрматфть няфтьфонц потмос (содержаниянцты)

Бутан Мастор

Витнемс невтемат
Википедиясто материал - аорев содамкундосто
Те терминэнть улить лият смустьгак, вн. Бутан (смусттне).
Бутан Инязмастор
འབྲུག་ཡུལ་
Druk Yul
коцт Герб
коцт Герб
Бутанонь кирдимасторонь моро
Масторпрявт кельть дзонг-кэ
Прявтош Тхимпху[d]
Мода-тарка
 • Весемикс 38 394 вп²
 • % ведень велькс <1 %
Масторонь эрицятне
 • Онкстнемамелесь ({{{Раськень сёрмацтомась иесь}}}) ▲750 125(июль 2016, оценка)[1] лом.
Валютась-ярмакось Нгултрум (BTN, код 64) (INR, код 356)
Интернет-домен .bt[d]
ISO-нь код BT
МОК-нь код BHU
Кортавксонь кодт +975
Шкань каркст UTC+6:00[d] ды BTT[d][2]
Автонь ардомась керш ёндо[d][3]
 Бутан Мастор

Бута́н Инязмастор (дзонг-кэ འབྲུག་ཡུལ་, вайли ʼbrug-yul, лат. zhuk yü кунсоломс (инф.)) — мастор Лембеёнкс Азиясо, ашти Индиянь ды Китаень ютксо. Прявтошось — Тхимпху ош. Эсензэ лемезэ — Друк-Юл — руз. «Страна Дракона»[4].

Бутан — истямо жо лем марто мастор Индиясо Чивалгома Бенгалия штатсо Калимпонгсо куншкатарказо. Неть модатнень англатне саизь Бутансто XIX пингестэ, зярдо ульнесть пелькстамот.

Ве версиянть коряс, «Бутан» лемесь саеви Бху-Уттан (Bhu-Uttan) валсто, кона ютавтови санскритстэ кода руз. «высокогорье» эли «горная страна». Лиянь коряс, лемесь саеви Бхот-Ант (Bhots-ant), конань смустезэ «Тибетэнь пезэ» эли «Тибетэнь лембе ёнкс».

Пелевеёндо ванозь Бутан Инязмасторось шабрацек ашти Китай, чивалгомасто — Индиянь Сикким штатонть марто, чилисемасто — Аруначал-Прадеш штатонть марто, лембеёндо — Ассам штатонть марто, лембе-чивалгома ёндо — Чивалгома Бенгалия марто.

Леень системась

[витнемс | витнемс лисьмапрянть]

Бутансо ниле леень системат: Манас (эли Дрангме), Санкош (эли Пуна-Цанг), Ванг Чу (эли Чинчу) ды Амо. Весе сынь ушодыть чудеме Гималайсэ, мейле, чудить лембеёнов «дуары» лашмованть, прыть Брахмапутра леентень, кона сонсь пры Гангс. Сех кувака леень системась Бутансо — Дрангме (эли Кури), кона чуди Аруначал-Прадеш индиянь штатс ды сонзэ колмо сянглеензэ: Дрангме, Мангде ды Бумтанг. «Дуары» лашмонть буесэ, косо вейсэ ваставить весе 8 сянглейтне те леенть, Дрангме канды Манас лем. 320-вайгельпень Пуна-Цанг (эли Санкош) леесь ламоксть лисни чирестэнзэ, кода сонзэ теиця лейтне Мо ды Пхо, конатнесэ чуди ведесь гималайень ловсто. Сынь чудить лембеёнов Пунакха ошонтень, косо сюлмавить вес, ды тееви Пуна-Цанг леесь, кона сонь чуди лембеёнов Чивалгомань Бенгалия индиянь штатс. Ванг Чу лента кувалмозо 370 вп, сонзэ ламо сянглеензэ ушодовить Тибетсэ. Сонсь Ванг Чу леесь чуди лембе-чивалгома ёнов. Сех вишка леень системась Бутанонь — Торса, содами кода Амо ;сон пелевеёно), ушоды истя жо Тибетсэ ды чуди Индияв[5].

Бутанонь эйпандт

Эрицятне

[витнемс | витнемс лисьмапрянть]


Администрациянь явовкст

[витнемс | витнемс лисьмапрянть]
Бутанонь администрация явомат
Main article: Административное деление Бутана

Бутан явозь ниле дзонгдэя (англ. dzongdey) лангс, конататнень эйс совавтовить 20 дзонгхагт (дзонг-кэ རྫོ་ཁག། ,англ. dzongkhag). Эрьва дзонгхаг, явови гевоги (англ. gewog) лангс, конатась вейсэндязь дунгхагис (англ. dungkhag).

  1. Бумтанг
  2. Чукха
  3. Дагана
  4. Гаса
  5. Хаа
  6. Лхунце
  7. Монгар
  8. Паро
  9. Пемагацел
  10. Пунакха
  1. Самдруп-Джонгхар
  2. Самце
  3. Сарпанг
  4. Тхимпху
  5. Трашиганг
  6. Трашиянгце
  7. Тонгса
  8. Циранг
  9. Вангди-Пходранг
  10. Жемганг

Келесь

[витнемс | витнемс лисьмапрянть]

Весемекс лововить 25 Бутанонь кельть. Официальной клеюсь масторсо дзонг-кэ. Бхотиятнэ кортыть эрьва-кодамо тибетэнь кортавкссо, непалецтнэ — непалонь кортавкстнэссэ. Масторонть чивалгомасо седе ламо кортыть дзонг-кэ кельсэнть, чилисемасо — ламо чилисема-бутанонь кельть, сынь пек аламосто классифицировазь; юровт эйстэст  — цангла, дзала-кха (Dzala language), кхенг-кха (Kheng language), бумтанг-кха.

Ды лововить малав 10 кельть, конатнессэ кортыть сазь тей Бутанов эрицятне. Эйстэст невтезь ассамонь кель — эйсэнзэ кортыть малав 109 тёж. иммигрантт. Лиятне: бантава (19 200), чилисемань магар (21 300), чилисемань таманг, хинди (31 900), лимбу (63 500), сантали (13 600), чивалгомань гурунг (43 300).

Вадря ды содавиксэв фактт

[витнемс | витнемс лисьмапрянть]
  • 2004 иень ацамковонь 17 чистэ саезь, Бутансо вессемекс пекстазь ды а мереви табаконь микшнемась ды пухадемась. Сигаретатнень масторонтень а мертви узком-соававтомс. 18-це эйстнэнь 20-цетнень дзонгхагьнень эйсэ те а меревксэсь ульнесь икелеяк. Таргоманть киссэ €175 штраф. Те а меремась вейсэнь таркасо васеньцеде * ульнесь теезь XVII пингень куншкасто, зярдо неень шкань масторонть теемстэ[9].
  • Бутан — те вейке мастор мирсэ, официальной меремазо ёвтазь тантрической буддизма. Секс, прявтветийтнень смустест ули ломанень частиянь (уцяскань) муема. 2008 иень умарьковонь 24 чистэ ульнесь теезь прявтмасторонь «Комиссия по всеобщему народному счастью» (Gross National Happiness Commission), прявтокс путать премьерэнть марто.
  • Те вейке мастор мирсэ, конасонть ули Уцяскань Министерства. Сон (уцяскась) путозь раскень политикас.


Лисьмапрят

[витнемс лисьмапрянть]
  1. ↑ COUNTRY COMPARISON :: POPULATION
  2. ↑ https://data.iana.org/time-zones/tzdb-2021e/asia
  3. ↑ http://chartsbin.com/view/edr
  4. ↑ ЛопаПарцун:БРЭ
  5. ↑ River Systems — Andrea Matles Savada, ed. Bhutan: A Country Study. Washington: GPO for the Library of Congress, 1991.(англ.)
  6. ↑ 6,00 6,01 6,02 6,03 6,04 6,05 6,06 6,07 6,08 6,09 6,10 6,11 6,12 6,13 6,14 6,15 6,16 6,17 6,18 6,19 6,20 6,21 6,22 6,23 6,24 6,25 6,26 6,27 6,28 6,29 6,30 6,31 6,32 6,33 6,34 6,35 6,36 6,37 6,38 6,39 6,40 6,41 6,42 6,43 6,44 6,45 6,46 6,47 6,48 6,49 6,50 6,51 6,52 6,53 база данных Всемирного банка — Сембе масторонь банксь.
  7. ↑ база данных Всемирного банка — Сембе масторонь банксь.
  8. ↑ World Bank Open Data — Сембе масторонь банксь.
  9. ↑ Бутан — первая в мире страна свободная от курения!
Саезь "https://myv.wikipedia.org/w/index.php?title=Бутан_Мастор&oldid=132714"-стэ