Ринеја (Ρήνεια), антички Ренеја (старогрчки: Ῥήνεια) или Ренаја (Ῥηναῖα),[1] или Рена (Ῥήνη),[2] — грчкиостров на Кикладите. Се наоѓа веднаш западно од островот Делос и понатаму југозападно од островот Миконос. Ринеја е административно дел од Миконос, исто како што е и Делос. Неговата површина е 14 км2. Имал малку население до 1980-тите, но, моментално островот е ненаселен.
Во античко време, островот бил покорен од тиранинот Поликрат од Самос и бил посветен на Делискиот Аполон. Јужната половина на островот била некрополата Делос.[1] Во шестата година од Пелопонеската војна (426 пр.н.е.), Атињаните го прочистиле Делос. Тие ги отстраниле сите гробници од островот и забраниле умирање на Делос на религиозна основа. Било прогласено дека отсега е незаконско било кое живо суштество да се роди или да умре на Делос, и дека секоја трудница треба да биде пренесена на островот Ренеја за да се породи.
Смит, Вилијам, уред. (1854–1857). „Delos“. Речник на грчката и римската географија. Лондон: John Murray.
