Пандемија е поим кој се користи за да се дефинира епидемија која се има проширено во поголеми региони, на пример на повеќе континенти или низ целиот свет. Во минатото се случиле повеќе пандемии на болести како што се сипаниците и туберкулоза. Една од најпогубните пандемии забележана во историјата е Црната смрт која во 14 век убила 75-200 милиони луѓе. Тековни пандемии се СИДА и COVID-19.[1] Како други поблиски пандемии може да се набројат Шпанскиот грип од 1918 година и пандемијата на Свински грип од 2009 година.
