Гугутка
 | Оваа статија или заглавие има потреба од викифицирање за да ги исполни стандардите за квалитет на Википедија. Ве молиме помогнете во подобрувањето на оваа статија со соодветни внатрешни врски. |
| Гугутка | |
|---|---|
| |
| Научна класификација | |
| Царство: | Animalia |
| Колено: | Хордати |
| Класа: | Птици |
| Ред: | Columbiformes |
| Семејство: | Columbidae |
| Род: | Streptopelia |
| Вид: | S. decaocto |
| Научен назив | |
| Streptopelia decaocto (Frivaldszky, 1838) | |
Гугутка (науч. Streptopelia decaocto) е птица од фамилијата на гулаби (Columbiformes). Во многу јазици има народно име „турски гулаб“, бидејќи на почетокот на XX век од Турција почнала да се населува во Европа.
Изглед
[уреди | уреди извор]Гугутката е слична на дивата гугутка. Горните пердуви од крилата на гугутките се со светлосива до кафена боја. Долга е од 31 до 33 cm, што значи дека е голема колку и градскиот гулаб, но е полесна и изгледа многу понежно. Распонот на крилјата достигнува од 47 до 55 cm, а тешка е од 150 до 200 грама. Двата пола изгледаат исто. Црвените очи им имаат мал бел рамка. Впечатлива одлика им е црниот прстен во близина на почетокот на вратот. Се одгласува со трослоговни гугукања, со нагласок на вториот слог, како и голем број други птици од оваа фамилија.
Исхрана
[уреди | уреди извор]Гугутките живеат во паркови и дворови, секогаш во близина на човечките населби. Не се многу плашливи. Се хранат со семки, житарки и овошје. Во зима понекогаш се собираат во јата и заедно бараат храна во парковите и селските имоти.
Размножување
[уреди | уреди извор]Како и голем дел од голубарките, така и гугутките имаат скромно и слабо изградено гнездо. Во гнездата најчесто има едно до две јајца на кои лежи мајката, а младите излегуваат после 13 или 14 дена. Гугутките лежат повеќепати по ред затоа што имаат големи губитоци на јајцата и младенчињата.
Распространетост
[уреди | уреди извор]Гугутката е распространета во Централна и Јужна Европа, а зимува во Северна Африка.
Гугутката како тема во уметноста и во популарната култура
[уреди | уреди извор]- „Гугуче гука по двори“ — македонска народна песна.[1]
- „Гугучки“ — песна на македонскиот поет Блаже Конески од 1988 година.[2]
- „Не гука гугутката“ — песна на македонскиот поет Васил Куноски.[3]
- „Гугутката“ — песна на македонскиот поет Ристо Маџунков.[4]
- „Гугутки“ — краток расказ на македонскиот писател Бошко Смаќоски.[5]
Наводи
[уреди | уреди извор]- ↑ Антологија на македонската чалгија / Antology of Macedonian Chalgia, Македон мјузик, МАКМ 00106, 2006.
- ↑ Блаже Конески, Црква. Скопје: Арс Ламина - публикации, 2021, стр. 40.
- ↑ Васил Куноски, Песни. Скопје: Просветно дело, Редакција „Детска радост“, 2004, стр. 11.
- ↑ Современост број 3/2023, стр. 50.
- ↑ Бошко Смаќоски, Модричка тетратка. Просветно дело, Редакција „Детска радост“, Скопје, 2004, стр. 21-23.