Landak hutan
| Landak | |
|---|---|
| |
| Landak di kabun binatang Berlin | |
| Klasifikasi ilmiah | |
| Kingdom: | Animalia |
| Phylum: | Chordata |
| Class: | Synapsida |
| Order: | Rodentia |
| Infraorder: | Hystricognathi |
| Family: | Hystricidae |
Landak hutan adolah salah satu jinih hewan pengerat nan mamiliki duri tajam di badannyo. Hewan ko tamasuak ka dalam kalompok hewan pengerat gadang saroman jo Berang-berang. Hewan iko mamiliki ciri-ciri sabagai berikut, mamiliki rambuik nan condong bawarna itam, mamiliki kaki bajumlah 4, mamiliki rambuik putiah di bagian bawah muluik nyo, sarato mamiliki saroman duri di bagian ikua nyo. Landak iko mamiliki total jumlah duri sabanyak 30.000 duri. Hewan iko mamiliki habitat di babarapo tampek, diantaronyo di padang rumpuik, gurun, jo di hutan rimbo.[1][2][3]
Karakteristik
[suntiang | suntiang sumber]Landak hutan ko mamiliki ciri-ciri fisik, diantaronyo. Ukuran badannyo bakisar 60 - 90 sentimeter, panjang ikuanyo mancapai 20 sentimeter. duri di badannyo iko disabuik quilss. Quills atau duri pado landak marupoan rambuik aluih sarato tajam nan mamiliki panjang sapanjang 30 cm, duri nyo akan aktif katiko landak maraso dirinyo tarancam atau tagaduah jo hewan predator, landak hutan akan malempa ikua nyo ka lawan nan dipanuahi jo rambuik nan tajam. Hewan iko marupoan hewan pamakan tumbuahan (herbivora), contohnyo dadaunan, tumbuahan, buah, sarato lapisan kulik pohon nan lunak.[1][2]
Habitat
[suntiang | suntiang sumber]Landak hutan biasonyo tingga di beberpo tampek habitat, saroman hutan, semak belukar, taman, kabun, sarato daerah pedesaan. Inyo acok juo dijumpoi di kawasan perkotaan jo kawasan pedesaan nan mamiliki tanaman tumbuahan nan cukuik untuak manyuruak.[4]
Habitat di Eropa
[suntiang | suntiang sumber]Landak Eropa dapek dijumpoi di hutan rimbo, tarutamo di bawah samak belukar sarato tumpuakan daun. Di daerah kota hewan ko dapek dijumpoi di taman taman atau kabun nan mamiliki tumbuahan nan cukuik labek. [5]
Habitat di Asia
[suntiang | suntiang sumber]Landak Asia candaruang tingga di hutan rimbo nan mamiliki tanaman bambu, padang rumpuik, jo Lahan nan tabukak. Inyo bisa ditemukan juo di padang rumpuik nan mamiliki tanaman untuak manyuruak.[5]
Parilaku
[suntiang | suntiang sumber]Parilaku landak hutan mancakuik saroman aspek dari aktivitas sahari-hari hinggo responsnyo ka lingkuangan jo bahubuangan jo sasamo hewan. Barikuik adolah babarapo parilaku umum dari landak hutan. [5]
Nokturnal
[suntiang | suntiang sumber]Landak hutan adolah hewan nokturnal, nan bararti inyo labiah aktif pado malam hari. Inyo kalua dari sarangnyo pado malam hari untuak mancari makanan sarato malakukan aktivitas lainnyo.[6]
Makanan
[suntiang | suntiang sumber]Landak hutan adolah pamakan saranggo, caciang, laba-laba, buah-buahan ketek, jo tanaman randah lainnyo. Inyo mancari makanan jo caro mancium baun sarato mancari di bawah daun-daun jo di samak-samak. Landak hutan mamiliki indra panciuman nan rancak. Inyo dapek maidentifikasi jajak baun makanan sarato manggali di bawah tanah untuak mancari saranggo atau larva nan tasuruak.[7]
Baranang
[suntiang | suntiang sumber]Babarapo spesies landak hutan mamiliki kamampuan untuak baranang. Inyo dapek manyilam di aia untuak mancari makanan, nan utamo di daerah nan aia mangalia.[7]
Hibernasi
[suntiang | suntiang sumber]Di musim dingin, katiko sumber makanan manjadi sarik jo cuaca nan dingin, landak hutan dapek mamasuaki wakatu hibernasi. Salamo hibernasi, inyo mamasuaki kaadaan dorman jo mangurangi aktivitas badan nyo untuak manyimpan tanago. [5]
Interaksi Sosial
[suntiang | suntiang sumber]Landak hutan umumnyo adolah hewan individu, nan bararti inyo candaruang hiduik surang. Namun, inyo bisa babagi wilayah jo landak lain nan mailiki bateh-bateh nan ado.[8]
Duri landak
[suntiang | suntiang sumber]Landak hutan adolah salah satu bagian dari badannyo nan tumbuah di kulik. Duri ko marupoan ciri khas dari hewan ko. Duri landak hutan tabantuak dari protein keratin nan samo jo nan mambantuak rambuik, kuku, sarato tanduak pado hewan lain. Duri landak tumbuah taruih sapanjang hiduiknyo. Duri nan alah tuo atau rusak akan patah atau talapeh sarato akan digantian dek duri-duri baru nan taruih tumbuah. Duri-duri ko biasonyo mamilki warna coklat atau kaabu-abuan, nan mamiliki panjang bamacam macam tagantuang jo jinih sarato umua. Duri ko bisa mancapai panjang kiro-kiro 2 hingga 3 sentimeter. Landak hutan mamiliki ratusan hinggo ribuan duri di badannyo, bagantuang pado jinih jo umua tiok landak. Duri-duri iko manyebar di saluruah badan, kacuali di bagian bawah paruik jo muko.[1][9][10][11]
Fungsi
[suntiang | suntiang sumber]Fungsi utama dari duri-duri iko adolah sabagai caro untuak mampatahankan diri dari pamangaso. Katiko maraso tarancam, landak hutan akan mangguluang diri manjadi bola sarato jo manjago duri-durinyo dari sarangan pamangso. Selain untuak alat malinduangi diri, duri-duri ko dapek juo digunoan dalam kagiatan sahari-hari saroman mancari makanan, mambukak tampek nan tasuruak, sarato jo manggali di tanah.[12]
Manfaat duri untuak manusia
[suntiang | suntiang sumber]Duri landak hutan mamiliki babarapo manfaat bagi manusia, nan utamo dalam konteks kagunoan budaya sarato tradisional tapi maambaiak duri landak hutan musti dilakuan sacaro legal sarato bakalanjuikan untuak mamastian kalanjuikan populasi landak sarato untuak malinduangi hewan iko dari panangkapan ilegal atau eksploitasi. Berikuik manfaat duri landak untuak manusia.[13]
Benda Seni jo Karajinan Tangan
[suntiang | suntiang sumber]Duri landak hutan ko acok digunoan dalam budaya tertentu untuak mambuek barang-barang seni jo karajinan tangan. Contohnyo tamasuak ukiran atau hiasan nan tabuek dari duri nan dicat atau dihias. Duri ko bisa juo sabagai bahan untuak mambuek alat-alat tradisional saroman tombak, panah, atau pisau ketek. Salain barang karajinan tangan jo alat tradisional, duri ko bisa juo dijadian sabagai hiasan untuak babarpo budaya tertentu. Dari sisi ekonomi duri ko bisa juo dijua ka para pengrajin atau kolektor seni.[14]
Rujuakan
[suntiang | suntiang sumber]- ↑ a b Times, I. D. N.; Anggara, Dahli. "5 Fakta Ilmiah Landak Porcupine, Mamalia yang Ditakuti oleh Predator". IDN Times (dalam bahasa Indonesia). Diakses tanggal 2022-12-05.
- ↑ a b "Walau Keduanya disebut Landak, Ini Bedanya Hedgehog dan Porcupine - Bobo". bobo.grid.id (dalam bahasa Indonesia). Diakses tanggal 2022-12-05.
- ↑ "Wildlife Extra". Petside (dalam bahasa Inggris). Diakses tanggal 2023-09-11.
- ↑ "Topical Bible: Porcupine". biblehub.com. Diakses tanggal 2023-09-11.
- ↑ a b c d "Porcupines - Mammals - Animal Encyclopedia". web.archive.org. 2021-10-19. Archived from the original on 2021-10-19. Diakses tanggal 2023-09-11.
- ↑ Correspondent, Caroline Enos Globe; March 19, Updated; 2020; Comments, 4:34 p m Share on Facebook Share on TwitterView. "Cooper the porcupine, believed to be world's oldest rodent, celebrates 32nd birthday at the Museum of Science - The Boston Globe". BostonGlobe.com (dalam bahasa Inggris). Diakses tanggal 2023-09-11.
- ↑ a b "Porcupines, Porcupine Pictures, Porcupine Facts - National Geographic". web.archive.org. 2017-01-27. Archived from the original on 2011-09-28. Diakses tanggal 2023-09-11.
- ↑ Correspondent, Caroline Enos Globe; March 19, Updated; 2020; Comments, 4:34 p m Share on Facebook Share on TwitterView. "Cooper the porcupine, believed to be world's oldest rodent, celebrates 32nd birthday at the Museum of Science - The Boston Globe". BostonGlobe.com (dalam bahasa Inggris). Diakses tanggal 2023-09-11.
- ↑ University of Michigan, Thomas Shepard (1865). The natural history of secession : or, Despotism and democracy at necessary, eternal, exterminating war. New York : Derby & Miller. http://archive.org/details/naturalhistorys01goodgoog.
- ↑ Roze, Uldis (2009). The North American porcupine (edisi ke-2nd ed). Ithaca: Cornell university press. ISBN 978-0-8014-4646-7.
- ↑ "Porcupines Give You 30,000 Reasons to Back Off | Deep Look | Ghostarchive". ghostarchive.org. Diakses tanggal 2023-09-11.
- ↑ "Definition of PORCUPINE". www.merriam-webster.com (dalam bahasa Inggris). 2023-09-10. Diakses tanggal 2023-09-11.
- ↑ "Wild Southeast Asian porcupines under threat due to illegal hunting, researchers find". ScienceDaily (dalam bahasa Inggris). Diakses tanggal 2023-09-11.
- ↑ "Lakota Quillwork Art and Legend - Akta Lakota Museum & Cultural Center". web.archive.org. 2014-03-20. Diarsipkan dari versi asli tanggal 2014-03-20. Diakses tanggal 2023-09-11.