Attila

ZE-P	Sta paggina chie a l'è scrita in zeneize, co' ina grafia tipo quella do Prian do 1745

Àttila (gotico "poæ piccin", dim. de atta "poæ"; antigo âto tedesco Azzilo, Ezzilo, tedesco moderno Etzel). - Re di Unni (da-o 434 a-o 453; scin a-o 445 circa co-o fræ Bleda da lê amaççao); o l'unificò e varie tribù unne, sottomettendo tutta a Sciççia e imponendo a so aotoritæ in sce-i Germoen orientæ: in union co-o roman Eççio, o destrusse (436) i Borgondi do regno de Worms. In lotta, da-o 441, co-o Teodoxo II impiao d'Oriente, o concruze e so tremende devastaçioin co-a vittoia in sce-o sciumme Utus (odierno Vit) e co l'impoxiçion de 'na paxe umiliante (447), ótegnindo l'anno doppo de tære in sce-a drita do Danubbio. Arogante verso l'imperatô d'Occidente, Valentinian III, da-o quæ o l'exigeiva o tributo e a man da sœu Onoia, de fronte a-a tenaxa do nœuvo imperatô d'Oriente Marçian e a l'alleança tra Eçio e i Germoen ocidentæ, pe prevegnî i avversai, o l'invaze a Gallia (451). Indisturbao doppo l'inçerta battaggia in sce-i Campi Catalaonichi (tra Châlons-sur-Marne e i Argonne), o recegò inta Panonnia. L'anno doppo o l'invaze l'Italia: destruto Aquileia, o l'arivò scin a-o Menço, dov'o l'incontrò l'ambasciaja ghiâ da pappa Lion I; pe-a menaçça do Marçian a-e spalle, pe-a famme e e maotie che tormentavan e so truppe (ma a fe' popolâ a l'atribuì o sucesso do pontefixe a 'n intervento sovianaturâ), l'Attila o l'aconsentì a-a paxe e o tornò inta Pannonia, dove, poco doppo, o moì in moddo improviso e misteioso.

Atri progetti

Altri progetti

• Wikimedia Commons

• Wikimedia Commons a contêgne di files in sce Attila