Fotografie

Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.

Fotografie is 't make van aafbeildinge mit behulp va leech en anger vorme va sjtraling. 't Woerd is aafgeleid van 't Grieks en beteikent letterlik sjrieve mit leech (φωτος phootos=leech, γραφειν graphein=sjrieve). Immes dae aan fotografie deit numt me 'ne fotograaf. Veur 't make van 'n foto mak me gebroek van 'ne kamera.

Gesjiedenis

In 1816 maakde Joseph Nicephore Niépce de eirste foto vanoet zien raam mit ein plaat van lichtgeveulig materiaal in eine camera, dae der camera obscura neumde. 't Beeld det daomèt gemaakt wurt waas ein negatief. 't Woort neet gefixeerd woodoor 't nao beleechting boete de camera verloeare ging. De foto's die der haaj gemaakt numde der retinas.

In 1826 maakde heer de ierste foto boebei de plaat met bitumen (asfalt) bedèk waor. Dees foto kós wel weure gefixeerd. Mer Louis Jacques Mandé Daguerre weurt duk besjouwd es de oetvinjer van de fotografie. In 1831 ging hae verder mit 't ongerzeuk van Joseph Niépce, mer hae gebroekde gein asfalt mer zilverjodide. In 1837 ondèkde hae toevallig det der ein latent beeld haaj gemaakt. Hae haaj 'n verzilverdje koperplaat mit zilverjodide beleecht en die in kwikdamp gehaoje. Dao-op kosj der 't beeld zeen. Hae neumde dit Daguerreotype.

In 1843 ontwikkelde William Henry Fox Talbot ein maneer om papeer leechgeveulig te maken door 't onger te dompele in ein zoutoplossing en daonao in 'n zilvernitraatoplossing. 't lökde um 't beeldj te fixere en hae ontdèkdje de negatief-positiemethode.

Kiek ooch