Zilverjodied

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Kristalle van zilverjodied.

Zilverjodied (AgI) is 'n stóf die behuuert toette zilverhalogenide. 't Is e zaat mit 'n lieëg oplosbaarheid in water. Zilverjodied is 'ne vaste ionegeleier. Veur AgI zelf is det 't val bie verhuuegdje temperature. 't Is aevel bie rubidiumzilverjodied wobie det al is bie kamertemperatuur. Zilverjodied wuuert toegepas in batteriejen en veur raenge te make.

Euveren algemein wuuert zilverjodied betrach es 'n sjejjelike, vervoelendje en vergiftige sjemische verbinjing. Innaam van jodide, worónger zilverjodied, lèdj toet irritaasje vanne hoed, euvermaesige sliemperduksje, koppien en irritaasje vanne sliemvleze. Anger symptome zeen geiselike oetpötting, bloodermood en gewichsverluus. Chronische innaam kan leie toet argyrie, det wuuert gekinmirk door 't blawgries waere vanne ouge, hoed en sliemvleze. Chronisch kóntak mitte hoed kan leie toet 'n permanente verkluuering vanne hoed.