Ciribas

Republica de Ciribas Republic of Kiribati Ribaberikin Kiribati
Informa jeneral
Capital:	Tarawa Sude
Lingua ofisial:	Ciribas e engles
Dirije
Governa:	Republica parlamental
- Xef de stato:
- Xef de governa:
Otras
Area:	811 km²
Popla:	103,500 (2011)
Densia:	135/km²
PIB:	$599 milion
Mone:	Dolar de Citibati Dolar australian (AUD)
Zona de ora:	(UTC+12, +13, +14)
Numero de telefon:	+686
Interede:	.ki

Ciribas, nomida ofisial la Republica de Ciribas, (en ciribas: Ribaberiki Kiribati; en engles: Republic of Kiribati /kɪrɪˈbæs/ o /ˌkɪrɪˈbɑːti/) es un pais en la Mar Pasifica. La cuantia de abitores, en la anio 2007, ia es sirca 107 817 persones, e en la anio 2011, sirca 103 500 persones, plu de dui de ci abita en la Atol Tarawa. La nasion es composada de 33 atoles e isolas de resife, e un isola de coral altida nomida Banaba. Lo ave un area de sirca 811 cilometres cuadrida, e lo es sperdeda sur plu ca 3.5 milion cilometres cuadrida. La estende de los monta la ecuator e la meridiano 180, permetente ce la Linia Internasional de Cambia de Data es intendeda per trae la Isolas de la Linia a en la mesma dia como la Isolas Ciribas. La Linia Internasional de Cambia de Data sircoscrive Ciribas par pivote distante a la este, cuasi estende a la meridian 150. La isolas la plu este de Ciribas, la Isolas de la Linia sude, a la sude de Hawaii, ave la zona de ora la plu fronte en la mundo, UTC+14.

Ciribas ia autonomi de la Rena Unida en 1979. La site capital e la area la plu poplada es Tarawa Sude, e lo es composada de alga isoletas cual es juntada par un serie vias levada. Estas es sirca dui de la area de la Atol Tarawa.

Ciribas es un membro de la Comunia de Nasiones, la Reserva Monal Internasional e la Banco Mundal, e ia deveni un membro completa de la Nasiones Unida en 1999.

La linguas major es ciribas e engles.

Etimolojia

La nom de Ciribas ia es elejeda cuando lo autonomi. Lo es la pronunsia local de Gilberts. Esta nom es derivada de la arcipelago xef de la nasion. On ia nomi lo la Isolas Gilbert per la esploror brites Thomas Gilbert. El ia vide multe de la isolas en 1788 en cuando el ia mapa la pasaje esterna entre Port Jackson e Guangzhou.

La arcipelago de Ciribas ia es nomida Îles Gilbert sirca 1820 par la amiral rusce Adam von Krusenstern e la capitan franses Louis Duperrey. Ambos de sua mapas, cual los ia publici en franses. En engles, la arcipelago ia es refereda frecuente como la Kingsmills en la sentenio 19, an si la nom Gilbert Islands ia es usada cresente, incluinte en la Consilio de la Comanda Pasifica Ueste de 1877.

La nom de la arcipelago ia es asorbeda a en la colonia de la Isolas Gilbert e Ellice de 1916, e ia es retenida pos la Isolas Ellice ia deveni la nasion separada de Tuvalu en 1976. La spele de Gilberts como Kiribati en la lingua ciribas pote es trovada en libros cual ia es scriveda en ciribas par misionores e otras.

On sujeste comun ce la nom nativa de la Isolas Gilbert propre es Tungaru. An tal, la nom Kiribati (Ciribas) ia es elejeda como la nom de la nasion autonom nova par acorda local, par causa de lo ia es moderna, e per reconose la inclui de isolas (pe la Isolas Fenix e la Isolas de la Linia) cual nunca ia es considerada como parte de la cadena de Tungaru.

En la lingua ciribas, la leteras "ti" es pronunsiada como "s", donce la nom nativa de Kiribati es pronunsiada como la nom elefen de Ciribas.