Altiplano

La Altiplano (espaniol per "plano alta"), ance conoseda como Collao (de cetxua e aimara qullaw) o la plato de la Andes, en America Sude ueste-sentral, es un area do la Andes es la plu larga. Lo es la area la plu estendeda de plano alta sur Tera, estra Tibet. La parte la plu grande de la altiplano es en Bolvia, ma sua partes norde es en Peru, e sua partes sude es en Txile e Arjentina.

La plano conteni alga sites de esta cuatro nasiones, incluinte El Alto, La Paz, Oruro, e Puno. La Altiplano norde-este es plu umida ca la area sude-ueste. La area sude-ueste ave alga salares (desertos de sal), la result de sua secia. A la borda entre Bolivia e Peru es Lago Titicaca, la lago la plu grande en America Sude. Sude de lo en Bolivia ia es Lago Poopo, cual ia seci completa per desembre 2015, ia es la lago du en grandia.

La Altiplano ia es la loca de alga cultures de ante la europeanes. Lo inclui la txiripa, tiauanacu, e la Impero Inca. Espania ia concista la rejion en la sentenio 16. La ativias major de economia en la Altiplano inclui mina, pastoria de lamas e vicunia, e servis en la sites. On ave alga turisme internasional ala ance.