Konsejo de Evropa
El Konsejo de Evropa (akurtado KdE; en fransez: Conseil de l'Europe i en inglez: Council of Europe) es una organizasion internasyonala rejionala kon el buto de promover por modre de la kooperasion de los payises de la Evropa la kriasion de un espasio politiko i djudisialo komun a todos los payises del kontinente, bazado ensima de los valores de la demokrasia, los diritos umanos i el estato de dirito.
Konformado enel Kongreso afitado en La Aya el 7 de mayo de 1948, el Konsejo de Evropa es la más antika de las organisasiones ke bushkan la integrasion evropea i ansina, es la unika de la kuala azen parte todos los sus payises, eksepto Belarus i Kazakistan, deke tienen una rejima autokratika la kuala va en kontro de los valores del KdE, ni la Sivdad del Vatikano por ser solo la sede de una iglesia.[1] Ansina, el Konsejo de Evropa esta konformado por 47 payises, todos los de la Evropa jeografika. Dinguno de los estatos evropeos no rekonosidos por las Nasiones Unidas (Kosovo, la Repuvlika Turkana del Nord de Kipre, Osetia del Sud, Abjasia, Transdnistria i Nagorno-Karabah) azen parte oy endiya del Konsejo de Evropa, mientres ke la Santa Sede aze parte komo observador, endemas de sinko payises no -evropeos: los Estados Unidos, Kanada, Japon, Israel i Meksiko.[2] Esta konsiderado uno de los foros politikos i djuridikos mas emportantes de la integrasion evropea.
Referensias
[trocar | trocar el manadero]- ↑ La Santa Sede tiene aktualmente estatuto de Observador enel Konsejo de Ministros.
- ↑ Web del Consejo de Europa (en lingua kastilyana)