Emmerson Mnangagwa

Emmerson Mnangagwa

Res apud Vicidata repertae:

Emmerson Mnangagwa: imago

Emmerson Mnangagwa: subscriptio

Nativitas: 15 Septembris 1942; Zvishavane
Patria: Zimbabua

Familia

Coniunx: Auxillia Mnangagwa, Jayne Mnangagwa
Proles: Farai Mlotshwa, Tasiwa Mnangagwa, Emmerson Dambudzo Mnangagwa, Emmerson Tanaka Mnangagwa, Sean Mnangagwa, Collins Mnangagwa

Emmerson Dambudzo Mnangagwa (in oppido Shabani natus die 15 Septembris 1942) est politicus Zimbabuae. Partim in Zambia educatus est, ubi ab anno 1955 familia sua in exsilium missa habitabat. Contra regimen Ioannis Smith annis 1970 repugnavit. In carcerem coniectus, studia iuridica persequebatur, quae apud universitatem Zambiensem anno 1974 absolvit, et in Zambia ab anno 1976 causidicus operam dabat. Multos annos praesidibus Canaan Banana et Roberto Mugabe muneribus politicis fungebatur, ab anno 1980 minister a securitate civica, ab 1989 minister ab iustitia, ab 2000 orator parlamenti, ab 2005 minister a rure, a die 13 Februarii 2009 minister a munitione, a die 11 Septembris 2013 rursus minister ab iustitia et eodem tempore a 12 Decembris 2014 praeses vicarius. A quo officio subito iussu praesidis deiectus, motu militari praeside ipso mox deposito, Emmerson Mnangagwa die 24 Novembris eiusdem anni praeses inauguratus est.

Bibliographia

• Emma Graham-Harrison, Jason Burke, "Emmerson Mnangagwa: the 'Crocodile' taking power in Zimbabwe" in The Guardian (24 Novembris 2017)
• Stephen Jakes, "Mnangagwa Visits his 'Homeland' Zambia" in Bulawayo 24 News (19 Ianuarii 2018)
• Emmerson Mnangagwa, "As president, here’s what I want for Zimbabwe: a healthy opposition" in The Guardian (7 Septembris 2018)

Praesides Rhodesiae et Zimbabuae

Clifford Dupont • Henricus Everard • Ioannes Wrathall • Iacobus Gulielmus Pithey • Iosias Zion Gumede • Canaan Banana • Robertus Mugabe • Emmerson Mnangagwa Opus geopoliticum • Duces civitatum Africanarum hodiernarum Capsae cognatae: Primi ministri Zimbabuae • Ministri rerum externarum Zimbabuenses