2013

Annus 2013 e serie paginarum brevium de annis.

Millennia:	millennium 2 · millennium 3 · millennium 4
Saecula:	saeculum 20 · saeculum 21 · saeculum 22
Anni:	(2010) · 2011 · 2012 · 2013 · 2014 · 2015 · 2016 · 2017 · 2018 · 2019 · 2020 · (2021)

2013 = MMXIII. De nostro numerorum Romanorum usu hic legere potes. Ut de numero 2013 legas, vide 2013 (numerus).

Eventa

Mense Ianuario

2 Ianuarii — Civitatum Foederatarum Americae Senatus et Camera Repraesentantium conventum de fisco cum praeside Barack Obama faciunt.
2 Ianuarii — Vir in parvo vico Daillon in Helvetiae Valesia tres mulieres necat aliosque duos homines vulnerat.
3 Ianuarii — Pratorum silvarumque incendia in Tasmania saevire incipiunt. Ibi et in provincia Nova Cambria Australi usque ad diem 8 Ianuarii late diffunduntur.^{(The Australian ibidem)}
3 Ianuarii — Nova varietas generis Noroviri ab eruditis describitur, nomine "Sydney 2012", quo morbus in homines permultis hieme 2012/2013 transitur.^{(The Guardian)} ^{(Eurosurveillance)}
6 Ianuarii — Diurnarii nuntiorum Nánfang zhoumò ("Hebdomas terrae meridianae"), Quanchei in Sinis divulgatorum, laborem suum ob censuram recusant ^{(South China Morning Post)}
6 Ianuarii — Gerardus Depardieu ob vectigalia Franciae "nimis gravia" civitatem Russicam manibus Vladimiri Putin accepit ^(Ephemeris)
7 Ianuarii — Pinacotheca Nationalis Londiniensis effigiem Fracastorii (medici qui syphilidem primus descripsit) a Titiano pictam esse recognovit ^{(The Guardian)} ^{(The Burlington Magazine (situs venalis))}
9 Ianuarii — Asteroides 99942 Apophis, e deo Aegyptio Apophi appellatus, orbito suo prope (14 500 000 km) Tellurem progressus est ^{(TV5Monde^{[nexus deficit]})} ^{(The Guardian)}
9 Ianuarii — Sakine Cansiz, quae inter conditores Factionis Operariorum Carduchorum recognoscitur, cum aliis duabus pro Carduchis militantibus Lutetiae ictu pyrobolico trucidata est ^{(Le Figaro)} ^{(The Guardian)} ^(Hürriyet)
11 Ianuarii — Exercitus Francicus in partibus Malii septentrionalibus ad hanc civitatem contra rebellatores tam Islamistas quam Tuareg corroborandam militat ^{(Libération)} ^{(The Guardian)}
11 Ianuarii — Aaron Swartz, qui pro libertate informatica militavit et protocollum RSS primus composuit, in crimina adductus, annum agens vigesimum et sextum sibi mortem intulisse nuntiatur

Aaron Swartz

13 Ianuarii — Praemia Globi Aurei 2013 decreta sunt pelliculis Les Misérables et Argo atque moderatori huius Ben Affleck, etiam auctori Quintino Tarantino ob pelliculam Django Unchained. Laureati sunt histriones Daniel Day-Lewis, Jessica Chastain, Hugo Jackman, Jennifer Lawrence, Christophorus Waltz et Anna Hathaway ^{(Los Angeles Times)}
15 Ianuarii — Universitatis Halepensis discipuli hospitesque 87 vel plures impetu tromocratico, auctoribus incertis, necati sunt ^(CBC) ^{(The Guardian)}
16 Ianuarii - Maria-Ludovica Dreyer (SPD) praeses ministrorum Rhenaniae-Palatinati Curtio Beck successit.
17 Ianuarii — Tromocraticos, qui pridie iuxta In Aménas Algerii operarios fodinarum gasiferarum obsides retinuerunt, exercitus Algerius oppugnavit. Die 20 Ianuarii numerus captivorum interfectorum ad 48 stat, numerus captivorum liberatorum ad 792, numerus tromocraticorum interfectorum ad 32, sed omnia incertissima manent ^{(Libération)} ^(BBC)
17 Ianuarii — Sergius Filin, director corporis ballationis Moscuensis Bolšoj, acido in oculos iaculato graviter vulneratus est ^(Izvestija) ^{(The Guardian)}
20 Ianuarii — Benedictus XVI papa nuntia Twitter Latine emittere incepit ^{(The Guardian)}
20 Ianuarii - Baracus Obama praeses CFA iterum electus magistratum iniit.
21 Ianuarii — Michael Winner, moderator cinematographicus Anglicus, moritur^{(The Guardian)}

22 Ianuarii — Electionibus Israëlis peractis Beniaminus Netanjahu dux maximae factionis manet, sed vocibus paucioribus; Jair Lapid diurnarius, novae factionis dux, prospere procedit^{(The Guardian)}
23 Ianuarii — Iosephus Glemp cardinalis et archiepiscopus emeritus Varsoviae ibi cancro pulmonum moritur.^{(Tages Anzeiger)}

25 Ianuarii — Parlamentum Russicum legem contra homophylophiliam decernit^{(La repubblica)}
26 Ianuarii — Colloquium 2013 Fori Oeconomici Mundialis Tavai in urbe finitur. Ibi pridie de futura aquae egestate disseruit Ban Gi-mun^{(The Guardian)}

27 Ianuarii — Silvius Berlusconi, rerum politicarum peritus Italianus, Mediolani inter Holocausti diei memoriae celebrationes ipsas tyrannum Italianum Benitum Mussolini, Adolphi Hitler complicem, defendit^{(Huffington Post)}
27 Ianuarii — Dharmasalae in India series certaminum criccetiorum diurnalium Indo-Anglicorum finitur, Indis victoribus ^{(The Guardian)}
27 Ianuarii — Iuvenes 232 incendio tabernae nocturnae in urbe Brasiliensi Sanctae Mariae interficiuntur^{(O globo)}
28 Ianuarii — Beatrix Nederlandiae regina, die 31 Ianuarii 2013 ad annum nativitatis septuagesimum quintum perventura, se a regno abdicaturam esse praenuntiat. Successor a die 30 Aprilis huius anni erit filius Gulielmus Alexander

28 Ianuarii — E Tombuto urbe milites Francici, Maliensibus socii, rebellatores Islamistas expulserunt, qui fugientes, Institutum bibliothecamque eruditionis mediaevalis igne destruxisse conati, pauca effecerunt ^{(Libération)} ^{(The Globe and Mail)}
30 Ianuarii — Expositio historica de Germania Nazistica ab hodierna cancellaria Angela Merkel Berolini inauguratur (ante octoginta annos Adolpho Hitler eo die ad cancellariatum successo) ^{(The Guardian)}
30 Ianuarii — Asteroides no. 274301, die 25 Augusti 2008 repertus, nomine "Wikipedia" appellatus est ^{(JPL Small-Body Database Browser)}
31 Ianuarii — Apud Museum Ashmoleanum Oxoniense ostentatur collectus ornamentorum aureorum argenteorumque a Michaële Wellby legatus ^(Culture24)

Mense Februario

1 Februarii - Ioannes Kerry Minister rerum externarum CFA factus est.
2 Februarii — Linus Oviedo , exercitus dux et rerum politicarum peritus Paraquarianus, sinistro casu helicopteri mortuus est ^(ABC)

4 Februarii — Sepulturam Vigorniae repertam ossa celavisse per multa saecula deperdita regis Ricardi III, anno 1485 proelio interfecti, confirmatur ^{(The Guardian "News Blog")}
4 Februarii — Iustinus Welby archiepiscopus Cantuariensis sacratus est, successor Rowan Williams ^(BBC)
5 Februarii — Universitas Dusseldorpensis decrevit, ut ministra Germanica Annetta Schavan non iam doctor esset, quod partem dissertationis ab aliis exscripsisset^{(FAZ die 5 Februarii 2013)}.

5 Februarii — Reinaldus Gargano, rerum politicarum peritus Uruguaianus mortuus est ^{(Êl Observador)}
6 Februarii — Chokri Belaïd, factionis socialisticae Tunesianae dux, ictu pyrobolico necatus est. Mors eius tumultos concitavit ^{(The Guardian)} ^{(Tages Anzeiger)}

6 Februarii — Megacyma propter submarinum terrae motum oppida quaedam Insularum S. Crucis in Oceano Pacifico devastavit ^{(The Guardian)}
6 Februarii — David Morgan, professor apud Universitatem Furman, qui inter principes Latinitatis vivae Civitatum Foederatarum suspicitur, mortuus est ^{(Greenville Online)}

8 Februarii — Nivis procella "Nemo" Civitatum Foederatarum litus orientalem vexat^{( Tages Anzeiger)}
9 Februarii — ministra Germanica Annetta Schavan se a munere removit post quam universitas Dusseldorpensis decrevit, ut Schavan non iam doctor esset, quod partem dissertationis ab aliis exscripsisset^{( NZZ die 9 Februarii 2013 )}
10 Februarii— Festum anni novi Sinici incepit, in continente Sinico, Taivania, Hongcongo, Singapura, Macao, Malaysia, Indonesia, Vietnamia, et Bruneio celebratum, quod 15 dies durat, desinens in Festo laternarum.
11 Februarii — papa Benedictus XVI ex inopinato nuntiavit se a munere discessurum esse die 28 Februarii 2013. Ante eum solum septem papae (Pontianus, Clemens I, Silverius, Benedictus IX, Gregorius VI, Gregorius XII atque Caelestinus V) ante mortem sedem sanctam reliquerunt^{( La Repubblica )}

13 Februarii — Petrus Kooijmans, iudex et rerum politicarum peritus Nederlandicus mortuus est
13 Februarii — papa Benedictus XVI inter Diem Cinerum ecclesiae divisiones et multorum presbyterorum superbiam et falsitatem acri iudicio percenset^{( www.huffingtonpost.it )}

14 Februarii — Anscharius Pistorius, Africae Australis clarissimus athleta comprehensus est quia putatur sponsam suam ostentatricem Reeva Steenkamp necavisse^{( La Repubblica )}.

15 Februarii — meteorites cadunt in Russiae mediae ac montium Uralensium provinciae iuxta urbem Celiabinscam et multos homines vulnerant^{( La Repubblica)}
15 Februarii — amazon.com, praeclarus situs interretialis, a multis diaris damnatus est post pelliculam Germanicam adfirmantem hanc societatem homines qui pro ea operam dant verberare (imago Amazon conditor Jeff Bezos^{( Corriere della Sera)}

16 Februarii — Pellicula Pozitia copilului a moderatore cinematographico Dacoromano Calin Petro Netzer ducta praemium primum anno 2013 Internationale Filmfestspiele Berlin consecutus est.^{( L'Unità)}
17 Februarii — Nicolaus Anastasiades, in primo ordine petitionis Praesidatus Cypri vicit ^{(Repubblica )}
17 Februarii — Raphael Correa, Aequatoriae praeses ab anno 2007 iterum electus est ^{(Tages Anzeiger )}
19 Februarii — Hamadi Jebali Primus Minister Tunesicus se a munere removit^{(Tages Anzeiger )}.
19 Februarii - Stephanus Weil (SPD) praeses ministrorum Saxoniae Inferioris electus est. Antecessor eius David McAllister (CDU) erat.
20 Februarii — Bojko Borisov Primus Minister Bulgaricus se a munere removit^{(Tages Anzeiger )}

20 Februarii — Antonius Roma, athleta qui fuit pedilusor Argentinus (vide imaginem) mortuus est^{(espndeportes.espn.go.com)}

22 Februarii — ?Ali al-?Arayyi? primus minister Tunesiae selectus est^{(The Guardian)}

22 Februarii — Michael Edwards, professor creationis litterariae apud Collegium Franciae, primus Anglorum ad cathedram in Academia Francica succedit^{(The Guardian)}
23 Februarii — Fridericus Lombardi, dux sedis diurnariis edocendis Sanctae Sedis, complorat diariorum, televisionum ac multorum hominum voces quae volunt cardinalem Rogerium Michaelem Mahony (vide imaginem) conclavi mense Martio 2013 propter partem eius in presbyterorum turpitudinum contra pueros occultationem non interfuturum esse ^{(La Repubblica)}

24 Februarii — Neophytus (Simeon Nikolaev Dimitrov), usque adhuc metropolita Sexantapristae, patriarcha Bulgariae omnis electus est

Neophytus patriarcha

24 Februarii — Academiae Praemiis datis, Argo pellicula optima fit ^{(La Repubblica)}
24 Februarii - Comitia politica Italica anni 2013.
25 Februarii — Factio MoVimento 5 Stelle a Iosepho Grillo ducta in electionibus Italianis maximum exitum habet ^{(www.huffingtonpost.it)}

25 Februarii — Cardinalis Keith O'Brien, archiepiscopus Sancti Andreae et Edimburgensis, e munere decessit, facinoribus iam diu haud pudicis nuper imputatis ^{(The Guardian)} ^{(Corriere della Sera)}
25 Februarii - Pak Gyunhye praeses Rei Publicae Coreae facta est.
27 Februarii — Van Cliburn, clavilista Civitatum Foederatarum, mortuus est ^(necrologia) ^(recordatio)
28 Februarii — post horam vicesimam abdicationis papae Benedicti XVI causa Apostolica Sedes vacans est et novum Conclavem complerentur ^{(Tages Anzeiger)}
28 Februarii — Donaldus A. Glaser, physicus Civitatum Foederatarum, praemii Nobeliani laureatus, mortuus est
28 Februarii — Nicolaus Anastasiades praeses Cypri Demetrio Christofias successit.

Mense Martio

1 Martii — Factionis MoVimento 5 Stelle conditor Ioannes Robertus Casaleggio una cum Iosepho Grillo foedus cum aliis factionibus Italianis reicit ^{(www.huffingtonpost.it)}
2 Martii — Mu?tar Balmu?tar, dux tromocraticus, in Malio septentrionali a militibus Tchadensibus interfectum esse nuntiatur ^{(Libération)} ^{(The Observer)}
4 Martii — Puerulo, Mississippiae incolae, SCDI infecto, sanitatem redditam nuntiatur ^{(Tages Anzeiger)}
4 Martii — ?amad ibn ?alifa Al ?ani, Qatariae amiralis, sex insulas maris Ionii emit inter quas Oxiam ^{(The Guardian)}
4 Martii - Uhuru Kenyatta praeses Keniae electus est.
5 Martii — Paulus Dmitricenko, saltator corporis ballationis Moscuensis Bolšoj, se Sergium Filin directorem vulnerare, acido in oculos iaculato, coniuravisse confessus est ^{(The Guardian)}

5 Martii — Hugo Chávez Venetiolae praeses, iam multos annos cancro laborans, mortuus est

Hugo Chávez

6 Martii — Milites 21 Philippinarum, qui pacis tuendae causa montes Golan vigilabant, a rebellatoribus Syris capti sunt ^{(The Guardian)}
8 Martii — Sulaiman Abu Gai?, gener Usama ibn Ladin, Philadelphiae in Iordania captus, ob coniurationem tromocraticam in iudicium Novi Eboraci accusatus est ^{(New York Times)}
8 Martii — Cardinales, qui in Domo Sanctae Marthae ad conclave hospitabuntur, nuntiant conclave die 12 Martii incepturum esse ^{(www.huffingtonpost.it)}
9 Martii — Uhuru Kenyatta victor proclamatus est comitiorum in Kenia die 3 Martii celebratorum, vocum 50.07% nactus ^{(The Guardian)}
10 Martii — Liliana, ducissa Hallandiae, principis Suecici Bertoldi vidua, annum agens septimum et nonagesimum mortua est
12 Martii — Romae conclave ad papae abdicantis Benedicti XVI successorem eligendum incepit et cardinales in Aedicula Sixtina congregati sunt^{(www.tagesanzeiger.ch)}
13 Martii — Romae hora undevigesima fumus albus nuntiat papam electum esse. Novus papa Georgius Marius Bergoglio nomen "Franciscum" elegit^{(www.repubblica.it)}

14 Martii — Xi Jinping, qui iam secretarius generalis meret factionis Communisticae Sinensis, fere nemine contradicente praeses electus est^{(The Guardian)}
18 Martii — Parlamentum Cyprium novas leges ab Unione Europaea ingestas ad argentarias servandas recipere cogitur ^{(Le Figaro)}
18 Martii — Effigies Rembrandi apud abbatiam de Boclanda in Devonia ostentata, usque adhuc discipulo quodam attributa, manu ipsius magistri pictam esse recognoscitur ^{(The Guardian)}
19 Martii — Romae missa sollemnis celebratur, pontificatús exordium papae Francisci (vide imaginem) ^{(Le Figaro)}
19 Martii — post populi tumultus Unio Europaea et Parlamentum Cyprium novas leges ab Unione Europaea ingestas ad argentarias servandas mutare volunt ^{(Le Figaro)}
21 Martii — Petrus Mennea, toto orbe clarus athleta Italicus, Romae mortuus est ^{(La Stampa)}

21 Martii — Iustinus Welby, antea episcopus Dunelmensis, archiepiscopus Cantuariensis inthronatus est ^{(the Guardian)}
22 Martii — Chinua Achebe, scriptor Nigerianus, Bostoniae mortuus est ^{(The Guardian)}

Chinua Achebe anno 2008

23 Martii — primus, qui adtestatus est, historiae congressus inter duos papas, Franciscum et papam emeritum Benedictum XVI, ^{(La Stampa)}

22-25 Martii — Tumultus inter Mussulmanos et Buddhistas in media Birmania magis magisque saeviunt ^{(The Guardian)}
21-26 Martii — quamquam ver est, magna Europae pars frigore riget ^{(Tages Anzeiger)}
28 Martii — Die Cenae Domini papa Franciscus iuvenes captivos in carcere Casal del Marmo visitavit et duodecim eorum secundum ritum pedes lavit ^{(Die Welt)}
28 Martii — Ricardus Griffiths, actor Anglicus qui partes in pelliculis de Harrio Pottero egit, mortuus est
29 Martii — Corea Septentrionalis Civitates Foederatas Americae minatur ^{(The Times)}
30 Martii — Latro captus est qui dentem exsectum abstrahere conabatur elephanti Ludovico XIV regi anno 1668 dono dati, cuius ossa in Museo Nationali Historiae Naturalis Lutetiae servantur ^{(The Guardian)}
30 Martii — Basam Yusif, saturarum ostentator televisualis et chirurgus cardiothoracicus Aegyptius, contumelias in religionem Islamicam et praesidi iecisse incusatus, in custodiam ire iussus est ^{(The Guardian)}
31 Martii — Certamen remigiorum annuale, Londinii actum, vicerunt Oxonienses

Mense Aprili

1 Aprilis — Diaria libera in Birmania, ab anno 1964 prohibita, rursus divulgantur ^{(The Guardian)}
2 Aprilis — Hieronymus Cahuzac, qui usque ad diem 19 Martii 2013 officium ministri Francici functus est, se divitias in Helvetia et Singapura retentas ad vectigalia diminuenda celavisse confessus est ^(Confessio)^{(Le Point)}

3 Aprilis — Ruth Prawer Jhabvala mythistoriarum etiam pellicularum Ismail Merchant et Iacobi Ivory scriptrix, mortua est ^{(The Guardian)}
5 Aprilis — Iudex costitutionalis Lusitanus decreta ad pecuniam et Euronem servanda partialiter irritat ^{(Le Figaro)}
7 Aprilis — novus papa Franciscus ut Romae episcopus in possessionem venit Basilicam Sancti Ioannis in Laterano ^{(agi.it^{[nexus deficit]})}
8 Aprilis — Margarita Thatcher, Regni Uniti ministra prima (1979-1990) iam grave aetate laborante repente ictu mortua est
9 Aprilis - Uhuru Kenyatta praeses Keniae factus est.
10 Aprilis — Robertus Edwards, medicus Britannicus qui fecundationem in vitro creavit et anno 2010 propter hoc Praemio Nobeliano medicinae laureatus, mortuus est
13 Aprilis — influentia aviaria undecim homines in Sina necat^{(The Times)}
13 Aprilis — papa Franciscus consessum octo cardinalium ad curiam romanam emendandam creat^(Kurier).
14 Aprilis — Nicolaus Maduro Venetiolae praeses electus est^{(Neue Zürcher Zeitung)}.
15 Aprilis — Bostoniae in cursu Marathonio tres homines bomba necati sunt^{(Tages anzeiger)}.
16 Aprilis — In Venetiola petitionum exitus tumultus concitat inter quos septem homines necati sunt^{(Tages Anzeiger)}.

17 Aprilis — Exsequiae Margaritae Thatcher celebrantur ^{(The Times)}
17 Aprilis - Nova Zelandia matrimonium hominum eiusdem sexus legismavit.
18 Aprilis — Parlamentum Italicum incipit novum Rei Publicae Praesidem eligere (imago: Praesedis sedes)^(Repubblica)
19 Aprilis - Nicolaus Maduro praeses Venetiolae factus est.

20 Aprilis — Calvert Watkins, eruditus philologiae Indoeuropaeae Americanus, mortuus est
20 Aprilis — Parlamentum Italicum Georgium Napolitano iterum Rei Publicae Praesidem eligit (imago:Praesedis sedes)^(Repubblica)

22 Aprilis — Sancta Sedes nuntiat beatificationis iudicium archiepiscopi Anscharii Romero, qui a militibus propter pugnam suam contra tyranniam et iniustitiam necatus est, gradum corrípit^{(La Croix)}

23 Aprilis — Parlamentum Francicum decrevit, ut etiam hominibus homophylophilis in matrimonium ire liceret, quod Lutetiae tumultum concitavit. ^{(The Times)}
24 Aprilis — Ruina officinae in Bangladesha 323 homines necat. ^{(The Times)}
27 Aprilis — Domini comprehensi sunt officinae in Bangladesha propter cuius ruinam 323 homines necati sunt. ^{(The Times)}
28 Aprilis - Henricus Letta primus minister Italiae Mario Monti successit.
29 et 30 Aprilis — Parlamentum Italianum novae administrationi a Henrico Letta ductae fiduciam votat ^{(Tages Anzeiger)}
30 Aprilis — Gulielmus Alexander post matris Beatricis abdicationem Nederlandiae rex coronatus est ^(Clarin)

Mense Maio

1 Maii — Mors Deannae Durbin, actricis Canadianae, die circiter 20 Aprilis mortuae, tarde nuntiatur

2 Maii — Jeff Hanneman, musicus Californiensis, psaltes gregis Slayer, mortuus est ^{(The Guardian)}

2 Maii — Comitiis Britanniarum regni ad interim habitis, numerus suffragiorum pro factione Independentiae (UKIP) latorum valde auctus est. Factiones Liberalis Democratica et Conservativa malum successum reportaverunt ^{(The Guardian)}
6 Maii — Anthropologi quidam, methodo statistico utentes, linguis Euroasiaticis originem communem, quo homines abhinc 14 500 locuti essent, proponunt ^{(Proceedings of the National Academy of Sciences)}

Nigellus Farage, factionis Independentiae Britannicae dux

6 Maii — Iulius Andreotti, notus vir publicus Italianus, aetate gravissima, mortuus est^{(Gazzetta di Mantova)}

6 Maii — Mulieres tres, abhinc decem fere annis abductae et frustra quaesitae, e domo quadam urbis Cleveland Ohii liberatae sunt ^{(The Guardian)}
7 Maii — Nave male gubernata turris navigatoria iuxta portum Genuensem stans deleta est, hominibus fere decem mortuis ^{(The Guardian)}
8 Maii — Géza Vermes, librorum sacrorum Iudaicorum Christianorumque eruditus et praesertim manuscriptorum Maris Mortui, annum agens octogesimum et octavum mortuus est
9 Maii — E sedimentis lacus El'gygytgyn Tschucotiae in Siberia boreo-orientali derivatur historia calefactionis globalis abhinc annis 3 500 000 incidentis ^{(The Guardian) (Science: situs venalis)}
10 Maii — Conventus inter papas catholicum Franciscum et Alexandrinum Theodorum II, tertius historiae post visitam Sinuthii III papae Paulo VI anno 1973 et conventus Cairi anno 2000 inter ipsum Sinuthium III et Papam Ioannem Paulum II ^{(www.grr.rai.it)}
11 Maii - Nawaz Sharif primus minister Pacistaniae electus est.
12 Maii — Comitiis Pakistaniae habitis Nawaz Šarif, qui primus minister 1997-1999 meruit et 1999-2007 in exsilio vixit, victoriam reportavit ^{(The Observer)}

14 Maii - Brasilia in tuta parte matrimonium hominum eiusdem sexus legismavit.
15 Maii — Papa Franciscus iussit ob accusationes comportamenti inconvenientis annos '80 habiti cardinalem Keith Michaelem Patricium O'Brien multos menses exsul in monasterio ire^{(The Times)}

16 Maii — Ruina officinae in Cambodia 6 homines necat ^{(Radio Vaticana)}
18 Maii — conventus inter Germaniae primam ministram Angelam Merkel et papam Franciscum habetur ^{(Der Spiegel)}
18 Maii - Cantus Eurovisionis Certamen: Natio Laureata est Dania con canticum "Only Teardrops" de Emmelie de Forest.

20 Maii — turbo Moore in urbe Oclahomae viginti quattuor homines interfecit ^{(New York Times)}
21 Maii — Dominicus Venner, Francicus qui pro culturam Occidentalem atque contra matrimonium homophylorum necnon immigrationem Mussulmanorum scriptitavit, ad altare ecclesia Nostrae Dominae Parisiensis sibi ictu pyrobolico mortem intulit ^{(The Guardian)}
22 Maii — Henricus Dutilleux, compositor Francicus, annum agens nonagesimum et septimum mortuus est ^{(The Guardian)}

23 Maii — Georgius Moustaki, carminum scriptor et cantor Francicus, collaborator necnon amasius Edithae Piaf, mortuus est

19–25 Maii — Iuvenes Holmiae in regionibus suburbanis ob egestatem et munerum inopiam noctu tumultús concitaverunt ^{(The Guardian)}
26 Maii — Abdellatif Kechiche, moderator cinematographicus Franco-Tunesicus, Festi Canuae (Festi sedes in imagine) pelliculae La Vie d'Adèle gratia palmam auream vicit^{(www.lefigaro.fr)}
29 Maii — Franca Rame illustris actoris Darii Fo uxor et ipsa clara actrix Italiana et scriptrix praecipue fabularum scaenicarum mortua est.^{(www.milano.repubblica.it)}
31 Maii — Russia nuntiat regimini Assad (vide imaginem) praesidis Syriae se arma vendituram esse.^(www.nzz.ch)

Mense Iunio

1 Iunii — Novi turbines Oclahomam verrerunt, novem fere homines (inter quos duos liberos) interficientes.^{(BBC News)}
1 Iunii — Graves tumultus in Turcia contra administrationem Recep Tayyip Erdogan (vide imaginem) ^{(www.kurier.at^{[nexus deficit]})}

3 Iunii — Quinquagesimus annus mortis papae Ioannis XXIII, qui inter alia Concilium Vaticanum Secundum indixit, celebratur ^{(www.ecodibergamo.it)}
3 Iunii — Bradley Manning, miles Americanus qui exercitus Americani secreta et arcana wikileaks enuntiavit, iudicium incipit
3-6 Iunii — Aquarum eluviones pluviis incitatae magna damna dederunt multis urbibus mediae Europae, sicut Pragae. ^(www.nzz.ch)
5 Iunii — Philadelphiae aedificii ruina tredecim homines necat ^(www.nzz.ch)
5 Iunii - Nawaz Sharif primus minister Pacistaniae factus est.
6 Iunii — Lutetiae iuvenis Clemens Méric inter tumultus a fascistorum grege vulneratus obiit^{(www.lemonde.fr)}
7 Iunii — Lutetiae Petrus Mauroy, rerum politicarum peritus et olim Franciae minister primus mortuus est ^{(www.la-croix.com^{[nexus deficit]})}

9 Iunii — populus Helveticus constitutionis mutationem reicit, secundum quam populus Consilium Foederale id est Helvetiae administrationem (in imagine praesens administratio) recte eligere potest^{(www.tagesanzeiger.ch)}
9 Iunii — Ioannes Banks, mythistoriarum auctor Scoticus, mortuus est

11 Iunii — Graeciae administratio televisionis publicae opus parsimoniae causa repente sistit
14 Iunii — Hassan Rohani Iraniae praeses electus est ^{(http://it.euronews.com)}

16 Iunii — Cechiae minister primus Petrus Necas (vide imaginem) se e munere removit ^(www.nzz.ch)
16 Iunii — graves tumultus in Turcia contra Recep Tayyip Erdogan (vide imaginem) administrationem persequuntur ^{(ww.lefigaro.fr)}
17 Iunii — Baracus Obama iter in Europam incepit, primo die in Hibernia Septentrionali. Postridie Berolinum visitat ^{(www.morgenpost.de)}^{(www.gpb.org/news^{[nexus deficit]})}

17 Iunii — graves tumultus in Brasilia contra Dilmae Rousseff administrationem propter pecuniam quae pediludii certaminum causa expenditur^{(oglobo.globo.com )}
18 Iunii — conventus qui dicitur G8 in Hiberniae Septentrionalis Lough Erne incipitur ^{(www.americaoggi.info)}
21 Iunii — Factio Sinistra Democratica ministri primi Graeci Antonii Samaras administrationi suffragationem demovit^([1])

23 Iunii — Proper graves tumultus, qui persequuntur in Brasilia contra Dilmae Rousseff administrationem propter pecuniam quae pediludii certaminum causa expenditur, Rousseff conventum ad administrationem meliorandam facere voluit^(globo.com)^(www.nzz.ch)

24 Iunii — Putatur antiqui Praeses Nelson Mandela vita in periculum esse, Mandela, aetate gravissima, ultimos menses in valetudinarium saepe ire debuit. ^(www.cdt.ch)

25 Iunii — Silvius Berlusconi, rerum politicarum peritus Italianus, septem annos carceris damnatus est quia secundum iudicum opinionem cum iuveni meretrice, quae illo tempore pupillari aetate erat, coitum habuit.

25 Iunii — Edi Rama, rerum politicarum peritus Albanicus, Factionis Socialisticae electiones vicit. ^(www.nzz.ch)

Edi Rama

26 Iunii — Speciem novam avium passeriformium Phnom Penh in urbe Cambodiae repertam esse nuntiatur. "Orthotomus chaktomuk sp.nov." rite nominatur ^{(The Guardian)}^(Forktail)
27 Iunii — Coemgenus Rudd dux factionis operariae Australianae electus est, Iulia Gillard subito evicta quae statim a primo ministerio recedit ^{(Huff Post World)}
29 Iunii — Margarita Hack, clara astrophysica Italica mortua est ^{(www.agi.it^{[nexus deficit]})}

29 Iunii — graves tumultus in Aegypto contra Machometi Morsi administrationem propter difficultates rerum oeconomicarum et magnam partem hominum religiosorum in vita publica^(www.nzz.ch)

29 Iunii — Grex musicus Britannicus The Rolling Stones, Michaele Jagger duce, festis Glastoniensibus tunc primum cantitavit

29 Iunii-21 Iulii - Circuitus Franciae 2013

Mense Iulio

1 Iulii — Croatia in Unionem Europaeam cooptata est ^{(www.ilpiccolo.gelocal.it)}
3 Iulii — Albertus II Belgiae rex, ad annum nativitatis undequadravigesimum pervenitus, abdicationem suam praenuntiavit. Successor a die 21 Iulii huius anni erit filius Philippus ^{(/www.nzz.ch)}

Albertus II

3 Iulii — Aegypti praeses Machometi Morsi a exercitu depositus est^(www.nzz.ch)
5 Iulii — Prima epistula Encyclica papae Francisci Lumen fidei edita est. Magna pars huius epistulae tamen a decessore Benedicto XVI scripta est.^{(www.it.radiovaticana.va)}.Eodem die papa Franciscus suorum decessorum Ioannis XXIII et Ioannis Pauli II decretum canonizationis signavit. Ergo iam anno 2013 hi papae sancti erunt.^{(www.corriere.it)}.
5 Iulii — inter graves tumultus in Aegypto contra exercitum post Machometi Morsi depositionem circiter 20 homines necati sunt ^{(www.thetimes.co.uk)}
6 Iulii — algae propter maris pollutionem Sinarum litora invadunt ^{(www.meteogiornale.it)}
7 Iulii — Andreas Murray teniludius Scoticus certamina Wimbledonensia vicit, primus ille Britannorum post Fridericum Perry annis 1934-1936 victorem ^{(The Guardian)}

8 Iulii — Papa Franciscus primum pontificatús sui iter in insulam Italicam Lopadusam (vide imaginem) facit ubi multi migrantes paulo antea naufragio in mare subversi obierant ^{(www.lefigaro.fr)}
8 Iulii — Iterum inter graves tumultus in Aegypto contra exercitum post Mahometi Mursi depositionem homines necati sunt. ^(www.nzz.ch)

10 Iulii — in Luxemburgo minister primus Ioannes Claudius Juncker (vide imaginem) novas electiones nuntiat ^{(it.euronews.com)}
12 Iulii — in Aegypto praesidis depositi Mahometi Mursi fautores conventum contra exercitum et praesidem ad interim Adly Mansour parant^{(www.ilmessaggero.it^{[nexus deficit]})}

13 Iulii — Robertus Calderoli rerum politicorum peritus Italianus dixit ministram Caeciliam Kyenge oriundam e Africa simiae similem esse ^{(internacional.elpais.com)}

16 Iulii — Parlamentum Francicum investigationes scientificas embryonum humanorum admittit ^{(www.lefigaro.fr)}
17 Iulii — Septem tabulae pictae pretiosissimae, e pinacotheca Roterodamensi furtim mense Octobri 2012 demptae, in Romania a matre furtis combustas fuisse nuntiantur: vide imaginem "Desponsatae" Pauli Gauguin ^{(The Guardian)}
17 Iulii — 23 liberi Indi mortui sunt, multis insuper aegrotantibus, in oppido Masrakh prope Chapra Biharae propter prandia scholastica pharmacis agriculturariis contaminata ^{(The Guardian)}
19 Iulii — Mel Smith, comoedus Anglicus, mortuus est ^{(The Guardian)}
20 Iulii — Helena Thomas, diurnaria rerum politicarum Civitatum Foederatarum, annum agentem nonagesimum secundum mortua est

21 Iulii — Christophorus Froome, Nairobiae in Kenia natus, birotarius Britannus, circuitum Franciae 2013 vicit ^{(The Guardian)}

21 Iulii - Philippus rex Belgiae coronatus est.
22 Iulii — Catharina, ducissa Cantabrigiae, puerum peperit ^{(Private Eye)}
22 Iulii — Captivi circiter 500, inter quos nonnulli morte damnati, e carceribus Bagdatensibus a repugnatoribus vi liberati sunt ^{(The Guardian)}
23 Iulii — Papa Franciscus urbem Fluminensem Brasiliae visitat, multis ibi contra administrationem r. p. Brasiliensem etiamnunc agitantibus ^{(La Stampa: "Vatican Insider")}
24 Iulii — Hamaxostichi sinistro casu in urbe Hispanica Compostella 77 homines necati sunt
25 Iulii — Bernadetta Lafont, actrix cinematographica Francica, mortua est

30 Iulii — Bradley Manning, miles Americanus qui exercitus Civitatum Foederatarum secreta et arcana Wikileaks publicavit, in omnibus aliis criminibus praeter adiumentum ad hostem condemnatus est

31 Iulii - Comitia politica en Zimbabwe.

Mense Augusto

1 Augusti — Eduardo Snowden, speculationum informaticarum Civitatum Foederatarum delatore, Russi asylum praebuerunt ^{(The Guardian)}
1 Augusti — Silvius Berlusconi, officinarum magister et rerum politicarum peritus Italianus carcerem damnatus est quia erari divitias suas occultavit. ^(NZZ)

Robertus Mugabe anno 2009

2 Augusti — Post comitia Zimbabuae popularia victoria factionis Roberti Mugabe praesidis nuntiatus est. ^{(The Guardian)}
3 Augusti - Hasan Ruhani praeses Iraniae factus est.
5 Augusti — Jeff Bezos, societatis mercatoriae Amazon.com conditor, diarium The Washington Post emit. ^(NZZ)

7 Augusti — Aeroportus Jomo Kenyatta urbis Nairobiae in Kenia incendio magna parte destructus est. ^{(The Guardian)}
8 Augusti — fossilia Iurassica animalium duorum Haramiyidorum, aut mammalium valde antiquorum aut prae-mammalium antea incognitorum, nominatim Arboroharamiya et Megaconus, in Sinis reperta nuntiantur. ^{(The Guardian)}^{(1 2 Nature [situs venalis])}
10 Augusti — Mons ignifer Rokatenda insulae Palu'e in Indonesia subito erupisse nuntiatur, hominibus 5 interfectis. ^{(The Guardian)}
10 Augusti — Ariditas per calore solstitii in Cambria castam Romanam ostendit. ^{(BBC News)}
12 Augusti — Iohannes Friso Auriacus et Nassoviensis, frater regis Nederlandiae Gulielmi Alexandri (sed qui successionem recusaverat), malo casu nartationis anno 2012 vulneratus, mortuus est. ^{(The Guardian)}

14 Augusti — Mahometus al-Barada'i Aegypti praeses vicarius post novos tumultos et multas victimas horum se a munere removit. ^{(Tages Anzeiger)}

15 Augusti — novi tumultus in Aegypto multitudines victimarum faciunt^{(Neue Zürcher Zeitung)}
15 Augusti — Iacobus Vergès, iuris consultus Francicus qui causas Djamila Bouhired, Nicolai Barbie necnon Khieu Samphân tractavit, annum agens nonum et octagesimum mortuus est ^{(The Guardian) (Le Monde)}

Iacobus Vergès

15 Augusti - Horatius Cartes praeses Paraquariae Friderico Franco successit.
16 Augusti — Terrae motus in Nova Zelandia ^{(www.bluewin.ch)}
22 Augusti — Bo Xilai, olim administer rerum commercialium et praefectus provincialis Sinarum, quaestionem subire coepit ^{(The Guardian)}

23 Augusti — Syriae praeses Baschar al-Assad in bello civili armis chemicis usus esse putatur^{(Neue Zürcher Zeitung)}

28 Augusti — Vitam terrestrem e planeta Marte transmissam proposuit geochemista Stephanus Benner ^{BBC News}
28 Augusti - Dietmarius Woidke (SPD) ministrorum praeses Brandenburgi Matthias Platzeck successit.
30 Augusti — Iacobus (Seamus) Heaney, poëta Hibernus, annum agens quintum et septuagesimum mortuus est

30 Augusti — diaria nuntiaverunt archiepiscopum Petrum Parolin venturum Cardinalem Secretarium Statum esse.

31 Augusti — David Frost, ostentator et diurnarius televisualis Anglus, mortuus est

Mense Septembri

4 Septembris —Senatus Civitatum Americae Unitarum propositum conscripsit quod praesidem apud Syriam quemdam numerum militium agere et quamdam mensuram virum uti intra tempus 90 dierum sinat^{(LA Times)}
7 Septembris — Antonius Abbott Australiae minister primus electus est ^{(Le Monde)}

7 Septembris — Romae papa Franciscus ieiunium constituit et magnam orationis vigiliam pro pace in Syria celebrat ^(Clarín)
7 Septembris — nuntiatur 2020 Olympia Aestiva Tocio in Iaponia fore ^{(Tages Anzeiger)}
8 Septembris - Mamnoon Hussain praeses Pacistaniae factus est.
9 Septembris - Comitia politica Norvegica anni 2013.
10 Septembris — Thomas Bach, athleta Germanicus, Comitatus Olympici Internationalis praeses electus est^{(www.adnkronos.com)}
12 Septembris — Otto Sander , clarus histrio Germanicus mortuus est^{(La gazzetta del Mezzogiorno^{[nexus deficit]})}

14 Septembris — conventus inter Russiam (Sergium Victoris filius Lavrov vide imaginem) et Americam (Ioannem Kerry) ad arma chemica Syriaca delenda^{(Neue Zürcher Zeitung)}

18 Septembris — Marcellus Reich-Ranicki Germanicus litterarum peritus mortuus est^{(Neue Zürcher Zeitung)}

18 Septembris - Antonius Abbott primus minister Australiae factus est.
21 Septembris — in Kenia homines triginta novem in insidia tromocratica in magno aedificio mercatorio necati sunt^{(Le Figaro)}
22 Septembris — papa Franciscus iter in Sardiniam facit^{(Famiglia Cristiana)}
22 Septembris — populus Helveticus inter alia contra exercitus abrogationem statuit^{(Neue Zürcher Zeitung)}

22 Septembris — in Germania comitia habita sunt. Cancellaria Angela Merkel et Petrus Steinbrück candidati primarum duarum factionarum CDU et SPD erant et Angela Merkel vicit^{(Neue Zürcher Zeitung)}

26 Septembris — legati factionis Italicae Populi Libertatis, iussu Silvii Berlusconi, se a Parlamento recessuros nuntiant postquam Berlusconi ipse, ob divitias suas occultatas, ad carcerem damnatus est ^{(Neue Zürcher Zeitung)}
28 Septembris — ministri factionis Italicae Populi Libertatis ab administratione Henrici Letta removentur ^{(Neue Zürcher Zeitung)}
29 Septembris — in Austria comitia habita sunt. Foedus a Werner Faymann ductum inter Socialem Democraticam Factionem Austriacam et Factionem Popularem Austriacam suffragia amisit sed iterum Austriam administrare poterit ^{(Neue Zürcher Zeitung).}

Mense Octobri

1 Octobris — consessus octo cardinalium ad curiam Romanam emendandam a papa Francisco creatus primum congregatur. Eodem die papa in colloquio percontativo cum diarii La Repubblica antiquo praefecto Eugenio Scalfari de curiae et ecclesiae emendatione locutus est ^{(qn.quotidiano.net).}
1 Octobris — in Civitatibus Foederatis Americae aerarii computus regimen temporarium incipit quia Factio Republicana et Democratica haud de aerario paciscuntur ^{(Neue Zürcher Zeitung).}
1 Octobris — Thomas Clancy, mythistoriarum auctor Civitatum Foederatarum, annum agens septimum et sexagesimum mortuus est ^{(The Guardian)}

3 Octobris — iterum Lopadusae magis quam 133 migrantes in mare naufragium fecerunt et mortui sunt ^{(agrigento.blogsicilia.it)}.
4 Octobris —Francisco secundum pontificati sui iter Italianum in Asisium die festa Sancti Francisci fecit et medio die papa haud cum politicis sed pauperibus comedit ^{(www.ilgiornale.it)}.
4 Octobris — Võ Nguyên Giáp, dux bellorum et minister Vietnamiensis, H? Chí Minh contubernius, annum agens tertium et centesimum mortuus est

7 Octobris — Praemium Nobelianum Medicinae Iacobo Rothman Randy Schekman et Thomae Südhof tributum est^{(www.repubblica.it)}.
8 Octobris — Franciscus Englert et Petrus Higgs Praemium Nobelianum Physicae laudantur ^{(www.lescienze.it)}.
9 Octobris — Martinus Karplus, Michael Levitt et Arieh Warshel Nobelianum Chemiae Praemium accepunt^{(www.repubblica.it)}.
10 Octobris — Vilfredus Martens, rerum politicarum peritus qui bis minister primus Belgiae fuit, mortuus est ^(www.nzz.ch).

Vilfredus Martens anno 2005

10 Octobris — Alice Munro, scriptrix Canadensis, Praemium Nobelianum Litteraturae accepit.^(www.nzz.ch).

11 Octobris — Motus internationalis ad interdictionem armae chemicae Praemio Nobeliano Pacis anni 2013 laureatus est.^(www.nzz.ch).
14 Octobris — Eugenius F. Fama, Laurentius Petrus Hansen et Robertus Iacobus Shiller Praemium Nobelianum Oeconomiae accipiunt^(www.nzz.ch).
16 Octobris — in Civitatibus Foederatis Americae aerarii computus regimen temporarium finem habuit quia Factio Republicana et Democratica de aerario paciscuntur ^{(Neue Zürcher Zeitung).}
16 Octobris — Ernesta Solberg prima ministra Norvegiae facta est.
19 Octobris — Cem Özdemir iterum et Simona Peter primum factionis Germanicae Foedus 90/Virides praefecti electi sunt ^{(Neue Zürcher Zeitung).}

20 Octobris — in Luxemburgo comitia habita sunt. Factio Socialis Popularis Christiana a Ioanne Claudio Juncker ducta suffragia amisit sed iterum Luxemburgum administrare poterit ^{(Neue Zürcher Zeitung).}

22 Octobris — pullus dinosaurus fossilis, genere Parasaurolophus, in Uta nuper repertus est ^{(PeerJ; The Guardian)}
22 Octobris — Norbertus Lammert Dietae Foederalis Germanicae praeses iterum electus est ^{(Die Welt)}

Norbertus Lammert anno 2012

23 Octobris — papa Franciscus decrevit episcopum Franciscus Petrus Tebartz-van Elst propter malum exemplum et vitae suae sumptuosae causa aliquos menses extra diocesim suam vivere debere. Wolfgangus Rösch? eodem die dioecesis vicarius generalis factus est ^(kath.net)

25 Octobris — Silvius Berlusconi suae factionis Popolo della Libertà antiquum nomen eius Forza Italia? restituit ^(Liquida)
26 Octobris — in Tsekiae suffragis haud victor est, exitum habuit nova factio a Andrea Babiš condita ^{(Neue Zürcher Zeitung)}
27 Octobris — Ludovicus Reed, musicus Civitatum Foederatarum, olim cantor gregis Velvet Underground, mortuus est ^{(The Guardian)}

28 Octobris — Taddaeus Mazowiecki, politicus Polonus, et etiam patriae suae minister primus, mortuus est ^(Avvenire)

28 Octobris — tempestas "Christian" vel "S. Iudae" in Europa boreali tredecim homines necat ^{(Stuttgarter Zeitung)}

Mense Novembri

1 Novembris — ?akim Allah Ma?sud, dux repugnatorum tromocraticorum ?aliban in Pakistania, ad congressum pacificatorium profecturus ab armis missilibus Civitatum Foederatarum interfectus est ^{(The Guardian)}
4 Novembris — in Aegypto iudicium contra veterem praesidem Mahometum Mursi incipit, quamquam multi putent hoc iudicium non equum fore^{(it.radiovaticana.va)}

5 Novembris — nuntiatur Monaci multae adhuc hodie incognitae tabulae pictae clarorum pictorum in domo cuiusdam Cornelii Gurlitt, artis historici Hildebrandi Gurlitt filius, mense Februario 2012 inventae fuisse^(www.nzz.ch)^(www.nzz.ch)

Francisci Marc tabula in Monaco inventa

5 Novembris — Gulielmus de Blasio, Factionis Democraticae politicus, Urbis Novi Eboraci praefectus urbis electus est^(www.nzz.ch)

6 Novembris — Iasser Arafat mulier nuntiat maritum suum secundum medicos anno 2004 scilicet veneno interfectum fuisse^{(www.thetimes.co.uk)}

Iasser Arafat anno 1992

8 Novembris — colloquium diurnariis hodie factum est in Sancta Sede ad primum volumen introducendum novae seriei commentarii Pontificiae Academiae Latinitatis, cuius nomen Latinitas est^{(www.zenit.org)}

Basilica Sancti Petri

8 Novembris — Huracanum Hayyan Philippinas vastat et multissimos homines necat^{(www.meteogiornale.it)}

10 Novembris — athleta Hispanicus Marcus Márquez Birotae automatariae certamen mundanum vicit^{(www.tuttomotoriweb.com)}

12 Novembris — Clinton dicit Obamam legem de publica sanitate conservare oportere, secundum promissionem suam^{(www.cnn.com)}

14 Novembris — papa Franciscus praesidem Italianum Georgium Napolitano visitat^{(www.articolotre.com^{[nexus deficit]})}

17 Novembris — scriptrix Britannica Dorothea Lessing mortua est^{(www.bluewin.ch^{[nexus deficit]})}

Dorothea Lessing anno 2006

17 Novembris — in primo ordine petitionis Praesidatus Rei Publicae Chiliae Michaela Bachelet cum 47% suffragiorum vicit. Evelina Matthei cum 25% suffragiorum proxime accessit ^{(www.nzz.ch )}

18 Novembris — inundationes in Sardinia 18 homines necant ^{(www.gazzettadelsud.it)}
19 Novembris — dissidia circa foedus super Irania tensionem efficiunt inter Civitates Foederatas Americae et Israelem^{(The New York Times)}
19 Novembris — Fridericus Sanger, biochemicus Britannicus bis praemio Chemiae Nobeliano laureatus, mortuus est ^{(The Guardian)}

20 Novembris — Rupertus Murdoch et uxor eius Wendi nuntiant transactionem ad divortium communi consensu faciendum inter eos perfectam fuisse^{(Los Angeles Times )}

25 Novembris — cum senatores Rei publicae Italicae de Silvii Berlusconi expulsione ex Senatu italico statuturi sint, ille exorat Senatum ne se expellat ^{(The Independent)}
27 Novembris — Silvius Berlusconi de Senatu Rei publicae Italicae expulsus est ^{(The New York Times)}

29 Novembris — Taverna Glasguensis Clutha Vaults malo casu destructa est, helicoptero subito in tectum lapso: ibi homines 9 interfecti sunt ^{(The Guardian; The Mirror)}
30 Novembris — actor cinematographicus Americanus Paulus Walker mortem per casum viarium occubuit ^{(www.cnn.com)}

Mense Decembri

Kalendis Decembris — hamaxostichus interurbanus per Novi Eboraci Bronx Comitatum transiens propter nimiam velocitatem ex astario egreditur, ex quo viatores 4 moriuntur et fere 60 laesi sunt ^{(The New York Times)}
4 Decembris — Xaverius Bettel novus Luxemburgi minister primus est ^(NZZ)
5 Decembris — Nelson Mandela, primus Africae Australis praeses qui suffragio omnium electus est Praemioque Nobeliano pacis componendae laureatus, mortuus est Ioannisburgi anno aetatis suae nonagesimo quinto ^{(The Huffington Post; Le Monde)}

8 Decembris — Matthaeus Renzi, Florentiae praefectus urbis Factionis Democraticae Italianae dux electus est ^{(www.bluewin.ch^{[nexus deficit]})}

11 Decembris — papa Franciscus secundum libellum Time homo anni 2013 est ^{(vaticaninsider.lastampa.it)}

12 Decembris — Italiae tumultus populares, qui vulgo 'clamores furcarum' vocati sunt, die quarto Romam diffunduntur ^(Reuters)
15 Decembris — Petrus O'Toole, illustris histrio Britannicus mortuus est^(www.nzz.ch)

15 Decembris — in secundo ordine petitionis Praesidatus Rei Publicae Chiliae Michaela Bachelet, quae iam Chiliae praesides fuerat, cum 62% suffragiorum vicit. ^{(www.nzz.ch )}

15 Decembris — Ioanna Fontaine, clara actrix Americana mortua est^{(www.lastampa.it)}
23 Decembris — Michael Kalašnikov, clarus armorum sclopetariorum constructor Russicus mortuus est^{(itar-tass.com)}

24 Decembris — Tempestas Dirk Europam borealem vastat hominesque necat^{(www.thetimes.co.uk)}
29 Decembris — Michael Schumacher, clarus autocineti ductor Germanicus, nartationis sinistru casu iuxta Gratianopolim capiti graviter vulneratus est ^{(www.bluewin.ch)}

Nati

22 Iulii - Georgius, princeps Cantabrigiae.

Mortui