Brambang
| Brambang | |
|---|---|
| |
| Brambang ing pasar | |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Liliopsida |
| Ordho: | Asparagales |
| Famili: | Alliaceae |
| Génus: | Allium |
| Spésies: | A. ascalonicum |
| Jeneng binomial | |
| Allium ascalonicum L. | |
Brambang utawa bawang abang (Allium ascalonicum L.) iku jeneng tuwuhan saka familia Alliaceae lan jeneng saka umbi kang dikasilaké.[1] Umbi saka tuwuhan brambang minangka bahan utama kanggo bumbu dhasar masakan Indonésia.[1] Brambang kalebu tuwuhan sayuran.[1] Tuwuhan iki lumrahé kanggo bumbu masakan, utawa kanggo wuwuran ing masakan.[1] Masakan kang lumrahé diwuwuri brambang ya iku soto, sop, sega gandul, sega pindhang, semur,mi goreng, mi godhog, lan liya-liyané.[1] Brambang lumrahé diiris tipis, digoreng banjur diwuwurna ing masakan.[1] Nanging ati-ati yèn nggorèng brambang, amarga brambang yèn digorèng gampang gosong.[1]
Brambang iku sayuran kang ana méh ing kabéh masakan.[1] Fungsiné kanggo gawé sedhep masakan.[1] Ing kondisi Indonésia saiki, Indonésia lagi krisis ékonomi, saéngga kudu bisa ngoptimalké sumber daya alam supaya perékonomianné rikat pulih.[1] Indonésia kalebu nagara agraris.[1] Nanging saiki Indonésia malah ngimpor brambang saka manca nagara.[1] Kaanan kang kaya mengkéné ndadékaké Indonésia kudu nduwé greget kanggo ngembangaké pertanian brambang.[1]
Kembang brambang diaraniblalo, putut, ilu-ilu, menjos, gènggèk utawa klengeng, béda-béda miturut daérahé.
Deskripsi
[besut | besut sumber]Brambang iku tuwuhan semusim lan nduwè umbi kang lapis-lapis.[1] Tuwuhan iki duwé oyod serabut, kanthi godhong awangun silinder mawa gronggongan.[1] Umbi kawangun saka pangkal godhong kang nyawiji lan yasa "wit" kang owah wangun lan fungsiné, dadi gedhé lan lapis-lapis.[1] Umbi brambang kawangun saka lapisan-lapisan godhong kang dadi geshé lan nyawiji.[1] Umbi brambang dudu umbi sajati kaya déné kenthang utawa tales.[1]
Paédah
[besut | besut sumber]Brambang gorèng iku brambang kang diiris tipis lan digorèng nganggo lenga gorèng kang akèh (agung).[1] Lumrahé, masakan Indonésia kaya soto lan sup nganggo wurwuran brambang gorèng supaya luwih sedhep.[1] Brambang uga ngandhut zat pengatur tuwuh alami wujud hormon auksin lan giberelin.[1]
Brambang duwé zat kang jenengé ''tolbutamide'' [2] Brambang wis suwé dadi obat kang manjur kanggo nambani diabétes.[2] Brambang uga wis suwé misuwur ing ngèlmu kadhokteran, amarga kasiyaté kang akèh banget.[3] Saka panalitén-panalitén modhèren, nuduhaké yèn brambang nduwé daya kanggo nurunaké gula darah lan daya iku mau katemokaké ing kadar kang ana ing panganan kang ana bumbu brambangé.[2]
Para panaliti ing India nggunakaké brambang kang wis digawé jus apa déné kang isih bunder lan wutuh. Gedhéné kurang luwih 25-200 gram.[2] Saya akèh brambang kang digunakaké saya kurang kadar gula darah.[2] Ora ana bédané khasiat brambang kang isih mentah apa déné kang wis digodhog utawa digoréng.[2]
Miturut téyori kang diandharaké tim panaliti, brambang uga duwé prabawa ing metabolisme gula ing njero ati, utawa metabolisme pelepasan insulin.[2] Brambang bisa ncegah rusaké insulin.[2]"Agen" kang duwé kamampuan hipoglikemia, bisa nurunaké kadar gula darah.[2]''Agen'' iku ora liya zat aktif kang arané allyl propyl disulfide lan allicin.[2] Bukti eksperimen lan klinis nuduhaké yèn allyl propyl disulfide bisa nurunaké gula darah kanthi cara ngundhakaké “masa hidup” (lifespan) insulin.[2]
Wiwit taun 1923, para ilmuwan ndetéksi depressor gula darah ing brambang, lan ing taun 1960, para panaliti bisa ngisolasi senyawa antidiabetes saka brambang.[2] Senyawa iki cara kerjané mirib obat farmasi antidiabetes umum. Zat antidiabetes iki arané tolbutamide.[2] Zat iki kerep dienggo ngurangi kadar gula darah.[2] Cara kerjané tolbutamide ya iku kanthi ngrangsang sintésis lan ngetokaké insulin.[2] Ing panalitén, para ilmuwan nggunakaké kelinci kango percobaan.[2] Ing panalitén iki nuduhaké yèn ekstrak brambang, 77 persèn padha efektifé karo dosis standar tolbutamide.[2]
Hasil panaliten uga nuduhaké yèn brambang nduwé éfék nurunaké gula lan lemak darah.[3] Mulané dianjurké supaya nambahaké brambang ing saben masakan.[3] Ancasé supaya njaga kadar gula darah.[3] Brambang bisa digunakaké ing masakan. déné cacahé sembarang.[3]
Studi Chandalia sakanca nuduhaké yèn asupan utawaintake serat larut kang akèh bisa dicukupi kanthi konsumsi panganan alami kang akèh serat.[3] Diet tinggi serat kanthi éfék samping kang minim bisa ditindakaké wong kang nandang lelara diabétes.[2] Mulané kanggo ngundhakaké serat, penderita diabétes bisa mangan sayuran utawa woh kang akèh serat.[3]
Panganan kang akèh seraté bisa minangka diét tinggi serat.[4] Panalitén Chandalia sakanca, wujud woh koktail, jeruk seger, nanas seger, kates seger, buah persik (peach) segar, buah ceri, tomat segar, jagung, zucchini, kacang ijo, roti whole-wheat, lan ''havermout'' (oatmeal dan oat bran).[5] Utamane jeruk dan nanas, kacang ijo, lan ''havermout'' kalebu sumber serat larut.[5]
Dasanama
[besut | besut sumber]Jeneng latin Latin: Allium cepa L [4]
Jeneng Laladan: Bawang abang mirah (Acèh); Pia (Batak); Bawang abang (Palembang); Bawang sirah, Barambang sirah, Dasun merah (Minangkabau); Bawang suluh (Lampung); Bawang beureum (Sunda); Brambang, Brambang abang (Jawa); Bhabang mera (Madura); Jasun bang, Jasun mirah (BaIi); Lasuna mahamu, Ransuna mahendeng, Yantuna mopura, Dansuna rundang, Lasuna randang, Lansuna mea, Lansuna Raindang (Sulawesi Utara); Bawangi (Gorontalo); Laisuna pilas, Laisuna mpilas (Roti); Kalpeo meh (Timor); Bowang wulwul (Kai); Kosai miha; Bawa rohiha (Ternate); Bawa kahori (Tidore).[4]
Habitat
[besut | besut sumber]Brambang lumrahé ditandur ing dataran cendhèk nganti 1300 m dpl, ing laladan kang lembab lan cukup banyuné.[4]
Zat-zat
[besut | besut sumber]Minyak atsiri, sikloaliin, metilaliin, dihidroaliin, flavonglikosida, kuersetin, saponin, peptida, fitohormon, vitamin, dan zat pati.[4]
Khasiat
[besut | besut sumber]Brambang nduwé khasiat kanggo Bakterisid; ekspektoran; diuretik.[4]
Gladri
[besut | besut sumber]-
brambang -
brambang sedhep -
brambang goréng -
bawang bombay abang -
bumbu
-
goréng bawang -
brambang goréng énak
Cathetan suku
[besut | besut sumber]- ↑ a b c d e f g h i j k l m n o p q r s t u [1] Archived 2008-12-17 at the Wayback Machine.(dipunundhuh tanggal 18 April 2011)
- ↑ a b c d e f g h i j k l m n o p q r [2](dipunundhuh tanggal 18 April 2011)
- ↑ a b c d e f g [3][pranala mati permanèn](dipunundhuh tanggal 18 April 2011)
- ↑ a b c d e f [4] Archived 2011-06-20 at the Wayback Machine.(dipunundhuh tanggal 18 April 2011)
- ↑ a b [5] Archived 2011-04-14 at the Wayback Machine.(dipunundhuh tanggal 18 April 2011)
Uga delengen
[besut | besut sumber]Pranala njaba
[besut | besut sumber]- Bawang merah Archived 2008-12-17 at the Wayback Machine.
- Teknik budidaya bawang merah