Sliip

Sliip asosiet wid a stiet a mosl rilaxieshan ah rijuus posepshan a invairamental stimiulos.

Sliip a nachral rikorin stiet a main kiaraktaraiz bai alta kanchosnis, relitivli inibitid sensri aktiviti, inibishan a nieli aal valinteri mosl, ah rijuus intarakshan wid soroundin. Idistingguish frah wiekfulnis bai dikriis abiliti fi riak tu stimiulos, bot imuo hiizi fi rivoers dah di stiet a aibanieshan ar fi kumout a kuoma. Mamalian sliip okor ina ripiit-ripiit piiriad, wen di badi altiniet bitwiin tuu distingk-distingk muod nuo az nan-REM ah REM sliip. REM stan fi "rapid eye movement" bot invalv nof ada aspek ingkluudn voerchual paralisis a di badi.