Vopnafjarðarflugvöllur

Vopnafjarðarflugvöllur
IATA: VPN – ICAO: BIVO BIVO Staðsetning flugvallarins
Yfirlit
Gerð flugvallar		Almenningsvöllur
Eigandi/Rekstraraðili		Isavia
Þjónar		Vopnafjörður, Íslandi
Staðsetning		Vopnafjörður
Hæð yfir sjávarmáli		3 m / 10 fet
Hnit		65°43′14″N 014°51′02″V
Flugbrautir
Stefna	Lengd		Yfirborð
	m	fet
05/23	885	2904	Tjörubundin grú
Heimildir: Flugmálastjórn Íslands

Vopnafjarðarflugvöllur

Vopnafjarðarflugvöllur er á bakka Hofsár, fyrir miðjum botni Vopnafjarðar. Óreglubundið flug hefur verið til Vopnafjarðar með einhverjum hætti frá 1954.

Vopnafjarðarflugvöllur

Flugvöllurinn er á bakka Hofsár, fyrir miðjum botni Vopnafjarðar. Rými til flugs í dalnum er nægt og aðflug því hindranalaust. Veðurfar er flugi fremur hagstætt og áreiðanleiki áætlunarflugs því góður, eða um 98%.

Akstursfjarlægð frá þéttbýli í Vopnafirði er um 4 km. Flugvöllurinn þjónar einnig Bakkafirði en vegalengd þangað er 35 km.

Flugstöðin

Flugstöðin er 215 m² að flatarmálim á einni hæð. Hún getur annað 50 manns. Flugstöð, með áföstum flugturni, var tekin í notkun árið 1988.

Flug

Óreglubundið flug hefur verið til Vopnafjarðar með einhverjum hætti frá 1954. Í upphafi frá Reykjavík á vegum Björns Pálssonar, en um 1960 hófst áætlunarflug frá Akureyri, fyrst flugfélag á vegum Tryggva Helgasonar, er síðar varð Flugfélag Norðurlands og frá 1997 Flugfélag Íslands.

Frá Egilsstöðum hófst, á vegum Björns Pálssonar, flug sem haldið var úti að sumarlagi (frá 1960 til 1968). Frá 1970 flaug Austurflug og frá 1972 Flugfélag Austurlands til 1997 er félagið hætti starfsemi.

Daglegar flugferðir voru frá Akureyri og/eða Egilsstöðum frá árinu 1988 en hefur fækkað síðan.

Saga

Land fékkst fyrir flugbraut 1953 og fyrstu framkvæmdir voru, í litlum mæli, 1954 og hafa staðið með mislöngum hléum síðan, en nú er flugbrautin lögð bundnu slitlagi. Flugbrautin var búin föstum ljósum um 1974. Fyrsta farþegaskýlið var sett upp 1954 en núverandi flugstöð er líklega fjórða byggingin.

Tengt efni

• Grunnskólinn á Vopnafirði
• Vopnafjarðarhreppur
• Selárdalslaug

Tenglar

• Heimasíða Vopnafjarðarhrepps^{[óvirkur tengill]}
• Vopnafjordur.is Geymt 13 apríl 2021 í Wayback Machine

  Þessi Íslandsgrein er stubbur. Þú getur hjálpað til með því að bæta við greinina.