Gírondínar
Gírondínar voru hópur franskra byltingarmanna sem tóku þátt í frönsku byltingunni og byltingarstjórninni og tóku þátt í lögjafarþingi. Gírondínar voru nefndir eftir héraðinu Gironde í Frakklandi. Þeir hittust í fundarsal hjá Madame Roland en einn fremsti leiðtogi þeirra var Jacques Pierre Brissot og eru gírondínar oft kenndir við hann og kallaðir brissotínar. Í byltingarstjórninni misstu þeir völdin til Fjallbúa. Árið 1793 voru margir foringjar þeirra teknir af lífi.