Bola Tinubu
| Bola Tinubu | |
|---|---|
 Tinubu árið 2023. | |
| Forseti Nígeríu | |
Núverandi | |
| Tók við embætti 29. maí 2023 | |
| Varaforseti | Kashim Shettima |
| Forveri | Muhammadu Buhari |
| Persónulegar upplýsingar | |
| Fæddur | 29. mars 1952 Lagos, Nígeríu |
| Þjóðerni | Nígerískur |
| Stjórnmálaflokkur | Allsherjarráð framfarasinna (2013–) |
| Maki | Oluremi Tinubu |
| Háskóli | Chicago State University |
Bola Ahmed Adekunle Tinubu (f. 29. mars 1952) er nígerískur endurskoðandi og stjórnmálamaður sem er núverandi forseti Nígeríu. Hann var áður landstjóri Lagos-fylkis frá 1999 til 2007. Tinubu var kjörinn forseti í forsetakosningum Nígeríu í febrúar 2023 og tók við embætti þann 29. maí.
Æviágrip
[breyta | breyta frumkóða]Bola Tinubu er frá suðvesturluta Nígeríu og hefur verið kallaður „pólitískur guðfaðir“ í þeim landshluta vegna þess hve oft hann hefur komið stuðningsfólki sínu fyrir í embættisstöðum. Tinubu var landstjóri Lagos-fylkis frá 1999 til 2007 og hefur mikið stært sig af uppbyggingarstarfi sem var unnið í borginni Lagos á þessum tíma. Tinubu er einn ríkasti stjórnmálamaður í Nígeríu.[1]
Tinubu bauð sig fram í forsetakosningum Nígeríu í febrúar árið 2023 fyrir Allsherjarráð framfarasinna, flokk fráfarandi forsetans Muhammadu Buhari. Slagorð Tinubu í kosningunum var Emi lo kan, eða „Það er komið að mér“.[2]
Helstu keppinautar Tinubu í kosningunum voru Atiku Abubakar, frambjóðandi Lýðræðisflokks alþýðunnar, og Peter Obi, frambjóðandi Verkamannaflokksins. Í heimahéraði Tinubu, Lagos, tapaði hann óvænt naumlega fyrir Peter Obi.[3]
Á landsvísu hlaut Tinubu um 37 prósent atkvæðanna en Abubakar 29 prósent og Obi 25 prósent.[1] Kosningakerfið í Nígeríu er með þeim hætti að til að ná kjöri til forseta verður frambjóðandi að hljóta flest atkvæði á landsvísu og meira en 25 prósent atkvæða í tveimur þriðju af fylkjum landsins. Samkvæmt opinberum talningum tókst Tinubu þetta og hann var því lýstur sigurvegari kosninganna þann 1. mars.[4]
Í sigurræðu sinni eftir kosningarnar hvatti Tinubu til friðar og bauð keppinautum sínum að mynda með sér bandalag í þágu Nígeríu. Abubakar og Obi vefengdu báðir niðurstöður kosninganna og sögðust ætla að reyna að fá þeim hnekkt.[4]
Tilvísanir
[breyta | breyta frumkóða]- ↑ 1,0 1,1 Helgi Steinar Gunnlaugsson (1. mars 2023). „Kosningum er lokið í Nígeríu“. Fréttablaðið. Afrit af upprunalegu geymt þann 6. mars 2023. Sótt 2. mars 2023.
- ↑ „Nýr forseti Nígeríu kjörinn“. mbl.is. 1. mars 2023. Sótt 2. mars 2023.
- ↑ Bjarki Sigurðsson (1. mars 2023). „Tinubu verður forseti Nígeríu“. Vísir. Sótt 2. mars 2023.
- ↑ 4,0 4,1 Oddur Þórðarson (1. mars 2023). „Á brattann að sækja fyrir nýkjörinn forseta Nígeríu sem vill slíðra sverðin“. RÚV. Sótt 2. mars 2023.
| Fyrirrennari: Muhammadu Buhari |
|
Eftirmaður: Enn í embætti | |||
Þjóðhöfðingjar Nígeríu | ||
|---|---|---|
Nnamdi Azikiwe (1963–1966) · Johnson Aguiyi-Ironsi (1966) · Yakubu Gowon (1966–1975) · Murtala Mohammed (1975–1976) · Olusegun Obasanjo (1976–1979) · Shehu Shagari (1979–1983) · Muhammadu Buhari (1983–1985) · Ibrahim Babangida (1985–1993) · Ernest Shonekan (1993) · Sani Abacha (1993–1998) · Abdulsalami Abubakar (1998–1999) · Olusegun Obasanjo (1999–2007) · Umaru Yar'Adua (2007–2010) · Goodluck Jonathan (2010-2015) · Muhammadu Buhari (2015–2023) · Bola Tinubu (2023–) |  | |
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.