Vor

Árstíðir

Tempraða beltið Vor Sumar Haust Vetur

Hitabeltið Þurrkatími Kaldtími Heittími Regntími

Orðið „vor“ er einnig fornt eignarfornafn.

Vorgull (forsythia) í Danmörku

Sá argentínski siður að gefa gul blóm á vorbyrjunardegi sem tákn um gleði, orku og bjartsýni hefur breiðst út til margra landa.

Vor er ein af árstíðunum fjórum. Hinar eru sumar, haust og vetur. Á norðurhveli jarðar eru mánuðirnir mars, apríl og maí oftast taldir til vors, en á suðurhveli eru mánuðirnir september, október og nóvember vormánuðir. Veðurstofa Íslands telur vor vera mánuðina apríl og maí. Vor er sá tími ársins þegar daginn er að lengja hvað mest og í kjölfar þess hækkar meðalhitinn dag frá degi og gróður tekur við sér.

Á jafndægri að vori er dagurinn um það bil jafnlangur nóttinni og sums staðar á norðurhveli er vorjafndægur jafnframt talinn vera vordagurinn fyrsti, t.d. í Þýskalandi. Fyrsti vordagur eftir írsku tímatali er Brigídarmessa eða 2. febrúar.