Suspensiono
Suspensiono esas la termino donita a la sistemo di resorti, amortisili e ligesi qua konektas vehilo a lua roti. Suspensiono sistemi servas duala skopo - kontributanta a la voyoteno di vehilo e frenagado por bona aktiva sekureso e plezuro pri vehado, e mantenar vehilo okupanti komfortoza e sate bona izolata de voyo bruiso, vibrado, e.c. Ta skopi esas maxim-multa-kaze en deskonkordo, tale l'ajusto di suspensioni bezonas trovar la korekta reciproka konceso. Esas importanta por la suspensiono gardar la roto an kontakto kun la surfaco di voyo tanta posibla, pro ke omna forci aganta sur la vehilo facas lo tra kontakto plaketi di la bandaji. La desegno di avan e dopa suspensiono di vehilo povas esar diferanta.