Salem, Oregon
| Salem | ||
| ||
| Centrala quartero di Salem vidita de lua parlamento. | ||
| ||
| Standardo | ||
| Lando: |  Usa
| |
| Stato: | Oregon | |
Informo:
| ||
| Latitudo: | 44°55'51" N | |
| Longitudo: | 123°01'44" W | |
| Altitudo: | 96 m | |
| Surfaco: | 125,48 km² | |
| Habitanti: | 175 535 (2020) | |
| Denseso di habitantaro: | 1385,74 hab./km² | |
| Disto de Washington DC: | 4593[1] km | |
| Horala zono: | UTC-8 (UTC-7 dum somero) | |
| Urbestro: | Julie Hoy | |
Mapo:
| ||
| ||
Oficala retosituo:
| ||
| https://cityofsalem.net | ||
Salem esas chef-urbo dil Usana stato Oregon, e sideyo di komtio Marion. Segun la demografiala kontado di 2020, ol havis 175 535 habitanti, kontre 154 637 habitanti en 2010. Lua tota surfaco esas 128,08 km², equivalanta a 49,45 mi², di qui 126,67 km² (48,91 mi²) esas lando, e la cetera esas aquo.
La vorto "Salem" venas del Hebrea vorto Shalom, signifikante paco. La surnomo dil urbo esas Cherry City pro la festo di cerizi qui eventis dum la 20ma yarcento[2].
L'universitato Willamette, la maxim anciena del westo di Usa, jacas en Salem.
Historio
[redaktar | redaktar fonto]L'indijena vorto por la loko esas Chemeketa, qua signifikas loko por renkontrar. On povas trovar ta vorto en la kolegio Chemeketa Community.
L'unesma Europani en la loko venis en 1840. Pos la fondo dil urbo ol divenis la chef-urbo di Oregon en 1851, pos movesir de Oregon City.
Geografio
[redaktar | redaktar fonto]
Salem jacas an valo Willamette. Paralelo 45°N trairas la norda frontieri dil urbo. Lua reliefo esas kolinoza, kun altitudi varianta de 37 til 244 metri an lua limiti. Lua mezavalora altitudo esas 96 metri[3].
La klimato di Salem esas mediteranea (Csb segun la klimatala klasifikuro da Köppen), quale granda parto dil valo Willamette. Pluvi esas plu intensa dum la fino di autuno e la tota vintro. Granda parto di la pluvo falas til aprilo, ed existas sika sezono de mayo til septembro, plu intense en julio ed agosto. La mezavalora temperaturo en decembro (vintro) esas 5,2°C, kontre ke la mezavalora temperaturo en julio ed agosto (somero) esas 20,7°C. Rare la temperaturo falas infre -4°C o superiras 35°C[4].
La mezavalora yarala pluvo-quanto dil urbo esas 1018 mm, e la maxim pluvoza monato esas decembro, kun mezavalore 177 mm. Dum vintri kelkafoye povas nivar, ma rare eventas nivegi. Dum vintro, la maxim multa dii esas nuboza.
Demografio
[redaktar | redaktar fonto]Segun la demografiala kontado di 2000, esis 136 924 homi, 50 676 hemanari, e 32 331 familii qui rezidis en la urbo. La denseso di habitantaro esis 1 156,1/km² (2 994,0/mi²). Esis 53 817 domi kun mezvalora denseso di 454.4/km² (1 176,8/mi²). Segun raso, esis 83.07% Blanki, 1.28% Negri od Afrikan-Usani, 1.51% indijeni Amerikana, 2.41% Aziani, 0.47% Pacifik-insulani, 7.90% de altra rasi, e 3.36% de du o plura rasi, e 14.59% de la habitantaro esis Hispan-Usani o Latin-Amerikani de irga raso.
Esas 50 676 hemanari, di qui 32.4% havas pueri evanta min kam 18 en la domo, 47.7% esas mariajita e habitas kune, 11.6% muliero sen spozulo esis la domo-chefo, e 36.2% esas ne-familii. En 28.3% de omna hemanari vivis unika sola individuo, e 10.5% habitesis da singla individuo evanta 65 yari o pluse. La mezvalora grandeso po hemanaro esis 2.53 personi e la mezvalora grandeso po familio esis 3.10 personi.
La procento di habitanti segun evo esis: 25.4% evanta min kam 18 yari, 11.4% de 18 til 24 yari, 30.1% de 25 til 44 yari, 20.6% de 45 til 64 yari, e 12.4% evanta 65 yari o pluse. La mezvalora evo esis 34 yari. Po singla 100 mulieri esis 100.9 viri. Po singla 100 mulieri evanta 18 yari o pluse esis 99.5 viri.
La mezvalora revenuo po hemanaro en la urbo esis US$ 38 881, e la mezvalora revenuo po familio esis US$ 46 409. La mezvalora revenuo por la viri esis US$ 34 746 kontre US$ 26 789 por la mulieri. La revenuo per capita por la urbo esis US$ 19 141. Vivis sub povreso-lineo 15,0% de la habitantaro e 10,5% de la familii, inkluzite 20,2%, ek omna habitanti evanta min kam 18 yari, e 7,1% ek omna habitanti evanta 65 yari o pluse.
Referi
[redaktar | redaktar fonto]- ↑ https://www.trippy.com/distance/Salem-OR-to-Washington--DC
- ↑ http://www.salemhistory.net/events/acherrians.html
- ↑ Mapa topográfico de Salem, altitude, relevo - URL vidita ye 26ma di aprilo 2025. Idiomo: Portugalana.
- ↑ El clima de Salem, el tiempo por mes, temperatura promedio - Publikigita da Weather Spark. URL vidita ye 26ma di aprilo 2025. Idiomo: Hispana.
| Chef-urbi di Usana stati |
|---|
|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |