Montgomery, Alabama
| Montgomery | ||
| ||
| Kelk imaji pri Montgomery. | ||
| Lando: |  Usa
| |
| Stato: | Alabama | |
Informo:
| ||
| Latitudo: | 32°21'42" N | |
| Longitudo: | 86°16'45" W | |
| Altitudo: | 66[1] m | |
| Surfaco: | 420,28 km² | |
| Habitanti: | 200 603 (2020) | |
| Denseso di habitantaro: | 484,52 hab./km² | |
| Disto de Washington DC: | 1283[2] km | |
| Horala zono: | UTC-6 (UTC-5 dum somero) | |
| Urbestro: | Steven L. Reed (D) | |
 • Montgomery | ||
Oficala retosituo:
| ||
| https://www.montgomeryal.gov/ | ||
Montgomery esas la chef-urbo e la 3ma maxim populoza urbo di Usana stato Alabama, e sideyo di komtio Montgomery. Segun la demografiala kontado di 2020, ol havis 200 603 habitanti. Lua tota surfaco esas 420,28 km², equivalanta a 162,27 mi², di qui 414,03 km² (159,86 mi²) esas lando e la cetera esas aquo.
L'urbo enkorpigesis en 1819, rezultinta dil uniono di du urbeti alonge fluvio Alabama. Ol divenis chef-urbo dil stato en 1846. En februaro 1861 ol selektesis kom chef-urbo di la Kunfederita Stati di Amerika, til ke kunfederala guvernerio transferesis a Richmond, Virginia. Dum la yari 1950a e 1960a, Montgomery esis centro di protesti ed eventi di la Movado pri Civila Yuri.
Nun, la urbo gastigas multa guvernal agenterii ed importanta bazo dil Usana aer-armeo. Ol ank esas sideyo dil universitati Alabama State University, Universitato Troy (kampuso di Montgomery), ed Universitato Auburn.
Geografio
[redaktar | redaktar fonto]
La reliefo di Montgomery esas inklinata, jacanta alonge la suda rivo di fluvio Alabama. Lua maxim basa punto jacas 37 metri super la marala nivelo[1], lua mezavalora altitudo esas 66 metri, e lua maxim alta punto jacas 168 metri super la marala nivelo[1].
La klimato dil urbo esas humida subtropikala (Cfa segun la klimatala klasifikuro da Köppen). La vintri esas kurta e moderema, printempi ed autuni esas varma, e someri esas longa, varma e humida. La mezavalora atmosferala humideso ne varias multe, e situesas inter 70% e 79%. La mezavalora temperaturo yarala esas 18,7°C[3]. La mezavalora temperaturo en julio (somero) esas 28,3°C, kontre ke la mezavalora temperaturo en januaro (vintro) esas 8,9°C.
La mezavalora yarala pluvo-quanto esas 1299 mm, e la maxim pluvoza monato esas marto, kun mezavalore 132 mm.
Referi
[redaktar | redaktar fonto].jpg)
- ↑ 1,0 1,1 1,2 Mapa topográfico Montgomery - Publikigita da topographic-map.com. URL vidita ye 4ma di februaro 2025. Idiomo: Portugalana.
- ↑ https://www.trippy.com/distance/Montgomery-AL-to-Washington--DC
- ↑ Clima Montgomery (Estados Unidos da América) - Publikigita da Climate Data. URL vidita ye 4ma di februaro 2025. Idiomo: Portugalana.
| Chef-urbi di Usana stati |
|---|
|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |