Սիգուլդա

Սիգուլդա
Բնակավայր
	Սիգուլդա
	լատիշ․՝ Sigulda
Դրոշ	Զինանշան
Երկիր	Լատվիա
Համայնք	Սիգուլդայի շրջան
Հիմնադրված է	1207 թ.
Մակերես	22,15 կմ², 22,88 կմ²
Բնակչություն	▲14 632 մարդ (հունվարի 1, 2024)
Ժամային գոտի	UTC+2
Փոստային դասիչ	LV-2150
Պաշտոնական կայք	sigulda.lv/public
	Սիգուլդա (Լատվիա)
	Սիգուլդա (Լատվիա)
	Սիգուլդա Վիքիպահեստում

Սիգուլդա (pronunciation (օգնություն • ինֆո); գերմ.՝ Segewold, լեհ.՝ Zygwold, ռուս.՝ Сигулдаլատիշ․՝ Sigulda (օգնություն • ինֆո)), պատմական անվանումը՝ Զեգեվոլդ (գերմ.՝ Segewold), քաղաք Լատվիայի կենտրոնական մասում՝ Վիձեմե երկրամասում. նույնանուն շրջանի վարչական կենտրոնն է, այդ երկրում զբոսաշրջության կարևորագույն կենտրոններից մեկը։ Ընկած է մայրաքաղաք Ռիգայից մոտավորապես 50 կիլոմետր դեպի հյուսիս-արևելք^[3]^[4], Գաույա գետի ափերին, Գաույայի ազգային պարկի սահմաններում։ 2022 թվականի հունվարի տվյալներով բնակչության թվաքանակը եղել է 14 539։

Պատմություն

Բնակավայրի հիմնադրման տարեթիվ ընդունված է համարել 1207 թվականը՝ այն նույն տարին, երբ թրակիրների ուխտի (օրդենի) անդամներն այստեղ հիմնել են Զեգեվոլդ (Զիգվալդ — գերմ.՝ Siegwald «Հաղթանակի անտառ») ամրոցը (հենց այդ ամրոցի անվանումն էլ ընկած է քաղաքի անվան հիմքում)։ Քաղաքը հարուստ է պատմա-մշակութային հուշարձաններով՝ ամրոցներով, բերդերով։ 1895 թվականին Սիգուլդայում բացվել է հանրային գրադարանը, որը շարունակում է գործել նաև մեր օրերում։

Պատկերասրահ

Զեգեվոլդի պատմական զինանշանը
Սիգուլդայի ամրոցի ավերակները
Սիգուլդայի ամրոցը
Գուտմանիսի քարանձավը
Տուրայդա ամրոցը
Կրոպոտկինների դղյակը
Սահնակարշավի մրցասպարեզը
Ճոպանուղու կայանը

Քույր քաղաքներ

Սիգուլդան Եվրոպական միության քույր քաղաքների ընկերակցության՝ Դուզելաժի անդամներից է և իր այդ կարգավիճակից ելնելով՝ 1991 թվականից կանոնավոր կերպով համատեղ կազմակերպում կամ մասնակցում է տոնավաճառների, փառատոների, այլ միջոցառումների։ 2019 թվականի դրությամբ այդ ընկերակցության անդամներ էին հետևյալ քաղաքները^[5].